完整藏文原文 · 德格版页 当前仅加载第 61 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་བཅོམ་ལྡན་འདས་ལ་མཆོད་པ་བགྱིད་པ་མཐོང་ནས་དེ་དག་དེ་བཞིན་གཤེགས་པ་ལ་འདོད་པ་སྐྱེ་སྟེ། དེ་བཞིན་གཤེགས་པ་ནི་ངོ་མཚར་
D190.061.0209a01.01ཆེ་བ་ནས་རྨད་དུ་བྱུང་བའི་བར་གྱི་ཆོས་དང་ལྡན་ནོ་སྙམ་སྟེ། དེ་དག་གིས་དེ་བཞིན་གཤེགས་པ་ལ་འདོད་པ་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བགྱིད་དེ། བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་
D190.061.0209a02.01སྙོམས་ལ་རྒྱུ་བ་མཛད་དོ། །བཙུན་པ་རབ་འབྱོར་གཞན་ཡང་དེ་བཞིན་གཤེགས་པ་བསོད་སྙོམས་ལ་རྒྱུ་བ་མཐོང་ན་སེམས་ཅན་དཔག་ཏུ་མེད་པ་ལོངས་སྤྱོད་དང་དབང་ཕྱུག་གིས་རྒྱགས་ཤིང་མྱོས་པ་དང་། གཟུགས་དང་། རིགས་དང་། འཚོ་བ་དང་། ནད་མེད་པས་རྒྱགས་ཤིང་མྱོས་
D190.061.0209a03.01པ་འདི་རྣམས་འདི་སྙམ་དུ་སེམས་ཏེ། འདི་འཁོར་ལོས་སྒྱུར་བའི་རྒྱལ་སྲིད་བོར་ནས་རབ་ཏུ་བྱུང་ཞིང་བསོད་སྙོམས་ལ་རྒྱུ་ཞེས་གྲགས་ཏེ། དེས་ཀྱང་འདི་ལྟར་ང་རྒྱལ་བཅོམ་ན། ཀྱེ་མ་བདག་ཅག་གིས་ཀྱང་ང་རྒྱལ་གཞོམ་པར་བྱའོ་སྙམ་སྟེ། དེ་དག་གིས་དེ་ལྟ་བུ་མཐོང་ནས་བླ་ན་མེད་པ་ཡང་
D190.061.0209a04.01དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བགྱིད་དེ། བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་སྙོམས་ལ་རྒྱུ་བ་མཛད་དོ། །བཙུན་པ་རབ་འབྱོར་གཞན་ཡང་དེ་བཞིན་གཤེགས་པ་གྲོང་དང་། གྲོང་ཁྱེར་དུ་བསོད་སྙོམས་ལ་རྒྱུ་བ་ན། ལྷ་གཟི་
D190.061.0209a05.01བྱིན་ཆེ་བ་གཟི་བྱིན་ཆེ་བ་རྣམས་ཀྱིས་དགོངས་པ་ལ་བལྟས་ནས་འདི་སྐད་དུ་འདི་ལ་ནི་བཀྲེས་པ་དང་། སྐོམ་པའི་གནོད་པ་ཡང་མེད་ལ། ལུས་ཉམ་ཆུང་བ་ཡང་མེད་ཀྱི། སེམས་ཅན་རྣམས་ལ་སྙིང་བརྩེ་བ་ཆེད་ཆེར་བྱས་ནས་བསོད་སྙོམས་ལ་རྒྱུ་བ་མཛད་ཀྱིས། བདག་ཅག་ཀྱང་དེ་བཞིན་
D190.061.0209a06.01དུ་སེམས་ཅན་རྣམས་ལ་སྙིང་བརྩེ་བ་ཆེད་ཆེར་བྱ་བའི་སེམས་ཀྱིས་བསོད་སྙོམས་ལ་རྒྱུ་བར་བྱའོ་ཞེས་སྨྲ་ཞིང་དེ་དག་གིས་དེ་ལྟ་བུ་མཐོང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བགྱིད་དེ། བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་
D190.061.0209a07.01