完整藏文原文 · 德格版页 当前仅加载第 61 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པ་དེ་དག་ལས་ལྷའི་བུ་བཞི་སྟོང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །རྒྱ་ཆེན་པོ་ལ་མོས་པའི་ལྷའི་བུ་ལྔ་བརྒྱ་ནི་བུད་མེད་དེའི་སྤོབས་པ་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །དེ་ནས་ཚེ་དང་ལྡན་པ་
D190.061.0204a01.01རབ་འབྱོར་འདི་སྙམ་དུ་སེམས་ཏེ། ཆེ་ཞེ་འདི་འདི་ལྟར་སྤོབས་པ་ཕུན་སུམ་ཚོགས་པ་དང་ལྡན་པ་དེ་ནི་ངོ་མཚར་ཏེ། ཆེ་ཞེ་འདིའི་སྤོབས་པ་འདི་འདྲ་བ་ལས་ན་འདི་ནི་དེ་བཞིན་གཤེགས་པའི་སྤྲུལ་པ་ཡིན་པར་ཐེ་ཙོམ་མེད་དོ་སྙམ་མོ། །དེ་ནས་བུད་མེད་དེའི་སེམས་ཀྱིས་ཚེ་དང་ལྡན་པ་རབ་འབྱོར་གྱི་
D190.061.0204a02.01སེམས་ཤེས་ནས་གནས་བརྟན་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར་འདི་ལྟར་འདི་ནི་དེ་བཞིན་གཤེགས་པའི་སྤྲུལ་པ་ཡིན་པར་ཐེ་ཙོམ་མེད་དོ་སྙམ་དུ་དགོངས་པ་དེ་ནི་ཇི་ལྟར་དགོངས་པ་དེ་བཞིན་ཏེ། དེ་ཅིའི་སླད་དུ་ཞེ་ན། ཇི་ལྟར་དེ་བཞིན་གཤེགས་པས་དེ་བཞིན་ཉིད་ཐུགས་
D190.061.0204a03.01སུ་ཆུད་པ་དེ་བཞིན་དུ་བདག་གིས་ཀྱང་དེ་བཞིན་ཉིད་ཁོང་དུ་ཆུད་དེ། དེས་ན་བདག་ནི་དེ་བཞིན་གཤེགས་པའི་སྤྲུལ་པའོ། །དེ་བཞིན་གཤེགས་པའི་གཟུགས་ཀྱི་དེ་བཞིན་ཉིད་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དེ་བཞིན་ཉིད་གང་ལགས་པ་དེ་བདག་
D190.061.0204a04.01གི་དེ་བཞིན་ཉིད་ཀྱང་དེ་ཉིད་དེ། དེས་ན་བདག་ནི་དེ་བཞིན་གཤེགས་པའི་སྤྲུལ་པའོ། །དེ་བཞིན་གཤེགས་པའི་དེ་བཞིན་ཉིད་གང་ལགས་པ་དེ་ནི་ནམས་ཀྱང་། དེ་བཞིན་ཉིད་མ་ལགས་པར་མི་འགྱུར་རོ། །བདག་གི་དེ་བཞིན་ཉིད་གང་ལགས་པ་དང་། སེམས་ཅན་ཐམས་ཅད་ཀྱི་དེ་
D190.061.0204a05.01བཞིན་ཉིད་གང་ལགས་པ་དེ་ནི་ནམས་ཀྱང་དེ་བཞིན་ཉིད་མ་ལགས་པར་མི་འགྱུར་ཏེ། དེས་ན་བདག་ནི་དེ་བཞིན་གཤེགས་པའི་སྤྲུལ་པའོ། །དེ་བཞིན་གཤེགས་པའི་དེ་བཞིན་ཉིད་གང་ལགས་པ་དེ་ནི་རེས་འགའ་དེ་བཞིན་ཉིད་དུ་འགྱུར་བ་མ་ལགས་ལ། བདག་གི་དེ་བཞིན་ཉིད་གང་
D190.061.0204a06.01ལགས་པ་དེ་ཡང་རེས་འགའ་དེ་བཞིན་ཉིད་དུ་འགྱུར་བ་མ་ལགས་ཀྱི། རྟག་ཏུ་དེ་བཞིན་ཉིད་དེ་ཁོ་ན་ལགས་སོ། །དེས་ན་བདག་ནི་དེ་བཞིན་གཤེགས་པའི་སྤྲུལ་པའོ། །བདག་གི་དེ་བཞིན་ཉིད་གང་ལགས་པ་དང་། སེམས་ཅན་ཐམས་ཅད་ཀྱི་དེ་བཞིན་ཉིད་གང་ལགས་པ་དང་། ཆོས་ཐམས་
D190.061.0204a07.01