完整藏文原文 · 德格版页 当前仅加载第 55 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཆོས་སུ་རིག་པར་བྱའོ། །ལྔ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་སེམས་མཉམ་པ་ཡིན། ཕ་རོལ་གྱི་རྙེད་པ་དང་། བཀུར་སྟི་ལ་ཕྲག་དོག་མེད་པ་ཡིན། སྲོག་གི་ཕྱིར་ཡང་དམ་པའི་ཆོས་འཛིན་པའི་དགེ་སློང་རྣམས་ཀྱི་བསྔགས་པ་མ་ཡིན་པ་མི་སྨྲ་
D131.055.0241a01.01བ་ཡིན། ཤེས་ཀྱི་ཁེ་དང་། རྙེད་པ་དང་། བཀུར་སྟི་དང་། ཚིགས་སུ་བཅད་པ་ལ་མི་ཆགས་པ་ཡིན། ཆོས་ཟབ་མོ་ལ་མོས་པ་ཡིན་ཏེ། འཇིག་རྟེན་གྱི་བྱ་བ་སྣ་ཚོགས་ལ་མོས་པ་མ་ཡིན་གྱི་ཆོས་ཐམས་ཅད་ལ་ཆོས་ཟབ་མོ་དང་ལྡན་པ་ཡིན་ཏེ། བྱམས་པ་བྱང་ཆུབ་སེམས་དཔའ་ཆོས་
D131.055.0241a02.01ལྔ་པོ་འདི་དག་དང་ལྡན་ན། ཕྱིར་མི་ལྡོག་པའི་ཆོས་སུ་རིག་པར་བྱའོ། །བྱམས་པ་བྱང་ཆུབ་སེམས་དཔའ་ཆོས་ལྔ་དང་ལྡན་ན་བྱང་ཆུབ་སེམས་དཔའ་དམུ་རྒོད་དུ་རིག་པར་བྱའོ། །ལྔ་གང་ཞེ་ན། འདི་ལྟ་སྟེ། གཟི་བརྗིད་ཆུང་ཞིང་བཀའ་བློ་མི་བདེ་བ་ཡིན། དམན་པ་ལ་མོས་ཤིང་ཐམས་ཅད་
D131.055.0241a03.01ལ་དམན་པའི་ཆོས་སྟོན་པ་ཡིན། ཤེས་ཀྱི་ཁེ་དང་། རྙེད་པ་དང་། བཀུར་སྟི་ལ་ཆགས་ཤིང་སློང་བ་སྟེར་བའི་ཁྱིམ་ལ་སེར་སྣ་བྱེད་པ་ཡིན། སྒྱུ་དང་ལྡན་ཞིང་གཡོ་བྱེད་པ་ཡིན། སྟོང་པ་ཉིད་ལ་ངག་གི །ལས་ལྷུར་ལེན་པས་མི་དྲང་བ་ཡིན་ཏེ། བྱམས་པ་བྱང་ཆུབ་སེམས་དཔའ་ཆོས་
D131.055.0241a04.01ལྔ་པོ་དེ་དག་དང་ལྡན་ན་དེ་དམུ་རྒོད་དུ་རིག་པར་བྱའོ། །བྱམས་པ་བྱང་ཆུབ་སེམས་དཔའ་ཆོས་ལྔ་དང་ལྡན་ན་ཕྱིར་མི་ལྡོག་པའི་ཆོས་སུ་རིག་པར་བྱའོ། །ལྔ་གང་ཞེ་ན། འདི་ལྟ་སྟེ། བདག་མི་དམིགས་ཤིང་བདག་ལ་མི་སྟོད་པ་དང་། སེམས་ཅན་མི་དམིགས་པ་དང་། ཆོས་ཀྱི་དབྱིངས་
D131.055.0241a05.01རྣམ་པར་རྟོག་པས་མི་སྟོན་པ་དང་། བྱང་ཆུབ་མི་དམིགས་པ་དང་། དེ་བཞིན་གཤེགས་པའི་སྐུ་ལ་གཟུགས་ཀྱི་མཚན་མ་མི་ལྟ་བ་སྟེ། བྱམས་པ་བྱང་ཆུབ་སེམས་དཔའ་ཆོས་ལྔ་པོ་དེ་དག་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་ཆོས་སུ་
D131.055.0241a06.01རིག་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཕྲག་དོག་ཅན་དང་ཤེས་ཀྱི་ཁེ་འདོད་དང་། །གནོད་པ་བྱེད་དང་འཆོས་དང་ཟུར་ཟ་དང་། །སྨྲ་བ་ཙམ་དང་དམན་པའི་ཚུལ་ཅན་གྱིས། །བདེ་གཤེགས་བྱང་ཆུབ་འདི་ནི་བསྲུང་མི་ནུས། །
D131.055.0241a07.01