完整藏文原文 · 德格版页 当前仅加载第 61 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་བ་བྱེད་པ་དང་། ཕྲ་མ་བྱེད་པ་དང་། ཚིག་རྩུབ་པོ་སྨྲ་བ་དང་། ཚིག་ཀྱལ་པ་སྨྲ་བ་དང་། བརྣབ་སེམས་ཅན་དང་། གནོད་སེམས་ཀྱི་སེམས་དང་ལྡན་པ་དང་། ལོག་པར་ལྟ་བ་ཅན་ཡིན་ནོ་ཞེས་སྨྲ། དེ་ནས་བྱང་ཆུབ་སེམས་དཔའ་ཆོས་ཐམས་ཅད་མི་ལེན་པས་ཚེ་དང་ལྡན་པ་རབ་འབྱོར་ལ་ཚིགས་སུ་
D190.061.0220b01.01བཅད་དེ་སྨྲས་པ། བྱང་ཆུབ་ལམ་ནི་བླ་མེད་པའི། །ལམ་ནི་བདག་གིས་རྣམ་པར་སྦྱངས། །སྲོག་ཆགས་བྱེ་བ་ཕྲག་སྟོང་ཡང་། །ལམ་དེ་ལ་ནི་ཡོངས་སུ་བཀོད། །སྲོག་ནི་བདག་གི་ཤིན་ཏུ་གཏུགས། །དེ་ཕྱིར་བདག་ནི་དེ་སྐད་སྨྲ། །གང་དག་ལམ་ནི་རྣམ་པར་སྦྱངས། །དེ་དག་སྲོག་
D190.061.0220b02.01གཅོད་པ་ཞེས་བྱ། །ལྷས་ནི་བྱང་ཆུབ་བྱིན་མ་ཡིན། །བརྒྱ་བྱིན་ཚངས་པས་མ་བྱིན་ཏེ། །མ་བྱིན་པར་ནི་བདག་གིས་བླངས། །དེ་ཕྱིར་བདག་ནི་མ་བྱིན་ལེན། །སྲོག་ཆགས་ཀུན་ལ་ཕན་པའི་ཕྱིར། །འཐུན་པའི་ཐེག་པ་བླངས་པས་ན། །དེ་ཕྱིར་ཐེག་པ་ཆེན་པོ་འདི། །མ་བྱིན་བླངས་
D190.061.0220b03.01ཞེས་བྱ་བ་ཡིན། །འདོད་པས་ལོག་པར་ཡོངས་ཤེས་པ། །ཆོས་འདོད་ཡིན་ཞེས་དེ་དག་ཤེས། །འདོད་པ་འདི་དག་འདོད་མ་ཡིན། །དེ་ཕྱིར་ལོག་ཅེས་སྤྱོད་པར་བྱེད། །སྒྲར་ནི་ཇི་སྙེད་གདགས་པ་རྣམས། །དེ་དག་{བརྫུན་,རྫུན་}ཞེས་ཡང་དག་གསུངས། །མེད་པའི་ཕྱིར་ན་དེ་{བརྫུན་,རྫུན་}ཏེ། །
D190.061.0220b04.01{བརྫུན་,རྫུན་}དུ་སྨྲ་བ་ཞེས་ཀྱང་བྱ། །ཐེག་པ་དམན་པ་འདོད་པ་ཡི། །སེམས་ཅན་གང་དག་སུ་ཡང་རུང་། །སེམས་ཅན་དེ་དག་དབྱེ་བའི་ཕྱིར། །ཐེག་པ་ཆེ་ལ་དགོད་པར་བྱེད། །ཕྲ་མའི་ཚིག་ནི་སྨྲ་བྱེད་ཅིང་། །མུ་སྟེགས་ཅན་གཞན་འབྱེད་པར་བྱེད། །སེམས་ཅན་ལམ་ངན་ལྷུང་བ་རྣམས། །
D190.061.0220b05.01ཡང་དག་ལམ་ལ་འཛུད་པར་བྱེད། །རྒོལ་བ་དེ་དག་ཚར་བཅད་དེ། །དེ་དག་ཤིན་ཏུ་དགའ་བ་མེད། །རྩུབ་པའི་ཚིག་ནི་སྨྲས་ནས་ཀྱང་། །བདུད་རྣམས་ཐམས་ཅད་ཕམ་པར་བྱས། །རྩུབ་པའི་ཚིག་ནི་སྨྲ་མོད་ཀྱི། །འོན་ཀྱང་སེམས་ལ་ཁྲོ་བ་མེད། །སེམས་ཅན་སྨིན་པར་བྱ་བ་
D190.061.0220b06.01ལ། །དཔའ་བོ་རྣམས་ཀྱིས་ཐབས་ལ་ལྟོས། །གང་ལས་དགོངས་ཏེ་གསུངས་པ་ཡི། །དགོངས་པའི་ཚིག་ནི་རབ་ཏུ་ཤེས། །དེས་ན་བསམས་ཏེ་རབ་སྨྲ་ཞིང་། །སེམས་ཅན་བྱེ་བ་འདུལ་བར་བྱེད། །ཁ་ཅིག་ལ་ནི་བསམས་ཏེ་སྨྲས། །ཁ་ཅིག་དེ་དག་{བརྫུན་,རྫུན་}པར་ཤེས། །
D190.061.0220b07.01