完整藏文原文 · 德格版页 当前仅加载第 56 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་བ་དེ་དང་དེ་དག་དང་སྐྱེ་བའི་གནས་དེ་དང་དེ་དག་ཏུ་བསྐལ་པ་འབུམ་ཕྲག་མང་པོར་ཉེས་པ་བྱས་ནས། དགྲ་དང་གཤེད་མའི་ལག་ཏུ་སོང་ནས་ཆོམ་རྐུན་དང་རྒྱལ་པོས་བཀྲབས་པ་ལ་སོགས་པས་མཚོན་རྣོན་པོས་ཡན་ལག་དང་ཉིང་ལག་ཐམས་ཅད་དུམ་བུ་དུ་མར་བཅད་ཅིང་གཏུབས་ཏེ་
D134.056.0093b01.01འདོད་པའི་ཕྱིར་དང་། ནོར་གྱི་ཕྱིར་དང་། བཅད་པ་དང་། བཅིང་བ་དང་། བརྡེག་པ་དང་། བསྡིགས་པ་ལ་སོགས་པ་དཀའ་བ་འབུམ་ཉམས་སུ་མྱོང་མོད་ཀྱི། འོན་ཀྱང་བདག་གི་ལུས་དེ་དག་དང་། ཚོར་བ་དེ་དག་གིས་སེམས་ཅན་སུ་ལ་ཡང་དོན་ཅི་ཡང་བྱས་པ་མེད་ན། ད་བདག་
D134.056.0093b02.01གིས་སྙིང་པོ་མེད་པའི་ལུས་འདིས་ཆོས་རྙེད་པར་འགྱུར་བ་ནི་བདག་གིས་རྙེད་པ་ལེགས་པར་རྙེད་དོ་སྙམ་ནས། དགའ་ཞིང་མགུ་ལ་ཡི་རངས་ཏེ། ལྷ་དེ་ལ་ཡང་སློབ་དཔོན་གྱི་འདུ་ཤེས་བསྐྱེད་ནས་མཚོན་རྣོན་པོས་རང་གི་ལུས་ལས་པགས་པ་བཤུས་ཏེ་ཉི་མ་ལ་སྐམས་ནས་ཤོག་
D134.056.0093b03.01བུར་བྱས་ཏེ། རང་གི་ལུས་ལས་ཁྲག་གཟགས་ནས་རང་གི་ཁྲག་གིས་སྣག་ཚ་སྦྱར་ཏེ། རང་གི་རུས་པས་སྨྱུག་གུ་བྱས་ནས་ལྷ་དེ་ལ་ཐལ་མོ་སྦྱར་ཏེ་འདི་སྐད་ཅེས་སྨྲས་སོ། །ལྷ་སངས་རྒྱས་ཀྱིས་གསུངས་པའི་སངས་རྒྱས་ཀྱི་མཚན་བསྡུས་པའི་ཚིགས་སུ་བཅད་པ་དེ་བདག་ལ་གསུངས་ཤིག །
D134.056.0093b04.01ཁྱོད་ཀྱིས་ཇི་སྐད་བསྒོ་བ་བཞིན་དུ་བདག་གིས་བགྱིས་ལགས་ཏེ། བདག་གིས་པགས་པ་བཤུས་ནས་སྐམས་ཏེ་ཤོག་བུར་བགྱིས་ནས་རང་གི་ཁྲག་གིས་སྣག་ཚ་སྦྱར་ཏེ། རང་གི་རུས་པས་སྨྱུག་གུ་བགྱིས་ལགས་སོ་ཞེས་བྱས་སོ། །རིགས་ཀྱི་བུ་དེ་ནས་བདུད་ཀྱི་རིས་ཀྱི་ལྷ་དེས་དྲང་སྲོང་ཆེན་
D134.056.0093b05.01པོ་མཆོག་དེའི་གུས་པ་དང་། དོན་དུ་གཉེར་བ་དེ་ལྟ་བུ་མཐོང་ནས། གནོང་གནོང་ལྟར་བྱས་ཏེ། དེ་ཉིད་དུ་མི་སྣང་བར་གྱུར་ཏོ། །རིགས་ཀྱི་བུ་དེ་ནས་དྲང་སྲོང་ཆེན་པོ་མཆོག་དེས་དེའི་ཚེ་ལྷ་དེ་མི་སྣང་བར་གྱུར་པར་རིག་ནས་འདི་སྙམ་དུ་སེམས་ཏེ། བདག་གིས་ཚིགས་སུ་བཅད་པ་དེ་མ་ཐོས་
D134.056.0093b06.01སུ་ཟིན་ཀྱང་། གང་གི་ཕྱིར་བདག་གིས་ཆོས་ལ་གུས་པ་ཆེན་པོས་རང་གི་པགས་པ་བཤུས་ཏེ་སྐམས་ནས་རང་གི་ཁྲག་དང་སྦྱར་བ་དང་། རང་གི་རུས་པ་ཕྱུང་སྟེ་སྨྱུག་གུ་བྱས་པས་བདག་གི་ཆོས་ལ་གུས་པའི་དགེ་བའི་རྩ་བ་འདི་ཆུད་ཟ་བར་མི་འགྱུར་རོ། །སླུ་བར་ཡང་མི་འགྱུར་རོ། །འོན་
D134.056.0093b07.01