完整藏文原文 · 德格版页 当前仅加载第 60 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཤིན་ཏུ་མི་འབྱུང་བར་མཉམ་པ་ལ་དོན་དམ་པར་རྫས་དང་། དངོས་པོ་དང་། ངོ་བོར་ཡོངས་སུ་རྟོག་པས་དེ་དག་དོན་དམ་པར་ན་སྣ་ཚོགས་སུ་སྤྱོད་དོ། །དེ་དག་དོན་དམ་པར་སྣ་ཚོགས་སུ་སྤྱོད་པ་ལ་དམིགས་པའི་ལྟ་བ་མང་དུ་འགྱུར་རོ། །དེ་དག་དམིགས་པའི་ལྟ་བ་མང་པོས་
D179.060.0259a01.01འགྲོ་བ་རྣམ་པ་ཐ་དད་པ་རྣམས་སུ་དབང་མེད་པར་འཁྱམ་མོ། །གང་ལྷའི་བུ་ཆོས་ཐམས་ཅད་ཤིན་ཏུ་མི་འབྱུང་བར་མཉམ་པ་ལ་དོན་དམ་པར་ངོ་བོ་དང་། རྫས་དང་། དངོས་པོ་ཡོངས་སུ་མི་རྟོག་ན། དེ་དག་དོན་དམ་པར་ན་སྣ་ཚོགས་སུ་མི་སྤྱོད་དོ། །དེ་དག་དོན་དམ་པར་སྣ་ཚོགས་སུ་མི་སྤྱོད་ན། དོན་
D179.060.0259a02.01དམ་པར་ཤིན་ཏུ་དངོས་པོ་མེད་པར་འགྲོ་བའི་ཚུལ་གྱིས་དོན་དམ་པར་ཆོས་ཐམས་ཅད་ཤིན་ཏུ་མ་སྐྱེས་པའི་མཚན་ཉིད་དང་མཉམ་པར་ཁོང་དུ་ཆུད་པར་འགྱུར་རོ། །ལྷའི་བུས་སྨྲས་པ། རྣམ་གྲངས་གང་གིས་ཉོན་མོངས་པ་དང་བཅས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བྱང་ཆུབ་ཡོད་ཀྱི་ཉོན་མོངས་པ་
D179.060.0259a03.01མེད་པ་ལ་མ་ཡིན་པའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། ལྷའི་བུ་ཡོད་དོ། །དེ་ཅིའི་ཕྱིར་ཞེ་ན། ལྷའི་བུ་ཆོས་ཐམས་ཅད་ནི་ཀུན་རྫོབ་ཏུ་འབྱུང་བ་ཡང་འབྱུང་ངོ་། །མི་འབྱུང་ཡང་མི་འབྱུང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་ཀྱང་ཀུན་རྫོབ་ཏུ་འབྱུང་ངོ་། །
D179.060.0259a04.01དེ་ཅིའི་ཕྱིར་ཞེ་ན། ལྷའི་བུ་དོན་དམ་པར་ན་ཆོས་ཐམས་ཅད་ནི་ཉོན་མོངས་པ་མེད་ཅིང་མི་སྐྱེ་མི་འགག་སྟེ། ཆོས་གང་དོན་དམ་པར་མི་སྐྱེ་མི་འགག་པ་དེ་དོན་དམ་པར་གང་གིས་ཀྱང་མངོན་པར་རྫོགས་པར་སངས་མ་རྒྱས་སོ། །མངོན་པར་རྫོགས་པར་འཚང་རྒྱ་བར་མི་འགྱུར་རོ། །མངོན་པར་རྫོགས་པར་
D179.060.0259a05.01འཚང་མི་རྒྱའོ། །དེ་ཅིའི་ཕྱིར་ཞེ་ན། ལྷའི་བུ་དོན་དམ་པར་ཆོས་ཐམས་ཅད་ཤིན་ཏུ་མ་སྐྱེས་པའི་ཕྱིར་ཏེ། ལྷའི་བུ་རྣམ་གྲངས་དེ་ལྟ་བུས་བྱང་ཆུབ་སེམས་དཔའ་སེམས་དཔའ་ཆེན་པོ་ཉོན་མོངས་པ་དང་བཅས་པ་ལ་བྱང་ཆུབ་འབྱུང་སྟེ། ཉོན་མོངས་པ་མེད་པ་ལ་ནི་མ་ཡིན་ནོ། །ལྷའི་བུས་སྨྲས་པ།
D179.060.0259a06.01འཇམ་དཔལ་རྣམ་གྲངས་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སེར་སྣ་ཅན་ལ་སྦྱིན་པའི་ཕ་རོལ་ཏུ་ཕྱིན་པར་འགྱུར་ཏེ། གཏོང་བ་དང་ལྡན་པ་ལ་མ་ཡིན་པའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། ཡོད་དེ་ལྷའི་བུ་རྣམ་གྲངས་གང་གིས་བྱང་ཆུབ་སེམས་དཔའ་སེམས་དཔའ་ཆེན་
D179.060.0259a07.01