完整藏文原文 · 德格版页 当前仅加载第 55 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བ་རྣམས་ཀྱི་སྐུ་ནི་མི་རྟོག་དེ་འདྲར་ལྟོས། །ཞི་མེད་རབ་ཞི་མ་ཡིན་ཞི་བྲལ་སྦྱོར་བའང་མེད། །ཆགས་མེད་རིགས་མེད་འདི་ན་ཆད་པ་སྟོང་པ་བཞིན། །ཡང་ན་ངོ་བོ་ཉིད་ཀྱིས་ནམ་མཁའ་ལྟ་བུ་སྟེ། །དེ་ལྟར་མཐོང་ན་ཉིན་མཚན་སངས་རྒྱས་མཆོད་པ་ཡིན། །ཞིང་རྣམས་
D131.055.0237a01.01བྱེ་བ་སྟོང་ཕྲག་ཇི་ཙམ་ཕྱོགས་རྣམས་སུ། །སྲིད་པའི་རྩེ་མོ་བར་དུ་རིན་ཆེན་གང་བ་དག །སངས་རྒྱས་རྣམས་ལ་བསྐལ་མང་ཕྱེ་མའི་མཐར་འབུལ་བ། །སྦྱིན་པ་དེ་ནི་མདོ་སྡེ་འདི་བྲིས་ཆར་མི་ཕོད། །གང་གཱའི་བྱེ་མ་སྙེད་པས་མང་བའི་བསྐལ་པར་ཡང་། །འགྲོ་ལ་སྙོམས་པའི་སེམས་
D131.055.0237a02.01ཀྱིས་བྱམས་པ་བསྒོམས་པ་བས། །གང་ཞིག་ཡེ་ཤེས་ཕྱག་རྒྱ་ཏིང་འཛིན་མཆོག་མོས་པ། །ཚུལ་ཁྲིམས་དེ་ནི་བཟོད་པ་འདི་ཡི་ཆར་མི་ཕོད། །ཇི་ཙམ་སྔོན་གྱི་འཁོར་བ་དག་ནི་མཐའ་ཡས་པ། །དེ་སྲིད་བསྐལ་པར་སྲོག་ཆགས་ཀུན་ལ་རྟག་བཟོད་པ། །རྒྱལ་བའི་ཕྱག་རྒྱ་འདི་ལ་དད་པ་
D131.055.0237a03.01གཅིག་བསྐྱེད་ན། །འདིར་དད་བསོད་ནམས་དང་ནི་རི་རབ་ཡུངས་འབྲུ་བཞིན། །ཇི་ཙམ་འཇིག་རྟེན་གསུམ་གྱི་སེམས་ཅན་རྣམ་མང་སྐྱེས། །དེ་དག་མི་གང་བསྐལ་པ་མང་པོར་མགོར་ཐོགས་ཤིང་། །ལུས་ཀྱང་མི་ངལ་ནམ་དུའང་གཡོ་བ་མི་སྐྱེད་པ། །བརྩོན་འགྲུས་དེ་ནི་བཟོད་པ་འདི་ཡི་
D131.055.0237a04.01ཆར་མི་ཕོད། །ཞིང་བརྒྱའི་བྱེ་མ་ཇི་སྙེད་དེ་བས་ལྷག་པ་ཡི། །བསྐལ་པ་མང་པོར་གང་རྣམས་བསམ་གཏན་བྱེད་པ་བས། །མདོ་སྡེ་འདི་ལ་ཉིན་ཞག་གཅིག་ཙམ་སྦྱོར་བ་ཡང་། །བསོད་ནམས་དེ་ནི་བཟོད་པ་འདི་ཡི་དཔེར་མི་རུང་། །རྡུལ་ཁམས་ཇི་སྙེད་པ་ཡི་བསྐལ་པ་གྲངས་མེད་པར། །
D131.055.0237a05.01ཤེས་རབ་མཐའ་གཉིས་སྤངས་ལ་མངོན་པར་བརྩོན་པ་བས། །གང་གིས་ཇི་སྐད་བཤད་པའི་ཡེ་ཤེས་འདི་རྟོགས་པ། །བསོད་ནམས་དེ་ཡང་རྒྱ་མཚོ་དང་ནི་ཆུ་ཐིགས་བཞིན། །རྒྱལ་བ་ལ་ནི་གཟུགས་དང་མཚན་མར་མ་ལྟ་ཤིག །བྱིས་པ་ལྟ་བུས་བདེ་བར་གཤེགས་ལ་སེམས་མ་ལྟར། །
D131.055.0237a06.01གང་གིས་རབ་འབྱོར་ལྟ་བུར་ང་ནི་མཐོང་གྱུར་པ། །དེས་ནི་སྟོང་གསུམ་ཀུན་གྱི་སྦྱིན་པ་ཐམས་ཅད་སྦྱངས། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་དེ་དག་གསུངས་ནས། ཡང་གནས་བརྟན་ཤ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་དེ་བཞིན་
D131.055.0237a07.01