完整藏文原文 · 德格版页 当前仅加载第 55 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
པད་མ་ཆེན་པོ་ལ་སྐྱིལ་མོ་ཀྲུང་བཅས་ཏེ་འཁོད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་དགེ་སློང་གང་དག་ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་པ་པའམ། བྱང་ཆུབ་སེམས་དཔའི་ཐེག་པ་ལ་གནས་པ་ཡུལ་སོ་སོར་རྒྱུ་ཞིང་དོང་བ་
D131.055.0233a01.01དེ་དག་ཐམས་ཅད་ཀྱང་སངས་རྒྱས་ཀྱི་མཐུ་དང་། སངས་རྒྱས་ཀྱི་བྱིན་གྱི་རླབས་ཀྱིས་བྱ་རྒོད་ཀྱི་ཕུང་པོའི་རི་ག་ལ་བ་དང་། བཅོམ་ལྡན་འདས་ག་ལ་བ་དེར་འོངས་ཏེ་ལྷགས་ནས། བཅོམ་ལྡན་འདས་གང་དུ་ཡང་མ་མཐོང་ངོ་། །མ་མཐོང་ནས་ཐལ་མོ་སྦྱར་ཏེ་ཕྱག་འཚལ་ལོ། །འདི་ལྟར་དེ་
D131.055.0233a02.01བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་འདིའི་གཟི་བརྗིད་ཀྱི་མཐུས་སྐད་ཅིག་ཐང་ཅིག་ཡུད་ཙམ་དེ་ཉིད་ལ་འོད་མའི་ཚལ་བྱ་ཀ་ལན་དཀའི་གནས་སུ་བཅོམ་ལྡན་འདས་ཀྱི་འཁོར་གྱི་དཀྱིལ་འཁོར་དུ་བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་འདུས་པར་གྱུར་ཏེ་འཁོད་དོ། །ཉན་
D131.055.0233a03.01ཐོས་འབུམ་ཕྲག་གསུམ་ཡང་འདུས་པར་གྱུར་ཏེ་འཁོད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། དབང་ཕྱུག་ཆེན་པོ་དང་། གནས་གཙང་མའི་རིས་ཀྱི་ལྷའི་བུ་རྣམས་དང་། ལྷ་ཐམས་ཅད་དང་། ལྷའི་
D131.055.0233a04.01དབང་པོ་རྣམས་དང་། ཀླུ་ཐམས་ཅད་དང་། ཀླུའི་དབང་པོ་རྣམས་དང་། གནོད་སྦྱིན་ཐམས་ཅད་དང་། གནོད་སྦྱིན་གྱི་དབང་པོ་རྣམས་དང་། དྲི་ཟ་ཐམས་ཅད་དང་། དྲི་ཟའི་དབང་པོ་རྣམས་དང་། ལྷ་མ་ཡིན་ཐམས་ཅད་དང་། ལྷ་མ་ཡིན་གྱི་དབང་པོ་རྣམས་དང་། ནམ་མཁའ་ལྡིང་
D131.055.0233a05.01ཐམས་ཅད་དང་། ནམ་མཁའ་ལྡིང་གི་དབང་པོ་རྣམས་དང་། མི་འམ་ཅི་ཐམས་ཅད་དང་། མི་འམ་ཅིའི་དབང་པོ་རྣམས་དང་། ལྟོ་འཕྱེ་ཆེན་པོ་ཐམས་ཅད་དང་། ལྟོ་འཕྱེ་ཆེན་པོའི་དབང་པོ་རྣམས་དང་། འདབ་{བཟངས་,བཟང་}ཐམས་ཅད་དང་། འདབ་{བཟངས་ཀྱི་,བཟང་གི་}དབང་པོ་རྣམས་དང་། དེ་
D131.055.0233a06.01དག་ཐམས་ཅད་སོ་སོའི་གཡོག་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་དང་། འོད་མའི་ཚལ་བྱ་ཀ་ལན་དཀའི་གནས་ག་ལ་བ་དང་། བཅོམ་ལྡན་འདས་ག་ལ་བ་དེར་འོངས་ཏེ་ལྷགས་ནས། བཅོམ་ལྡན་འདས་གང་དུ་ཡང་མ་མཐོང་ངོ་། །མ་མཐོང་ནས་ཐལ་མོ་སྦྱར་ཏེ་ཕྱག་འཚལ་
D131.055.0233a07.01