完整藏文原文 · 德格版页 当前仅加载第 61 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་དེ་འདི་སྙམ་དུ་སེམས་ཏེ། ཚིག་ཀྱལ་པ་ཞེས་བྱ་བ་ནི་ཐ་ན་གང་ཟག་ཚིག་ཀྱལ་པ་ཅན་དག་ལ་ཡང་མི་སྡུག་ཅིང་མི་འདོད་ལ་མི་དགའ་ཞིང་ཡིད་དུ་མི་འོང་བ་ཡིན་ཏེ། བདག་ལ་ཡང་ཚིག་ཀྱལ་པ་འདི་མི་སྡུག་ཅིང་མི་འདོད་ལ། མི་དགའ་ཞིང་ཡིད་དུ་མི་འོང་
D182.061.0083a01.01བ་ཡིན་གྱིས། སུ་ཡང་བདག་ལ་ཚིག་ཀྱལ་པ་སྨྲས་པས་དྲན་པར་བྱེད་པའམ། དྲན་པར་བྱེད་དུ་འཇུག་པའམ། དྲན་པར་བྱས་པ་ལ་རྗེས་སུ་ཡི་རང་བར་མ་གྱུར་ཅིག །བདག་གིས་ཀྱང་སུ་ལ་ཡང་ཚིག་ཀྱལ་པ་སྨྲ་བས་དྲན་པར་མི་བྱ། དྲན་པར་བྱེད་དུ་མི་གཞུག །དྲན་པར་བྱས་པ་
D182.061.0083a02.01ལ་རྗེས་སུ་ཡི་རང་བར་མི་བྱའོ་སྙམ་མོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚིག་ཀྱལ་པ་སྤངས་པ་ཡིན་ནོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྣབ་སེམས་སྤངས་པ་ཇི་ལྟ་བུ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་
D182.061.0083a03.01འདི་སྙམ་དུ་སེམས་ཏེ། བརྣབ་སེམས་ཞེས་བྱ་བ་ནི་ཐ་ན་གང་ཟག་བརྣབ་སེམས་ཅན་རྣམས་ལ་ཡང་མི་སྡུག་ཅིང་མི་འདོད་ལ་མི་དགའ་ཞིང་ཡིད་དུ་མི་འོང་བ་ཡིན་ཏེ། བདག་ལ་ཡང་བརྣབ་སེམས་འདི་མི་སྡུག་ཅིང་མི་འདོད་ལ་མི་དགའ་ཞིང་ཡིད་དུ་མི་འོང་བ་ཡིན་གྱིས། སུ་ཡང་བདག་ལ་བརྣབ་
D182.061.0083a04.01སེམས་ཀྱི་ཚིག་གིས་རྗོད་པའམ། རྗོད་དུ་འཇུག་པའམ། བརྗོད་པ་ལ་རྗེས་སུ་ཡི་རང་བར་མ་གྱུར་ཅིག །བདག་གིས་ཀྱང་སུ་ལ་ཡང་བརྣབ་སེམས་ཀྱི་ཚིག་གིས་བརྗོད་པར་མི་བྱ། རྗོད་དུ་གཞུག་པར་མི་བྱ། བརྗོད་པ་ལ་རྗེས་སུ་ཡི་རང་བར་མི་བྱའོ་སྙམ་མོ། །རིགས་ཀྱི་བུ་དེ་ལྟར་ན་བྱང་
D182.061.0083a05.01ཆུབ་སེམས་དཔའ་སེམས་དཔའ་ཆེན་པོ་བརྣབ་སེམས་སྤངས་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། ཀྱལ་པའི་ཚིག་དང་བརྣབ་སེམས་གཉིས། །གང་ཞིག་བདག་ཉིད་མི་འདོད་པ། །དེ་ནི་ཀྱལ་པའི་ཚིག་མི་སྨྲ། །བརྣབ་སེམས་ཀྱང་ནི་སྲུང་བར་བྱེད། །དེ་ལ་གནོད་སེམས་
D182.061.0083a06.01སྤངས་པ་ཇི་ལྟ་བུ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། གནོད་སེམས་ཞེས་བྱ་བ་ནི་ཐ་ན་གང་ཟག་གནོད་སེམས་སུ་གྱུར་པའི་སེམས་དང་ལྡན་པ་རྣམས་ལ་ཡང་། མི་སྡུག་ཅིང་མི་འདོད་ལ་མི་དགའ་ཞིང་ཡིད་དུ་མི་འོང་བ་ཡིན་ཏེ། བདག་ལ་ཡང་
D182.061.0083a07.01