完整藏文原文 · 德格版页 当前仅加载第 55 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་དང་། དངུལ་གྱི་ཁ་དོག་ལྟ་བུ་བྱུང་ངོ་། །དེ་དག་ཞལ་གྱི་སྒོ་ནས་བྱུང་ནས་ཀྱང་འཇིག་རྟེན་གྱི་ཁམས་མཐའ་ཡས་མུ་མེད་པ་སྣང་བར་བྱས་ཏེ། བདུད་ཀྱི་གནས་ཐམས་ཅད་སྤ་བཀོང་ནས་ཚངས་པའི་འཇིག་རྟེན་གྱི་བར་དུ་
D131.055.0243b01.01མངོན་པར་འཕགས་ཏེ། ཉི་མ་དང་ཟླ་བའི་འོད་ཟིལ་དུ་བརླག་པར་བྱས་ནས། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་སྐྱེས་པ་དེ་དག་ཐམས་ཅད་ཀྱི་སྡུག་བསྔལ་གྱི་ཚོར་བ་ཐམས་ཅད་ཞི་བར་བྱས་ཏེ། སླར་ལོག་ནས་བཅོམ་ལྡན་འདས་ལ་ལན་
D131.055.0243b02.01བརྒྱ་སྟོང་དུ་མར་བསྐོར་བ་བྱས་ཏེ། བཅོམ་ལྡན་འདས་ཀྱི་དབུའི་གཙུག་ཏུ་ནུབ་པར་གྱུར་ཏོ། །དེ་ནས་དཔལ་{བཟངས་,བཟང་}དང་། བྱེ་བ་ལྡན་པའི་བུ་མོ་གསེར་མཆོག་སྣང་བ་གཉིས་སྟན་ལས་ལངས་ཏེ། གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་
D131.055.0243b03.01འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཚིགས་སུ་བཅད་པའི་དབྱངས་ཀྱིས་བཅོམ་ལྡན་འདས་ལ་མངོན་པར་བསྟོད་དེ་འཛུམ་པ་མཛད་པའི་དོན་ཞུས་པ། མི་མཆོག་ཡོན་ཏན་མངའ་བ་སྲིད་པ་གསུམ་ན་མཚུངས་མ་མཆིས། །ནམ་མཁའ་ཟླ་བ་འདྲ་བ་ཡོན་ཏན་བརྒྱ་རྣམས་
D131.055.0243b04.01ཤིན་ཏུ་རྒྱས། །རབ་ཏུ་བཞད་པ་ལེགས་པར་མཛེས་པ་མཆོག་ཏུ་སྙན་པའི་གསུང་། །སྟོབས་བཅུ་ཇི་སླད་འཛུམ་པ་མཛད་པ་འདི་ནི་བཀའ་སྩལ་གསོལ། །སེམས་ཅན་དམ་པ་ཟླ་བ་འདྲ་བའི་ཞལ་ནི་རབ་འཛུམ་འཇིག་རྟེན་མིག་སྦྱིན་པ། །ཤིན་ཏུ་མཛེས་ཤིང་མཆོག་ཏུ་དྲི་མེད་ཚངས་པའི་དབྱངས་
D131.055.0243b05.01དང་འཇམ་པའི་སྒྲ་དང་དབྱངས། །སེམས་ལ་སྣུམ་ཞིང་ལུས་ལ་སིམ་པ་བདེ་བས་སེམས་ནི་རབ་ཏུ་ཚིམ་མཛད་པ། །མི་ཡི་དམ་པ་སེང་གེའི་འཛུམ་མཛད་དེ་ཡི་རྒྱུ་ནི་འདྲེན་པ་ལུང་བསྟན་གསོལ། །འཁྲུགས་པ་མི་མངའ་བ་དང་མ་རྙོགས་མ་ཚང་མི་མངའ་གསུང་། །ཤིན་ཏུ་ལྡན་ཞིང་རབ་ཏུ་མཉམ་
D131.055.0243b06.01ལ་མཆོག་ཏུ་མཛེས་པར་སྙན། །ཕ་རོལ་སྤྱོད་པའི་ཚུལ་ནི་ཁྲག་ཁྲིག་བརྒྱ་དག་རྣམ་པར་འབྱེད། །ཅི་ཡི་སླད་དུ་ཡོན་ཏན་མངའ་བ་འཛུམ་མཛད་བཀའ་སྩལ་གསོལ། །གསུང་ནི་བརྒྱད་དང་ལྡན་ཞིང་ཡན་ལག་དྲུག་ཅུ་རྣམས་དང་ལྡན། །སྐད་ནི་བདུན་བརྒྱ་དག་དང་ཡི་གེ་བྱེ་བ་དྲུག་ཅུ་ལྡན། །
D131.055.0243b07.01