完整藏文原文 · 德格版页 当前仅加载第 61 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
པད་མའི་རྐང་པ་འཁོར་ལོ་རྩིབས་སྟོང་དང་ལྡན་པའི་མཚན་གྱིས་སྤྲས་ལ། མཉམ་ཞིང་འཇམ་པ་དང་། སོར་མོ་རིང་ཞིང་ངང་པའི་རྐང་པ་ལྟར་དྲ་བས་འབྲེལ་པ་དང་། སེན་མོ་མེ་ལོང་བཟང་པོ་དག་པར་ཕྱིས་པ་ལྟ་བུས་བརྒྱན་ཏེ། མེ་ཏོག་ཀུན་ད་ལྟར་འདུག་པ་དང་། ལོང་བུ་མི་
D182.061.0091b01.01མངོན་པ་དང་། རྗེ་ངར་སྨྱིག་མ་དང་{རི་དགས་,རི་དྭགས་}ཨེ་ན་ཡའི་བྱིན་པ་འདྲ་བའི་ཡ་མཚན་གྱི་སྟབས་ཀྱིས་དལ་བུས་དལ་ནས་བྱང་ཆུབ་ཀྱི་སྙིང་པོའི་གདན་རྡོ་རྗེའི་སྟེགས་བུའི་གདན། ཆོས་ཀྱི་སེང་གེའི་ཁྲི་ལ་བདུད་རྣམ་པར་གཞོམ་པའི་ཕྱིར་ཤིན་ཏུ་གནོན་པར་གྱུར་ཅིག་ཅེས་སྨོན་ལམ་འདེབས་སོ། །
D182.061.0091b02.01དེ་ལ་ཚིག་ཕྱི་མ་ཡང་ཡོད་དེ། རྐང་པ་བྱིན་པ་འདི་ཡིས་ན། །རྐང་ཐིལ་འཁོར་ལོའི་མཚན་ཅན་གྱིས། །བྱང་ཆུབ་སྙིང་པོའི་གདན་{བཟངས་,བཟང་}ལ། །བརྟན་པོས་ཤིན་ཏུ་གནོན་པར་ཤོག །རྐང་པ་སྦྱིན་པ་འདིས་ན་བདག །བྱང་ཆུབ་སྙིང་པོའི་གདན་མཆོག་ལ། །འདུག་ནས་བདུད་རྣམས་སྡེ་
D182.061.0091b03.01དང་དཔུང་། །བཞོན་དང་བཅས་པར་འདུལ་བར་ཤོག །དེ་ལ་ལག་མཐིལ་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། ལག་མཐིལ་སྦྱིན་པ་ཞེས་བྱ་བ་དེ་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་
D182.061.0091b04.01ཐམས་ཅད་ལ་ཆོས་ཀྱི་ལག་པ་སྦྱིན་པའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་ལག་མཐིལ་སྦྱིན་པ་སྦྱིན་པར་བྱ་གོར་མ་ཆག་སྙམ་མོ། །དེ་ལ་ལག་མཐིལ་གྱི་སྦྱིན་པ་དེ་སྦྱིན་པ་ན། དེ་བཞིན་གཤེགས་པས་རྣམ་པར་མཁྱེན་པའི་སྨོན་ལམ་བཞིན་དུ་ལག་མཐིལ་སྦྱིན་པ་འདིས་ན།
D182.061.0091b05.01བདག་སེམས་ཅན་དམན་པ་དང་། ལོང་བ་དང་། བཀྲེན་པ་དང་། མགོན་མེད་པ་དང་། སྡུག་བསྔལ་བ་དང་། དབུལ་པོ་དང་། གནས་མེད་པ་དང་། སྐྱབས་མེད་པ་དང་། དཔུང་གཉེན་མེད་པ་རྣམས་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་
D182.061.0091b06.01འཇིག་རྟེན་དང་། ངན་སོང་ངན་འགྲོ་ལོག་པར་ལྟུང་བ་དང་། མི་ཁོམ་པར་སྐྱེས་པ་རྣམས་ལ་ཆོས་ཀྱི་ལག་པ་སྦྱིན་པར་བྱེད་པར་གྱུར་ཅིག་ཅེས་སྨོན་ལམ་འདེབས་སོ། །དེ་ལ་ཚིག་ཕྱི་མ་ཡང་ཡོད་དེ། ལག་མཐིལ་སྦྱིན་པས་མྱུར་དུ་བདག །རྣམ་འདྲེན་ལག་ན་རིན་ཆེན་དང་། །
D182.061.0091b07.01