完整藏文原文 · 德格版页 当前仅加载第 60 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་མི་སྨྲ་བའི་ཚུལ་གྱིས་སྨྲའོ། །ལྷའི་བུས་སྨྲས་པ། འཇམ་དཔལ་ཁྱོད་ཅི་ལ་གནས་ཏེ་དེ་སྟོན། འཇམ་དཔལ་གྱིས་སྨྲས་པ། ལྷའི་བུ་དེ་བཞིན་གཤེགས་པ་སྤྲུལ་པ་གང་ལ་གནས་ཏེ་དེ་སྟོན་པ་ལའོ། །ལྷའི་བུས་སྨྲས་པ། འཇམ་དཔལ་དེ་བཞིན་
D179.060.0256b01.01གཤེགས་པ་སྤྲུལ་པ་ནི་དོན་དམ་པ་ན་ཅི་ལའང་གནས་པ་མེད་དོ། །འཇམ་དཔལ་གྱིས་སྨྲས་པ། ལྷའི་བུ་དེ་བཞིན་དུ་དོན་དམ་པར་ན་ཆོས་ཐམས་ཅད་ལ་མི་གནས་པར་བདག་མི་སྟོན་པའི་ཚུལ་གྱིས་སྟོན་ཏོ། །ལྷའི་བུས་སྨྲས་པ། འཇམ་དཔལ་དེ་སྟེ་ཁྱོད་དོན་དམ་པར་ན་ཆོས་ཐམས་ཅད་ལ་
D179.060.0256b02.01མི་གནས་པར་མི་སྟོན་པའི་ཚུལ་གྱིས་སྟོན་ན་ཁྱོད་ཅི་ལ་གནས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར། འཇམ་དཔལ་གྱིས་སྨྲས་པ། ལྷའི་བུ་བདག་ནི་མཚམས་མེད་པ་རྣམས་ལ་གནས་ཏེ། མངོན་པར་རྫོགས་པར་འཚང་མི་རྒྱ་བའི་ཚུལ་གྱིས་
D179.060.0256b03.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། །ལྷའི་བུས་སྨྲས་པ། མཚམས་མེད་པ་རྣམས་ཅི་ལ་གནས། འཇམ་དཔལ་གྱིས་སྨྲས་པ། ལྷའི་བུ་དོན་དམ་པར་ན་མཚམས་མེད་པ་རྣམས་ནི་ཤིན་ཏུ་མ་བྱུང་ཞིང་དངོས་པོ་མེད་པ་ལ་མི་གནས་པའི་ཚུལ་གྱིས་གནས་སོ། །
D179.060.0256b04.01ལྷའི་བུས་སྨྲས་པ། འཇམ་དཔལ་མཚམས་མེད་པ་རྣམས་བྱེད་པ་ནི་དེ་བཞིན་གཤེགས་པས་སེམས་ཅན་དམྱལ་བར་བཤད་དོ། །འཇམ་དཔལ་གྱིས་སྨྲས་པ། ལྷའི་བུ་ཇི་ལྟར་དེ་བཞིན་གཤེགས་པས་མཚམས་མེད་པ་བྱེད་པ་སེམས་ཅན་དམྱལ་བར་བཤད་པ་དེ་བཞིན་དུ། ལྷའི་བུ་དེ་བཞིན་གཤེགས་
D179.060.0256b05.01པས་མཚམས་མེད་པ་བྱེད་པ་མི་གནས་པའི་ཚུལ་གྱིས་མཚམས་མེད་པ་ལ་གནས་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ་ཞེས་མི་སྟོན་པའི་ཚུལ་གྱིས་སྟོན་ཏོ། །ལྷའི་བུས་སྨྲས་པ། འཇམ་དཔལ་མཚམས་མེད་པ་དེ་གང་ཡིན། འཇམ་དཔལ་
D179.060.0256b06.01གྱིས་སྨྲས་པ། ལྷའི་བུ་མཚམས་མེད་པ་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱ་བའི་ཚུལ་གྱིས་མངོན་པར་རྫོགས་པར་འཚང་རྒྱ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མཚམས་མེད་པ་
D179.060.0256b07.01