完整藏文原文 · 德格版页 当前仅加载第 60 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བརྗོད་པ་ལྟར་ན་མ་ཡིན་ནོ། །ལྷའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཀྱང་དོན་དམ་པར་ན་ཆོས་ཐམས་ཅད་དང་། སྒྲ་ཐམས་ཅད་ནི་{བརྫུན་,རྫུན་}ཏེ་སླུ་བའི་ཆོས་སོ་ཞེས་བཀའ་སྩལ་ཏོ། །ལྷའི་བུས་སྨྲས་པ། འཇམ་དཔལ་ཇི་ལྟར་
D179.060.0247b01.01དེ་བཞིན་གཤེགས་པས་ཆོས་བཤད་པ་དེ་{བརྫུན་,རྫུན་}དུ་མི་འགྱུར་རམ། འཇམ་དཔལ་གྱིས་སྨྲས་པ། ལྷའི་བུ་དེ་བཞིན་གཤེགས་པ་ནི་དོན་དམ་པར་ན་{བརྫུན་,རྫུན་}དུའང་མི་འཆད། བདེན་པར་ཡང་མི་འཆད་དོ། །དེ་ཅིའི་ཕྱིར་ཞེ་ན། ལྷའི་བུ་དོན་དམ་པར་ན་དེ་བཞིན་གཤེགས་པ་ནི་མ་སྐྱེས་པ་
D179.060.0247b02.01སྟེ། དེ་དོན་དམ་པར་ན་བདེན་པ་དང་{བརྫུན་,རྫུན་}པར་མི་འཆད་དོ། །ལྷའི་བུ་དེ་ཇི་སྙམ་དུ་སེམས། དེ་བཞིན་གཤེགས་པའི་སྤྲུལ་པས་བཤད་པ་དེ་བདེན་ནམ་འོན་ཏེ་{བརྫུན,རྫུན}། ལྷའི་བུས་སྨྲས་པ། འཇམ་དཔལ་དེ་བཞིན་གཤེགས་པ་སྤྲུལ་པས་བཤད་པ་ནི་བདེན་པའང་མ་
D179.060.0247b03.01ཡིན་{བརྫུན་,རྫུན་}པའང་མ་ཡིན་ནོ། །དེ་ཅིའི་ཕྱིར་ཞེ་ན། འཇམ་དཔལ་དོན་དམ་པར་ན་དེ་བཞིན་གཤེགས་པས་སྤྲུལ་པ་ལ་ཡང་དག་པར་ཡོངས་སུ་གྲུབ་པ་གང་ཡང་མེད་དོ། །འཇམ་དཔལ་གྱིས་སྨྲས་པ། ལྷའི་བུ་དེ་དེ་བཞིན་ཏེ། དེ་བཞིན་གཤེགས་པས་དོན་དམ་པར་ཆོས་ཐམས་ཅད་
D179.060.0247b04.01ཡོངས་སུ་མ་གྲུབ་པར་མཁྱེན་ཏོ། །གང་དོན་དམ་པར་ཡོངས་སུ་མ་གྲུབ་པ་དེ་ནི་དོན་དམ་པར་ན་བདེན་པ་ཞེས་ཀྱང་མི་བྱ། {བརྫུན་,རྫུན་}པ་ཞེས་ཀྱང་མི་བྱའོ། །དེ་ཅིའི་ཕྱིར་ཞེ་ན། དོན་དམ་པར་ན་ཆོས་ཐམས་ཅད་མ་སྐྱེས་པའི་ཕྱིར་རོ། །ལྷའི་བུས་སྨྲས་པ། ཅི་འཇམ་དཔལ་
D179.060.0247b05.01དེ་བཞིན་གཤེགས་པ་དོན་དམ་པའི་བདེན་པ་སྟོན་ཏམ། འཇམ་དཔལ་གྱིས་སྨྲས་པ། ལྷའི་བུ་དོན་དམ་པའི་བདེན་པ་ནི་བསྟན་པར་མི་ནུས་སོ། །དེ་ཅིའི་ཕྱིར་ཞེ་ན། གང་སྟོན་པ་དང་གང་གིས་སྟོན་པ་དང་ཅི་སྟོན་པ་དང་། གང་ལ་སྟོན་པ་དང་། ཅིའི་ཕྱིར་སྟོན་པའི་ཆོས་དེ་དག་
D179.060.0247b06.01ཐམས་ཅད་དོན་དམ་པར་ན་རབ་ཏུ་མ་སྐྱེས་པའོ། །རབ་ཏུ་མ་སྐྱེས་པའི་ཆོས་རྣམས་ཀྱིས་ནི་རབ་ཏུ་མ་སྐྱེས་པའི་ཆོས་རྣམས་བཤད་མི་ནུས་སོ། །འཇམ་དཔལ་གཞོན་ནུར་གྱུར་པས་དོན་དམ་པའི་བདེན་པ་བསྟན་པ་འདི་མི་སྟོན་པའི་ཚུལ་གྱིས་བསྟན་པ་ན་དགེ་སློང་ལྔ་བརྒྱ་ལེན་པ་མེད་པར་
D179.060.0247b07.01