完整藏文原文 · 德格版页 当前仅加载第 60 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དམ་པའི་ཆོས་ཀྱི་ལག་སྦྱིན་པར་བྱེད་པ་རྣམས་ཀྱིའོ། །ལྷའི་བུས་སྨྲས་པ། འཇམ་དཔལ་དེ་དག་ཇི་ལྟ་བུར་གནས་པར་འགྱུར། འཇམ་དཔལ་གྱིས་སྨྲས་པ། ལྷའི་བུ་དོན་དམ་པར་ན་ཤིན་ཏུ་མ་སྐྱེས། མ་བྱུང་དངོས་པོ་མེད་པ་ལ་དེ་དག་གནས་པར་འགྱུར་རོ། །ལྷའི་བུས་སྨྲས་པ། འཇམ་
D179.060.0258b01.01དཔལ་དེ་དག་ཅིས་འགྲོ་བར་འགྱུར། འཇམ་དཔལ་གྱིས་སྨྲས་པ། ལྷའི་བུ་དོན་དམ་པར་ན་མ་སྐྱེས། མ་བྱུང་དངོས་པོ་མེད་པར་དེ་དག་འགྲོ་བར་འགྱུར་རོ། །ལྷའི་བུས་སྨྲས་པ། འཇམ་དཔལ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཅི་བྱང་ཆུབ་འཐོབ་བམ། འཇམ་
D179.060.0258b02.01དཔལ་གྱིས་སྨྲས་པ། ལྷའི་བུ་གང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེས་བྱང་ཆུབ་མི་འཐོབ་པ་ནི་གནས་མ་ཡིན་ཏེ། གོ་སྐབས་མེད་དོ། །ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཅི་ལས་ལྡོག་པར་འགྱུར།
D179.060.0258b03.01འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དོན་དམ་པར་ན་རྣམ་པར་རྟོག་པ་ཐམས་ཅད་ལས་ལྡོག་གོ། །ཉན་ཐོས་དང་། རང་སངས་རྒྱས་ཐམས་ཅད་དང་། མུ་སྟེགས་ཅན་དམིགས་པ་ཅན་གྱི་ས་ལས་ལྡོག་གོ། །ལྷའི་བུས་སྨྲས་པ། འཇམ་
D179.060.0258b04.01དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་ཅི་ལས་མི་ལྡོག །འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་ཐམས་ཅད་ཤིན་ཏུ་མི་འབྱུང་བའི་མཉམ་པ་ཉིད་ལས་མི་ལྡོག་གོ། །དེ་ཅིའི་ཕྱིར་ཞེ་ན། དོན་དམ་པར་ན་ཆོས་
D179.060.0258b05.01ཐམས་ཅད་ཤིན་ཏུ་མི་འབྱུང་བར་མཉམ་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་དག་མཉམ་སྟེ། དེ་བས་ན་ཕྱིར་མི་ལྡོག་གོ། །ལྷའི་བུས་སྨྲས་པ། ཆོས་ཐམས་ཅད་ཤིན་ཏུ་མི་འབྱུང་བར་མཉམ་པ་ཉིད་ཅེས་བྱ་བ་དེ་འཇམ་དཔལ་ཆོས་གང་གི་ཚིག་{བླ་དགས,བླ་དྭགས}། འཇམ་དཔལ་གྱིས་
D179.060.0258b06.01སྨྲས་པ། ཆོས་ཐམས་ཅད་ཤིན་ཏུ་མི་འབྱུང་བར་མཉམ་ཞེས་བྱ་བ་ནི་ལྷའི་བུ་དོན་དམ་པར་སྣ་ཚོགས་མེད་པའི་ཚིག་{བླ་དགས་,བླ་དྭགས་}སོ། །ལྷའི་བུས་སྨྲས་པ། འཇམ་དཔལ་ཆོས་ཐམས་ཅད་ཤིན་ཏུ་མི་འབྱུང་བར་མཉམ་པ་ལ་ཅིའི་ཕྱིར་སྣ་ཚོགས་སུ་སྣང་། འཇམ་དཔལ་གྱིས་སྨྲས་པ། གང་ལྷའི་བུ་ཆོས་
D179.060.0258b07.01