完整藏文原文 · 德格版页 当前仅加载第 60 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཉན་པར་འདོད་དོ། །དེ་ནས་དེ་བཞིན་གཤེགས་པ་རིན་པོ་ཆེའི་ཏོག་གིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དང་། འཁོར་དེ་དག་ཐམས་ཅད་ཁྱོད་ལ་
D179.060.0246a01.01ལྟ་འདོད་ཀྱིས། འཇིག་རྟེན་གྱི་ཁམས་མི་མཇེད་ཅེས་བྱ་བ་དེར་སོང་ཤིག །འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་ཀྱང་ལྟས་སྔོན་དུ་བྱུང་བ་འདི་འཚལ་ཏོ། །དེ་ནས་འཇམ་དཔལ་གཞོན་ནུར་གྱུར་པ་བྱང་ཆུབ་སེམས་དཔའ་སྟོང་ཕྲག་བཅུ་དང་ལྷན་ཅིག་
D179.060.0246a02.01ཏུ་དེ་བཞིན་གཤེགས་པ་རིན་པོ་ཆེའི་ཏོག་གི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་ཏོག་ལ་ལན་གསུམ་དུ་བསྐོར་བ་བྱས་ནས་འདི་ལྟ་སྟེ། སྐྱེས་བུ་སྟོབས་པོ་ཆེས་
D179.060.0246a03.01ལག་པ་བསྐུམ་པ་ལས་རྐྱོང་བའམ། ལག་པ་བརྐྱང་བ་ལས་སྐུམ་པ་བཞིན་དུ་སྐད་ཅིག་ཡུད་ཙམ་ཐང་ཅིག་དེ་ཉིད་ཀྱིས་འཇིག་རྟེན་གྱི་ཁམས་མི་མཇེད་འདིར་ཕྱིན་ཏེ། དེ་བར་སྣང་ལ་ལུས་མི་སྣང་བར་འདུག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་
D179.060.0246a04.01ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་མཆོད་པ་བྱ་བའི་ཕྱིར། མེ་ཏོག་སྔོན་མ་མཐོང་མ་ཐོས་པ། དྲི་ཞིམ་པ་ཁ་དོག་དང་ལྡན་པ་ཡིད་དུ་འོང་བའི་ཆར་ཆེན་པོ་མངོན་པར་ཕབ་སྟེ། མེ་ཏོག་གི་ཆར་ཆེན་པོ་ཕབ་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་
D179.060.0246a05.01གྱི་ཁམས་འདི་པུས་མོ་ནུབ་ཙམ་དུ་གང་བར་གྱུར་ཏོ། །དེ་ནས་འཁོར་དེ་ཐམས་ཅད་མེ་ཏོག་གི་ཆར་ཆེན་པོ་མཐོང་ནས་ངོ་མཚར་དུ་གྱུར་ཏེ། བཅོམ་ལྡན་འདས་ལ་གསོལ་པ། བཅོམ་ལྡན་འདས་སུའི་མཐུས་འདི་ལྟ་བུར་བལྟ་ན་སྡུག་པའི་མེ་ཏོག་གི་ཆར་ཆེན་པོ་མངོན་པར་
D179.060.0246a06.01ཕབ། བཅོམ་ལྡན་འདས་ཀྱིས་བཀའ་སྩལ་པ། འདི་ནི་འཇམ་དཔལ་གཞོན་ནུར་གྱུར་པ་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ནས་བྱང་ཆུབ་སེམས་དཔའ་སྟོང་ཕྲག་བཅུ་དང་འགྲོགས་ཏེ། འཇིག་རྟེན་གྱི་ཁམས་མི་མཇེད་འདིར་ཕྱིན་ནས་དེ་དག་གི་ལུས་མི་སྣང་བར་
D179.060.0246a07.01