完整藏文原文 · 德格版页 当前仅加载第 56 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་ནི་ཉོན་མོངས་པ་དང་བྲལ་བའི་ཕྱིར་རང་བཞིན་གྱིས་ཡོངས་སུ་དག་པའོ། །ཆོས་ཐམས་ཅད་ནི་ཟག་པ་ཐམས་ཅད་ཡོངས་སུ་ཆད་པའི་ཕྱིར་ཟག་པ་མེད་པའོ། །ཆོས་ཐམས་ཅད་ནི་གནས་ཐམས་ཅད་ལས་ཡང་དག་པར་འདས་པའི་ཕྱིར་གནས་མེད་པའོ། །
D134.056.0095a01.01ཆོས་ཐམས་ཅད་ནི་གཉིས་སུ་མེད་པའི་ཕྱིར་སྒོ་མེད་པའོ། །ཆོས་ཐམས་ཅད་ནི་རྣམ་པར་ཐར་པའི་སྒོ་ཀུན་ནས་སྟོན་པའི་ཕྱིར་ཀུན་ནས་སྒོའོ། །ཆོས་ཐམས་ཅད་ནི་འགྲོ་བ་མེད་པའི་ཚུལ་གྱིས་འཕོ་བ་མེད་པའོ། །ཆོས་ཐམས་ཅད་ནི་འགྲོ་བ་ཐམས་ཅད་ཡང་དག་པར་ཆད་པའི་ཕྱིར་འགྲོ་བ་མེད་
D134.056.0095a02.01པའོ། །ཆོས་ཐམས་ཅད་ནི་འདས་པ་དང་། མ་འོངས་པ་དང་། ད་ལྟར་བྱུང་བ་གཉིས་སུ་དབྱེར་མེད་པའི་ཕྱིར་དུས་གསུམ་མཉམ་པ་སྟེ། རྡོ་རྗེའི་ཚིག་བརྒྱད་པོ་དེ་དག་ནི་བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པར་གྲགས་པའི་རྒྱལ་པོ་དེས། ཆོས་ཐམས་ཅད་ངེས་པར་འབྱེད་པའི་
D134.056.0095a03.01ཕྱིར་བསྟན་ཏོ། །མཆོག་གཞན་ཡང་ཆོས་ཀྱི་སྒོའི་ཚིག་བརྒྱད་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིད་རྟུལ་བར་མི་འགྱུར་བ་སྟེ། བརྒྱད་གང་ཞེ་ན། འདི་ལྟ་སྟེ། མིང་ནི་ཆོས་ཐམས་ཅད་ཀྱི་སྒོ་སྟེ། སྒོ་སྣ་ཚོགས་རྣམ་པར་གཞག་པའི་ཕྱིར་རོ། །སྒྲ་ནི་ཆོས་ཐམས་
D134.056.0095a04.01ཅད་ཀྱི་སྒོ་སྟེ། ངག་ཐ་དད་པར་བརྗོད་པའི་ཕྱིར་རོ། །བརྡ་ནི་ཆོས་ཐམས་ཅད་ཀྱི་སྒོ་སྟེ། ཆོས་ཐམས་ཅད་མངོན་པར་ཞེན་པ་མེད་པའི་ཕྱིར་རོ། །རྣམ་པར་རིག་པ་ནི་ཆོས་ཐམས་ཅད་ཀྱི་སྒོ་སྟེ། གསོ་བ་དང་། གསོག་དང་། ཡ་མ་བརླ་ཡིན་པའི་ཕྱིར་རོ། །བདག་གི་ངོ་བོ་ཉིད་ནི་ཆོས་ཐམས་
D134.056.0095a05.01ཅད་ཀྱི་སྒོ་སྟེ། བདག་གི་ངོ་བོ་ཉིད་མེད་པའི་ཕྱིར་རོ། །ཟད་པ་ནི་ཆོས་ཐམས་ཅད་ཀྱི་སྒོ་སྟེ། ཡོད་པ་མ་ཡིན་པའི་ཕྱིར་རོ། །གདགས་པ་ནི་ཆོས་ཐམས་ཅད་ཀྱི་སྒོ་སྟེ། གདགས་པ་འབྱུང་བ་མེད་པའི་ཕྱིར་རོ། །མཉམ་པ་ཉིད་ནི་ཆོས་ཐམས་ཅད་ཀྱི་སྒོ་སྟེ། རོ་གཅིག་པའི་ཕྱིར་རོ། །མཆོག་ཆོས་
D134.056.0095a06.01ཀྱི་སྒོའི་ཚིག་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིད་རྟུལ་བར་མི་འགྱུར་བའོ། །མཆོག་གཞན་ཡང་ས་བོན་གྱི་ཚིག་བརྒྱད་པོ་འདི་དག་ནི་སྤོབས་པ་མི་ཟད་པར་འགྱུར་བ་སྟེ། བརྒྱད་གང་ཞེ་ན། འདི་ལྟ་སྟེ། མཆོག་ཨ་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་གཟོད་མ་
D134.056.0095a07.01