完整藏文原文 · 德格版页 当前仅加载第 61 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་སེམས་ཏེ། གཙུག་གི་ནོར་བུ་དང་། ཅོད་པན་ཡོངས་སུ་གཏོང་བའི་སྦྱིན་པ་ཞེས་བྱ་བ་དེ་ནི། བྱང་ཆུབ་སེམས་དཔའ་རྣམས་ཀྱི་སྤྱི་གཙུག་བལྟར་མི་མཐོང་བར་འགྱུར་བའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་གཙུག་གི་ནོར་བུ་དང་། ཅོད་པན་ཡོངས་སུ་གཏོང་
D182.061.0091a01.01བའི་སྦྱིན་པ་སྦྱིན་པར་བྱ་གོར་མ་ཆག་སྙམ་མོ། །དེ་གཙུག་གི་ནོར་བུ་དང་། ཅོད་པན་ཡོངས་སུ་གཏོང་བའི་སྦྱིན་པ་དེ་སྦྱིན་པ་ན། དེ་བཞིན་གཤེགས་པས་གསུངས་པའི་སྨོན་ལམ་བཞིན་དུ། གཙུག་གི་ནོར་བུ་དང་། ཅོད་པན་ཡོངས་སུ་གཏོང་བའི་སྦྱིན་པ་འདིས་ན་བདག་སེམས་
D182.061.0091a02.01ཅན་ཐམས་ཅད་ཀྱིས་སྤྱི་གཙུག་བལྟར་མི་མཐོང་བ་ཐོབ་པར་བྱེད་པར་གྱུར་ཅིག་ཅེས་སྨོན་ལམ་འདེབས་སོ། །དེ་ལ་འདི་སྐད་ཅེས་བྱ་སྟེ། མགོ་བོའི་ནོར་བུ་ཅོད་པན་བྱིན་པ་ཡི། །བསོད་ནམས་ཚོགས་ནི་བདག་ལ་ཅི་ཡོད་པ། །དེས་ན་འདིར་ནི་སེམས་ཅན་ཐམས་ཅད་ཀྱི། །སྤྱི་གཙུག་
D182.061.0091a03.01བལྟར་མེད་རྟག་ཏུ་ཐོབ་གྱུར་ཅིག །གཙུག་གི་ནོར་བུ་བྱིན་དེས་བདག །ནྱ་གྲོ་ད་ལྟར་ཆུ་ཞེང་གབ། །གསེར་དང་ནོར་བུ་བྱས་པ་ཡིས། །གཙུག་ཏོར་ཕུན་སུམ་ཚོགས་པར་ཤོག །དེ་ལ་རྐང་པ་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་
D182.061.0091a04.01དཔའ་དེ་འདི་སྙམ་དུ་སེམས་ཏེ། རྐང་པ་སྦྱིན་པ་ཞེས་བྱ་བ་དེ་ནི་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་རྐང་པ་བྱང་ཆུབ་ཀྱི་སྙིང་པོར་འགྲོ་བའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་རྐང་པ་སྦྱིན་པ་སྦྱིན་པར་བྱ་གོར་མ་ཆག་སྙམ་མོ། །དེ་ལ་རྐང་པ་སྦྱིན་པ་དེ་སྦྱིན་པ་ན། དེ་བཞིན་གཤེགས་
D182.061.0091a05.01པས་བརྙེས་པའི་སྨོན་ལམ་བཞིན་དུ་རྐང་པ་སྦྱིན་པ་འདིས་ན། མི་རྣམས་དང་སེམས་ཅན་ཐམས་ཅད་རྟག་ཏུ་མྱུར་བར་ཁྱིམ་ནས་མངོན་པར་བྱུང་ནས་སྐྱེ་བ་དང་། རྒ་བ་དང་། ན་བ་དང་། འཆི་བའི་གནོད་པ་ཞི་བར་བྱ་བའི་དོན་གྱི་ཕྱིར་འདོད་བཞིན་དུ་བག་བརྐྱང་ནས་རབ་ཏུ་དགའ་ཞིང་དབང་པོ་ཞི་
D182.061.0091a06.01ལ་སྐྱབས་སུ་འོས་པའི་ཟླ་བའི་འོད་ལྟར་གཟུགས་ཞི་བ་སྣང་བྱེད་ཉི་མ་སྣ་ཚོགས་ཀྱི་གཟི་བརྗིད་ལྟར་སྙིང་རྗེ་ལས་བྱུང་བའི་འོད་ཟེར་འཕྲོ་བས་མཚམས་མེད་པ་ཡན་ཅད་མུན་པར་ཞུགས་པས་ཉམ་ཐག་པའི་མི་རྣམས་ཀྱི་མུན་པ་སྣང་བར་བྱས་ནས་ལུས་རབ་ཏུ་ཚ་བའི་སྡུག་བསྔལ་རྣམས་སེལ་ཅིང་
D182.061.0091a07.01