完整藏文原文 · 德格版页 当前仅加载第 56 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིང་ལག་ཡོངས་སུ་གཏང་བས་མཐུ་དང་ལྡན་པར་བྱའོ། །བྱང་ཆུབ་སེམས་དཔས་ནི་འཇིག་རྟེན་གྱི་ཆོས་རྣམས་དང་དུ་ལེན་པར་སྤྲོ་བར་བྱའོ། །བྱང་ཆུབ་སེམས་དཔས་ནི་སྲོག་གི་ཕྱིར་ཡང་བསླབ་པ་ཡོངས་སུ་མི་གཏང་བས་སྤྱོད་པ་ལ་བློ་དང་ལྡན་པར་
D134.056.0112a01.01བྱའོ། །བྱང་ཆུབ་སེམས་དཔས་ནི་ངན་དུ་སྨྲས་པའི་ཚིག་དང་དུ་ལེན་པའི་ངང་ཚུལ་ཅན་གྱིས་བཟོད་པའི་སྟོབས་དང་ལྡན་པར་བྱའོ། །བྱང་ཆུབ་སེམས་དཔས་ནི་སངས་རྒྱས་ཀྱི་ཞིང་ཡོངས་སུ་དག་པ་ཡོངས་སུ་གཟུང་བས་ལེ་ལོ་མེད་པར་བྱའོ། །བྱང་ཆུབ་སེམས་དཔས་ནི་
D134.056.0112a02.01བྱང་ཆུབ་ཀྱི་སེམས་དང་མི་འབྲལ་བས་རྩེ་གཅིག་ཏུ་བྱའོ། །བྱང་ཆུབ་སེམས་དཔས་ནི་ཕ་རོལ་ཏུ་ཕྱིན་པ་དྲུག་ཡོངས་སུ་བཙལ་བས་བྱང་ཆུབ་ཀྱི་སེམས་མི་བརྗེད་པར་བྱའོ། །བྱང་ཆུབ་སེམས་དཔས་ནི་རང་གི་དོན་ལ་བརྩོན་པ་དང་ལྡན་པ་དང་། སེམས་ཅན་ཐམས་ཅད་
D134.056.0112a03.01ཡོངས་སུ་མི་གཏང་བ་དང་། སེམས་ཅན་ཐམས་ཅད་ཀྱི་སྐབས་དབྱེ་བའི་ཕྱིར་མི་འཕྲོགས་པར་བྱའོ། །བྱང་ཆུབ་སེམས་དཔས་ནི་སངས་རྒྱས་ཀྱི་རིགས་མི་འཆད་པར་བྱ་བའི་ཕྱིར་དམ་བཅས་པ་ལ་བརྟན་པར་བྱའོ། །བྱང་ཆུབ་སེམས་དཔས་ནི་ལུས་དང་ངག་
D134.056.0112a04.01དང་ཡིད་དྲང་པོ་ཡོངས་སུ་དག་པས་གཡོ་ཐམས་ཅད་ཡོངས་སུ་སྤང་བར་བྱའོ། །བྱང་ཆུབ་སེམས་དཔས་ནི་སེམས་ཅན་སྐྱབས་སུ་འོངས་པ་ཡོངས་སུ་བསྐྱབ་པའི་ཕྱིར་ཤིན་ཏུ་དཀར་བའི་ཕྱོགས་གཅིག་ཏུ་ངེས་པར་བྱའོ། །བྱང་ཆུབ་སེམས་དཔས་ནི་ལུས་དང་སྲོག་ལ་
D134.056.0112a05.01མ་ཆགས་པས་མི་བལྟ་བར་བྱའོ། །བྱང་ཆུབ་སེམས་དཔས་ནི་ཚུར་ཤོག་འོངས་པ་ལེགས་སོ་ཞེས་སྨྲ་བས་འཇམ་པོར་བྱའོ། །བྱང་ཆུབ་སེམས་དཔས་ནི་ཁྲོ་གཉེར་མེད་པའི་བཞིན་གྱིས་གསོང་པོར་སྨྲ་བར་བྱའོ། །བྱང་ཆུབ་སེམས་དཔས་ནི་རྗེས་སུ་ཆགས་པ་
D134.056.0112a06.01དང་། ཁོང་ཁྲོ་བ་མེད་པས་ས་དང་འདྲ་བར་བྱའོ། །བྱང་ཆུབ་སེམས་དཔས་ནི་འགྲོགས་ན་བདེ་བས་དེས་བར་བྱའོ། །བྱང་ཆུབ་སེམས་དཔས་ནི་འཐུན་པར་འཛིན་པས་བཀའ་བློ་བདེ་བར་བྱའོ། །བྱང་ཆུབ་སེམས་དཔས་ནི་སེམས་ཅན་ཐམས་ཅད་ལ་འདུད་པས་ང་རྒྱལ་
D134.056.0112a07.01