完整藏文原文 · 德格版页 当前仅加载第 61 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་དག་པར་བྱེད་གྱུར་ཅིག །མིག་བྱིན་བརྟུལ་ཞུགས་བཟང་པོ་དེས། དྲི་མ་མེད་ཅིང་སྐྱོན་མེད་ལ། །དག་ཅིང་ཡངས་ལ་མཛེས་{བཟངས་,བཟང་}དང་། །ཞི་བའི་མིག་ནི་ཐོབ་པར་འགྱུར། །ཨུཏ་པལ་སྔོན་པོའི་འདབ་འདྲ་དང་། །བྱིའུ་ཀུ་ན་ལའི་མིག་འདྲ་ཞིང་། །མིག་གི་རྫི་མ་བ་ཡི་འདྲ། །
D182.061.0092b01.01དེ་འདྲའི་མིག་ནི་དེ་ཡིས་འཐོབ། །དེ་ལ་མགོ་བོ་ཡོངས་སུ་གཏོང་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། མགོ་བོ་ཡོངས་སུ་གཏོང་བའི་སྦྱིན་པ་ཞེས་བྱ་བ་དེ་ནི། བྱང་ཆུབ་སེམས་དཔའ་རྣམས་ཀྱི་ཁམས་
D182.061.0092b02.01གསུམ་ཐམས་ཅད་ལས་ཁྱད་པར་དུ་འཕགས་པའི་མཆོག་ཐམས་ཅད་མཁྱེན་པའི་ཡེ་ཤེས་འཐོབ་པའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་མགོ་བོ་ཡོངས་སུ་གཏོང་བའི་སྦྱིན་པ་སྦྱིན་པར་བྱ་གོར་མ་ཆག་སྙམ་མོ། །དེ་མགོ་བོ་ཡོངས་སུ་གཏོང་བའི་སྦྱིན་པ་དེ་སྦྱིན་པ་ན། དེ་བཞིན་གཤེགས་
D182.061.0092b03.01པའི་རྐྱེན་དུ་བབ་པའི་སྨོན་ལམ་བཞིན་དུ་མགོ་བོ་ཡོངས་སུ་གཏོང་བའི་སྦྱིན་པ་འདིས་ན། བདག་སེམས་ཅན་ཐམས་ཅད་འཇིག་རྟེན་གསུམ་ལས་ཁྱད་པར་དུ་འཕགས་པའི་མཆོག་ཐམས་ཅད་མཁྱེན་པའི་ཡེ་ཤེས་ཐོབ་པར་བྱེད་པར་གྱུར་ཅིག་ཅེས་སྨོན་ལམ་འདེབས་སོ། །དེ་ལ་ཚིག་ཕྱི་མ་ཡང་
D182.061.0092b04.01ཡོད་དེ། མགོ་བོ་ཡོངས་སུ་གཏོང་བ་ཡིས། །བསོད་ནམས་བདག་ལ་ཅི་ཡོད་པ། །དེས་ན་སེམས་ཅན་ཀུན་མཁྱེན་གྱི། །གོ་འཕང་མི་གཡོ་ཐོབ་གྱུར་ཅིག །དེ་ལ་པགས་ཤུན་ཡོངས་སུ་གཏོང་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་
D182.061.0092b05.01དཔའ་དེ་འདི་སྙམ་དུ་སེམས་ཏེ། པགས་ཤུན་ཡོངས་སུ་གཏོང་བའི་སྦྱིན་པ་ཞེས་བྱ་བ་དེ་ནི། བྱང་ཆུབ་སེམས་དཔའ་རྣམས་ཀྱི་པགས་པ་འཇམ་ཞིང་སྲབ་ལ་གསེར་གྱི་མདོག་ལྟ་བུ་ཡོངས་སུ་རྫོགས་པར་འགྱུར་བའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་པགས་ཤུན་ཡོངས་སུ་གཏོང་བའི་སྦྱིན་
D182.061.0092b06.01པ་སྦྱིན་པར་བྱ་གོར་མ་ཆག་སྙམ་མོ། །དེ་པགས་ཤུན་ཡོངས་སུ་གཏོང་བའི་སྦྱིན་པ་དེ་སྦྱིན་པ་ན། དེ་བཞིན་གཤེགས་པའི་སྨོན་ལམ་བཞིན་དུ། པགས་ཤུན་ཡོངས་སུ་གཏོང་བའི་སྦྱིན་པ་འདིས་ན། བདག་སེམས་ཅན་ཐམས་ཅད་ཀྱི་པགས་པ་འཇམ་ཞིང་སྲབ་ལ། གསེར་གྱི་ཁ་དོག་ལྟ་བུ་
D182.061.0092b07.01