完整藏文原文 · 德格版页 当前仅加载第 61 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བྱ་སྟེ། ནོར་དང་དབྱིག་རྣམས་གཏོང་བའི་བསོད་ནམས་ནི། །མཁའ་ལས་ལྷག་པ་བདག་ལ་ཅི་ཡོད་པས། །མི་རྣམས་རྒྱུད་ནི་དམ་པའི་ཆོས་མཛོད་ཀྱིས། །རྒྱལ་པོའི་མཛོད་ལྟར་མྱུར་དུ་རྒྱས་གྱུར་ཅིག །ནོར་དང་འབྲུ་དང་བང་མཛོད་བུད་མེད་རྣམས། །གཏོང་བའི་བསོད་
D182.061.0090b01.01ནམས་བདག་ལ་ཅི་ཡོད་པ། །དེས་ན་བདག་གིས་བྱང་ཆུབ་མྱུར་འཐོབ་ཅིང་། །དམ་པའི་ཆོས་ཀྱི་མཛོད་ནི་ཐོབ་པར་ཤོག །དེ་ལ་གླིང་བཞི་དང་། འཛམ་བུའི་གླིང་དང་། རྒྱལ་སྲིད་ཀྱི་དབང་ཕྱུག་ཐམས་ཅད་ཡོངས་སུ་གཏོང་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་
D182.061.0090b02.01འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། གླིང་བཞི་དང་། འཛམ་བུའི་གླིང་དང་། རྒྱལ་སྲིད་ཀྱི་དབང་ཕྱུག་ཐམས་ཅད་ཡོངས་སུ་གཏོང་བའི་སྦྱིན་པ་ཞེས་བྱ་བ་དེ་ནི། བྱང་ཆུབ་སེམས་དཔའ་རྣམས་ཀྱི་དམ་པའི་ཆོས་ཀྱི་རྒྱལ་སྲིད་ཀྱི་དབང་ཕྱུག་འཐོབ་པར་འགྱུར་བའི་ཚིག་{བླ་དགས་,བླ་དྭགས་}
D182.061.0090b03.01ཡིན་གྱིས། བདག་གིས་གླིང་བཞི་དང་། འཛམ་བུའི་གླིང་དང་། རྒྱལ་སྲིད་ཀྱི་དབང་ཕྱུག་ཐམས་ཅད་ཡོངས་སུ་གཏོང་བའི་སྦྱིན་པ་སྦྱིན་པར་བྱ་གོར་མ་ཆག་སྙམ་མོ། །དེ་གླིང་བཞི་དང་། འཛམ་བུའི་གླིང་དང་། རྒྱལ་སྲིད་ཀྱི་དབང་ཕྱུག་ཐམས་ཅད་ཡོངས་སུ་གཏོང་བའི་སྦྱིན་པ་དེ་སྦྱིན་
D182.061.0090b04.01པ་ན། དེ་བཞིན་གཤེགས་པས་བསྟན་པའི་སྨོན་ལམ་བཞིན་དུ། གླིང་བཞི་དང་། འཛམ་བུའི་གླིང་དང་། རྒྱལ་སྲིད་ཀྱི་དབང་ཕྱུག་ཐམས་ཅད་ཡོངས་སུ་གཏོང་བའི་སྦྱིན་པ་འདིས་ན། བདག་སེམས་ཅན་ཐམས་ཅད་དམ་པའི་ཆོས་ཀྱི་རྒྱལ་སྲིད་ཀྱི་དབང་ཕྱུག་འཐོབ་པ་ཐོབ་པར་གྱུར་ཅིག་
D182.061.0090b05.01ཅེས་སྨོན་ལམ་འདེབས་སོ། །དེ་ལ་འདི་སྐད་ཅེས་བྱ་སྟེ། གླིང་བཞི་རིལ་གྱིས་བཏང་བ་འདི་དག་ལས། །བདག་གིས་བསོད་ནམས་ཅུང་ཟད་ཅི་བསྒྲུབས་པ། །དེས་ན་མི་རྣམས་འདི་དག་དམ་ཆོས་ཀྱི། །རྒྱལ་སྲིད་འཐོབ་པའི་མཐའ་ནི་ཐོབ་གྱུར་ཅིག །འཛམ་བུ་གླིང་ནི་བྱིན་པ་
D182.061.0090b06.01ཡིས། །རིན་ཆེན་སྣ་བདུན་ལྡན་པ་ཡི། །རྒྱལ་པོ་གླིང་བཞི་དབང་བྱེད་པ། །དབང་ཕྱུག་རྣམ་པར་རྒྱལ་བར་འགྱུར། །དེ་ལ་གཙུག་གི་ནོར་བུ་དང་། ཅོད་པན་ཡོངས་སུ་གཏོང་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་
D182.061.0090b07.01