完整藏文原文 · 德格版页 当前仅加载第 56 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏེ་འདུག་གོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྲེད་མེད་ཀྱི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇམ་དཔལ་གཞོན་ནུར་གྱུར་པ་འདི་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་འདིའི་སྐབས་སུ་བཀའ་མཆིད་ཀྱི་རྒྱུད་ཅི་ཡང་མི་
D134.056.0105b01.01མཆི་ལགས་སོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྲེད་མེད་ཀྱི་བུ་ལ་འདི་སྐད་ཅེས་སྨྲས་སོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བསོད་ནམས་འདོད་པའི་ཕྱིར་བྱང་ཆུབ་ཏུ་སྤྱོད་པར་མི་བྱེད་དོ། །རྙེད་པ་དང་།
D134.056.0105b02.01བཀུར་སྟི་དང་། ཚིགས་སུ་བཅད་པ་འདོད་པ་དང་། མཐོ་རིས་འདོད་པ་དང་། ལོངས་སྤྱོད་འདོད་པ་དང་། འཁོར་འདོད་པ་དང་། གྲགས་པ་དང་། སྙན་པ་དང་། བསྔགས་པ་འདོད་པའི་ཕྱིར་བྱང་ཆུབ་ཏུ་སྤྱོད་པར་མི་བྱེད་དོ། །སྲེད་མེད་ཀྱི་བུས་སྨྲས་པ། འཇམ་དཔལ་འོ་ན་ཅིའི་ཕྱིར་བྱང་
D134.056.0105b03.01ཆུབ་སེམས་དཔའ་རྣམས་བྱང་ཆུབ་ཏུ་སྤྱོད་པར་བྱེད། འཇམ་དཔལ་གྱིས་སྨྲས་པ། རིགས་ཀྱི་བུ་བྱང་ཆུབ་སེམས་དཔའ་རྣམས་ནི་སེམས་ཅན་ཐམས་ཅད་ལ་སྙིང་རྗེ་བའི་ཕྱིར་བྱང་ཆུབ་ཏུ་སྤྱོད་པར་བྱེད་དོ། །བྱང་ཆུབ་སེམས་དཔའ་རྣམས་ནི་ཆོས་འདོད་པ་དང་། སེམས་ཅན་ཐམས་ཅད་ཀྱི་
D134.056.0105b04.01སྡུག་བསྔལ་བསལ་བར་འདོད་པ་དང་། ཡང་དག་པ་མ་ཡིན་པའི་ཉོན་མོངས་པ་རབ་ཏུ་ཞི་བར་འདོད་པ་དང་། བདག་གི་སྡུག་བསྔལ་དང་འདྲ་བར་འདོད་པ་དང་། ལན་དུ་ཕན་འདོགས་པ་མི་འདོད་པའི་ཕྱིར་བྱང་ཆུབ་ཏུ་སྤྱོད་པར་བྱེད་དོ། །རིགས་ཀྱི་བུ་དེའི་ཕྱིར་བྱང་ཆུབ་སེམས་དཔའ་
D134.056.0105b05.01ལུས་དང་སེམས་ལ་མི་ལྟ་བ་དང་། ཡོངས་སུ་འཛིན་པ་མེད་པ་དང་། མི་འཕྲོགས་པ་དང་། ལྷག་པར་ཞེན་པ་མེད་པ་དང་། མཚན་མ་མེད་པ་དང་། ཡིད་ལ་བྱེད་པ་མེད་པ་དང་། མི་ལྡོག་པ་དང་། མི་ལྡོག་པའི་ཆོས་ཅན་དང་། ཡང་དག་པར་རྟོག་པར་མི་བྱེད་པ་དང་། བསྐྱོད་
D134.056.0105b06.01དུ་མེད་པ་དང་། རྗེས་སུ་ཆགས་པ་མེད་པ་དང་། ཁོང་ཁྲོ་བ་མེད་པ་དང་། གཅིག་ཏུ་དཔའ་བ་དང་། ཐུབ་པ་མེད་པ་དང་། གོང་བ་མེད་པ་དང་། མི་སྐྲག་པ་དང་། མི་འཇིགས་པ་དང་། ཀུན་ཏུ་རབ་ཏུ་མི་འཇིགས་པ་དང་། མ་ཁེངས་པ་དང་། མ་དུད་པ་དང་། བརྟན་པ་དང་། མི་
D134.056.0105b07.01