完整藏文原文 · 德格版页 当前仅加载第 61 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཡོན་ཏན་དེ་ཡང་ཡོངས་སུ་མྱ་ངན་ལས་འདའ་བར་འགྱུར་བའི་བར་དུ་བས་པར་མི་འགྱུར་ཏེ། བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་སྙོམས་ལ་རྒྱུ་བ་མཛད་དོ། །བཙུན་པ་རབ་འབྱོར་གཞན་ཡང་དེ་བཞིན་གཤེགས་པ་ནི་རྟག་ཏུ་མཉམ་པར་
D190.061.0211a01.01བཞག་པ་སྟེ་ཏིང་ངེ་འཛིན་ལས་ཉམས་པ་མི་མངའ་ལ། དེར་ཚངས་པ་འམ། དེ་མ་ཡིན་པའི་གཟུགས་ན་སྤྱོད་པའི་ལྷ་གཟི་བྱིན་ཆེ་བ་གཟི་བྱིན་ཆེ་བ་རྣམས་ཀྱིས་དེ་བཞིན་གཤེགས་པ་བསོད་སྙོམས་ལ་རྒྱུ་ཞིང་ཏིང་ངེ་འཛིན་ལས་ཀྱང་མི་གཡོ་བ་མཐོང་ན་དེ་དག་འདི་སྙམ་དུ་སེམས་ཏེ། འདི་
D190.061.0211a02.01ནི་སེམས་ཅན་གྱི་དོན་ལ་བརྩོན་པ་ཡིན་གྱི། ཟས་འདོད་པ་མ་ཡིན་པར་ཐེ་ཙོམ་མེད་དོ་སྙམ་ནས་དེ་དག་དགའ་བ་ཐོབ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བགྱིད་དེ། བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་སྙོམས་ལ་རྒྱུ་བ་མཛད་
D190.061.0211a03.01དོ། །བཙུན་པ་རབ་འབྱོར་གལ་ཏེ་དེ་བཞིན་གཤེགས་པ་བསོད་སྙོམས་ལ་རྒྱུ་བ་མི་མཛད་དེ། ཞལ་ཟས་ཀྱང་མི་གསོལ་བར་གྱུར་ན་ནི་དེ་ལྟ་ན་རིགས་ཀྱི་བུ་དང་། རིགས་ཀྱི་བུ་མོ་ལེགས་པར་གསུངས་པའི་ཆོས་འདུལ་བ་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ་དག་ཀྱང་ཟས་མི་
D190.061.0211a04.01ཟ་བ་ལ་ཞུགས་ཏེ། བདག་ཅག་ཀྱང་བསོད་སྙོམས་ལ་རྒྱུ་བར་མི་བྱ། ཟས་ཀྱང་བཟའ་བར་མི་བྱའོ་སྙམ་ནས་དེ་དག་ཀྱང་བཀྲེས་ཤིང་ཉམ་ཆུང་བར་གྱུར་པས་ཁྱད་པར་ཐོབ་པར་རྟོགས་པར་མི་ནུས་ཏེ། དེ་དག་གིས་མ་འོངས་པ་ན་ཁྱད་པར་འཐོབ་པའི་བསམ་པ་རྫོགས་པར་མཛད་པའི་
D190.061.0211a05.01ཕྱིར་ཡང་དེ་བཞིན་གཤེགས་པ་བསོད་སྙོམས་ལ་རྒྱུ་ཞིང་གསོལ་བར་མཛད་དོ། །བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་སྙོམས་ལ་རྒྱུ་བ་མཛད་དོ། །བཙུན་པ་རབ་འབྱོར་གཞན་ཡང་དེ་བཞིན་གཤེགས་པ་ནི་འཕགས་པའི་རིགས་རྣམས་
D190.061.0211a06.01ཡང་དག་པར་ཡོངས་སུ་གཟུང་བའི་ཕྱིར་བསོད་སྙོམས་ལ་རྒྱུ་བ་མཛད་དོ། །བཙུན་པ་རབ་འབྱོར་གཞན་ཡང་དེ་བཞིན་གཤེགས་པ་ནི་སྐྱེ་བོ་ཕྱི་མ་རྣམས་ལ་ཐུགས་བརྩེ་བའི་ཕྱིར་བསོད་སྙོམས་ལ་རྒྱུ་སྟེ། ཕྱི་མའི་དུས་ན་བྲམ་ཟེ་དང་། ཁྱིམ་བདག་མ་དད་པ་རྣམས་འདི་སྐད་དུ་གལ་ཏེ་འདི་དག་
D190.061.0211a07.01