完整藏文原文 · 德格版页 当前仅加载第 56 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་མ་སྐྱེས་པར་སྟོན་ཏོ། །མཆོག་པ་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་དོན་དམ་པར་སྟོན་ཏོ། །མཆོག་ན་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་ཀྱི་མིང་དང་གཟུགས་ཡོངས་སུ་ཤེས་པར་སྟོན་ཏོ། །མཆོག་ད་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་དུལ་བ་དང་ཞི་བར་
D134.056.0095b01.01སྟོན་ཏོ། །མཆོག་ས་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་ལས་ཡང་དག་པར་འདས་པར་སྟོན་ཏོ། །མཆོག་ཏ་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་དེ་བཞིན་ཉིད་དུ་དབྱེར་མེད་པར་སྟོན་ཏོ། །མཆོག་ཀ་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་ཟད་པ་ཉིད་དུ་
D134.056.0095b02.01སྟོན་ཏོ། །མཆོག་མ་ཞེས་བྱ་བ་ས་བོན་གྱི་ཚིག་ནི་ཆོས་ཐམས་ཅད་དབུས་དང་མཐའ་ཡོངས་སུ་ཆད་པར་སྟོན་ཏོ། །མཆོག་ས་བོན་གྱི་ཚིག་བརྒྱད་པོ་དེ་དག་ནི་སྤོབས་པ་མི་ཟད་པར་འགྱུར་བའོ། །དེ་ལྟ་བས་ན་ས་བོན་གྱི་ཚིག་འདི་དག་དང་། ཆོས་ཀྱི་སྒོའི་ཚིག་འདི་དག་དང་། རྡོ་རྗེའི་ཚིག་
D134.056.0095b03.01འདི་དག་ལ་དྲན་པ་དང་། ཤེས་བཞིན་དུ་སྤྱོད་པ་མཉམ་པ་ཉིད་ལ་བརྩོན་པར་བྱའོ། །རྟག་ཏུ་འདུ་འཛི་མེད་པར་སྤྱོད་པས་ཚུལ་བཞིན་དུ་སོ་སོར་བརྟག་པ་ལ་བརྩོན་པར་བྱའོ། །རྟག་ཏུ་དགེ་བ་གང་ཡིན་ཞེས་ཚོལ་ཞིང་འདོད་པ་ལ་བརྩོན་པར་བྱའོ། །རིགས་ཀྱི་བུ་དེ་ལྟར་བཅོམ་ལྡན་
D134.056.0095b04.01འདས་དེ་བཞིན་གཤེགས་པ་དྲི་མ་མེད་པར་གྲགས་པའི་རྒྱལ་པོ་དེས་ཆོས་ཀྱི་ཚིག་ཞུས་པ་དེ་དག་གི་ལན་བཏབ་ནས། འཇིག་རྟེན་གྱི་ཁམས་དེ་སྣང་བར་མཛད་ཅིང་རབ་ཏུ་གཡོས་པར་མཛད་ནས། བྱང་ཆུབ་སེམས་དཔའ་དེ་དག་དང་ཐབས་ཅིག་ཏུ་མི་སྣང་བར་གྱུར་ཏེ། སྐད་ཅིག་ཐང་ཅིག་
D134.056.0095b05.01ཡུད་ཙམ་དེ་ལ་རང་གི་སངས་རྒྱས་ཀྱི་ཞིང་དུ་བཞུགས་པར་གྱུར་ཏོ། །སངས་རྒྱས་ཀྱི་ཞིང་དེ་ནས་ཀྱང་གང་དུ་ཡང་གཤེགས་པའམ་སླར་གཤེགས་པར་མངོན་པ་མེད་དོ། །རིགས་ཀྱི་བུ་དེ་ནས་དྲང་སྲོང་ཆེན་པོ་མཆོག་དེ་སྤོབས་པ་མི་ཆོད་པ་དང་ལྡན་པར་གྱུར་ཏེ། བརྗེད་ངས་པ་མེད་པའི་དྲན་
D134.056.0095b06.01པ་དེ་དང་ཡང་ལྡན་པར་གྱུར་ནས་ལྷས་ཡོངས་སུ་བཟུང་བ་ཐོབ་པར་གྱུར་ཏོ། །ལྷས་ཡོངས་སུ་བཟུང་བ་དེས་ན་བདུད་ཕྱིར་རྒོལ་བ་ཡང་ཆོམས་ནས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་དུ་སོང་ནས་སེམས་ཅན་རྣམས་ལ་ཆོས་སྟོན་
D134.056.0095b07.01