完整藏文原文 · 德格版页 当前仅加载第 55 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་མཚན་དང་དཔེ་བྱད་བཟང་པོ་ཡོངས་སུ་སྒྲུབ་པར་འདོད་པས་ཏིང་ངེ་འཛིན་འདི་ལ་བརྩོན་པར་བྱའོ། །བྱང་ཆུབ་སེམས་དཔའ་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཐོབ་པར་འདོད་པས་ཏིང་ངེ་འཛིན་འདི་ལ་བརྩོན་པར་བྱའོ། །བྱང་ཆུབ་སེམས་དཔའ་སྟོབས་དང་། མི་འཇིགས་པ་
D131.055.0252a01.01དང་། བྱམས་པ་ཆེན་པོ་དང་། སྙིང་རྗེ་ཆེན་པོ་ཐོབ་པར་འདོད་པས་ཏིང་ངེ་འཛིན་འདི་ལ་བརྩོན་པར་བྱའོ། །བྱང་ཆུབ་སེམས་དཔའ་སངས་རྒྱས་ཀྱི་སྤྱན་དང་། རང་བྱུང་ཉིད་དང་། སངས་རྒྱས་ཀྱི་ཞིང་ཕུན་སུམ་ཚོགས་པ་དང་། ཚེ་ཕུན་སུམ་ཚོགས་པ་དང་། བཀོད་པ་ཕུན་སུམ་ཚོགས་པ་ཐོབ་པར་འདོད་
D131.055.0252a02.01པས་ཏིང་ངེ་འཛིན་འདི་ལ་བརྩོན་པར་བྱའོ། །བྱང་ཆུབ་སེམས་དཔའ་འཁོར་ཕུན་སུམ་ཚོགས་པ་དང་། གཟུགས་ཕུན་སུམ་ཚོགས་པ་དང་། བྱང་ཆུབ་སེམས་དཔའ་མཚན་ཕུན་སུམ་ཚོགས་པ་དང་། ཉན་ཐོས་ཕུན་སུམ་ཚོགས་པ་ཐོབ་པར་འདོད་པས་ཏིང་ངེ་འཛིན་འདི་ལ་བརྩོན་པར་བྱའོ། །བྱང་
D131.055.0252a03.01ཆུབ་སེམས་དཔའ་སྣང་བ་དང་། ཡེ་ཤེས་དང་། གཟུངས་དང་། སེམས་ཅན་གྱི་སྐད་ཀྱི་བརྡ་དང་། རིགས་པ་དང་། ཚུལ་དང་། སྒོ་ཐོབ་པར་འདོད་པས་ཏིང་ངེ་འཛིན་འདི་ལ་བརྩོན་པར་བྱའོ། །བྱང་ཆུབ་སེམས་དཔའ་ལམ་ལ་འཇུག་པ་དང་། འོད་ཕུན་སུམ་ཚོགས་པ་དང་། སོ་སོ་ཡང་དག་
D131.055.0252a04.01པར་རིག་པའི་སྟོབས་བསྐྱེད་པ་དང་། རྣམ་པར་གདོན་མི་ཟ་བའི་སྟོབས་བསྐྱེད་པ་ལ་མཁས་པ་ཐོབ་པར་འདོད་པས་ཏིང་ངེ་འཛིན་འདི་ལ་བརྩོན་པར་བྱའོ། །བྱང་ཆུབ་སེམས་དཔའ་སྤོབས་པ་ཕུན་སུམ་ཚོགས་པ་དང་། ལྟ་བ་ཕྱིན་ཅི་མ་ལོག་པ་དང་། མཉམ་པ་ཉིད་རྟོགས་པར་ཁོང་དུ་ཆུད་པར་འདོད་
D131.055.0252a05.01པས་ཏིང་ངེ་འཛིན་འདི་ལ་བརྩོན་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་ཏིང་ངེ་འཛིན་འདི་ལ་བརྩོན་པ་ནི་ཡོན་ཏན་གྱི་ཕན་ཡོན་འདི་ཐམས་ཅད་འཐོབ་བོ། །དེ་ལྟར་བྱང་ཆུབ་སེམས་དཔའ་ཡོན་ཏན་གྱི་ཕན་ཡོན་དང་ལྡན་པ་ནི་སངས་རྒྱས་ཞེས་བྱའོ། །འདྲེན་པ་ཞེས་བྱའོ། །རྣམ་
D131.055.0252a06.01པར་འདྲེན་པ་ཞེས་བྱའོ། །ཡོངས་སུ་འདྲེན་པ་ཞེས་བྱའོ། །སྟོན་པ་ཞེས་བྱའོ། །ཐམས་ཅད་མཁྱེན་པ་ཞེས་བྱའོ། །རྒྱལ་བ་ཞེས་བྱའོ། །འཇིག་རྟེན་གྱི་མགོན་པོ་ཞེས་བྱའོ། །རང་བྱུང་ཞེས་བྱའོ། །དེ་བཞིན་གཤེགས་པ་ཞེས་བྱའོ། །ཇི་ལྟར་སྨྲ་བ་དེ་བཞིན་བྱེད་པ་ཞེས་བྱའོ། །མཉམ་
D131.055.0252a07.01