完整藏文原文 · 德格版页 当前仅加载第 61 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
ག་ལ་བ་དེར་བཞུད་ཅིག་དང་། བདག་ཀྱང་ཆོས་མཉན་པའི་སླད་དུ་དེར་མཆིའོ། །དེ་ནས་ཚེ་དང་ལྡན་པ་རབ་འབྱོར་གྱིས་བསོད་སྙོམས་དེ་བླངས་ནས་རྒྱལ་པོའི་ཁབ་ཀྱི་གྲོང་ཁྱེར་ནས་བྱུང་ནས་དེ་ཆོས་ཐོས་པའི་དགའ་བ་དང་། མཆོག་ཏུ་དགའ་བས་ཟས་ལ་
D190.061.0220a01.01སེམས་མི་འཇུག་པར་གྱུར་ནས་དེ་འདི་སྙམ་དུ་སེམས་ཏེ་བདག་གིས་བསོད་སྙོམས་བླངས་ན་གང་ལ་ལོག་པར་ལྟུང་བར་མི་འགྱུར་བ་སུ་ཞིག་ལ་སྦྱིན་པར་བྱ་སྙམ་མོ། །དེ་ནས་བྱང་ཆུབ་སེམས་དཔའ་ཆོས་ཐམས་ཅད་མི་ལེན་པས་ཚེ་དང་ལྡན་པ་རབ་འབྱོར་གྱི་སེམས་སེམས་ཀྱིས་ཤེས་
D190.061.0220a02.01ནས། ཚེ་དང་ལྡན་པ་རབ་འབྱོར་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་རབ་འབྱོར་གྱི་རྐང་པ་ལ་མགོ་བོས་ཕྱག་འཚལ་ནས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར་བསོད་སྙོམས་འདི་བདག་ལ་བྱིན་ཅིག་དང་། བདག་ལ་བྱིན་ན་ལོག་པར་ལྟུང་བར་
D190.061.0220a03.01མི་འགྱུར་རོ། །སྨྲས་པ། རིགས་ཀྱི་བུ་ཅི་ཁྱོད་ཚུལ་ཁྲིམས་བླངས་པའམ། ཚུལ་ཁྲིམས་ལ་གནས་པ་ཡིན་ནམ། སྨྲས་པ། བཙུན་པ་རབ་འབྱོར་ཆོས་ཐམས་ཅད་ནི་བླང་དུ་མེད་པ་སྟེ། དེ་ལ་ནི་ཚུལ་ཁྲིམས་ཀྱང་མེད། འཆལ་པའི་ཚུལ་ཁྲིམས་ཀྱང་མེད་དོ། །བཙུན་པ་
D190.061.0220a04.01རབ་འབྱོར་གཞན་ཡང་བདག་ནི་སྲོག་གཅོད་པར་བྱེད་པ་དང་། མ་བྱིན་པར་ལེན་པ་བྱེད་པ་དང་། འདོད་པ་ལ་ལོག་པར་གཡེམ་པ་བྱེད་པ་དང་། {བརྫུན་,རྫུན་}དུ་སྨྲ་བ་བྱེད་པ་དང་། ཕྲ་མ་བྱེད་པ་དང་། ཚིག་རྩུབ་པོ་སྨྲ་བ་དང་། ཚིག་ཀྱལ་པ་སྨྲ་བ་དང་། བརྣབ་སེམས་ཅན་དང་། གནོད་
D190.061.0220a05.01སེམས་ཀྱི་སེམས་དང་ལྡན་པ་དང་། ལོག་པར་ལྟ་བ་ཅན་ཡིན་ནོ། །དེ་ནས་ཚེ་དང་ལྡན་པ་རབ་འབྱོར་འདི་སྙམ་དུ་སེམས་ཏེ། རིགས་ཀྱི་བུ་འདིའི་བསྟན་པ་འདི་འདྲ་བ་ལས་ན་འདི་ནི་བྱང་ཆུབ་སེམས་དཔའ་ཕྱིར་མི་ལྡོག་པ་ཡིན་པར་ཐེ་ཙོམ་མེད་ཀྱིས་ལྡེམ་པོ་ངག་འདི་བདག་གིས་དྲི་བར་
D190.061.0220a06.01བྱའོ་སྙམ་མོ། །དེ་ནས་ཚེ་དང་ལྡན་པ་རབ་འབྱོར་གྱིས་རིགས་ཀྱི་བུ་དེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་ཅི་ལས་བསམས་ཏེ། འདི་སྐད་དུ་བདག་ནི་སྲོག་གཅོད་པ་བྱེད་པ་དང་། མ་བྱིན་པར་ལེན་པ་བྱེད་པ་དང་། འདོད་པས་ལོག་པར་གཡེམ་པ་བྱེད་པ་དང་། {བརྫུན་,རྫུན་}དུ་
D190.061.0220a07.01