完整藏文原文 · 德格版页 当前仅加载第 63 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་མངོན་སུམ་དུ་གྱུར་ལ། དེ་དག་ཀྱང་ངས་མཐོང་བར་རིག་པར་བྱའོ། །འཇམ་དཔལ་སངས་རྒྱས་བགྲོ་བ་དང་། དེ་བཞིན་གཤེགས་པ་བགྲོ་བ་དང་། ཆོས་བགྲོ་བ་འདི་རིགས་ཀྱི་བུ་འམ། རིགས་ཀྱི་བུ་མོ་གང་དག་གི་ལག་ཏུ་འགྲོ་བ་དང་། གང་དག་སྤོང་
D229.063.0228a01.01བར་བྱེད་པ་དེ་དག་ཀྱང་ངས་མཐོང་ངོ་། །འཇམ་དཔལ་རིགས་ཀྱི་བུ་དང་། རིགས་ཀྱི་བུ་མོ་གང་དག་ཆོས་ཀྱི་རྣམ་གྲངས་འདི་སྤོང་བར་མི་བྱེད་པའི་རིགས་ཀྱི་བུ་དང་། རིགས་ཀྱི་བུ་མོ་དེ་དག་ནི་དད་པ་དང་ལྡན་པར་འགྱུར། དང་བར་འགྱུར། དྲང་བ་དང་། གཡོ་མེད་པ་དང་། སྤྱོད་ལམ་
D229.063.0228a02.01ཕུན་སུམ་ཚོགས་པ་དང་། ལྷག་པའི་བསམ་པ་ཕུན་སུམ་ཚོགས་པར་འགྱུར་རོ། །འཇམ་དཔལ་ཡང་རིགས་ཀྱི་བུ་དང་། རིགས་ཀྱི་བུ་མོ་དེ་དག་ཚུལ་ཁྲིམས་དང་ལྡན་པར་འགྱུར་རོ། །ལེ་ལོ་ཅན་དང་། བརྣབ་སེམས་ཅན་དང་། གནོད་སེམས་ཅན་གྱི་སེམས་སུ་མི་འགྱུར་རོ། །
D229.063.0228a03.01དྲན་པ་ཉམས་པ་དང་། སེར་སྣ་ཅན་དུ་མི་འགྱུར་རོ། །འཇམ་དཔལ་རིགས་ཀྱི་བུ་དང་། རིགས་ཀྱི་བུ་མོ་དེ་དག་ཚུལ་ཁྲིམས་དང་ལྡན་པར་འགྱུར་རོ། །དེ་དག་ནི་ལེ་ལོ་མེད་པ་དང་། བརྣབ་སེམས་མེད་པ་དང་། གནོད་སེམས་ཀྱི་སེམས་མེད་པ་དང་། སེར་སྣ་མེད་པ་དང་། དྲན་
D229.063.0228a04.01པ་དང་ལྡན་པ་དང་། བློ་གྲོས་དང་ལྡན་པ་དང་། རྟོགས་པ་དང་ལྡན་པ་དང་། ཁྲེལ་ཡོད་པ་ཕུན་སུམ་ཚོགས་པ་དང་། བརྩོན་འགྲུས་བརྩམས་པ་དང་། མོས་པ་མང་བར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་འཇམ་དཔལ་གཞོན་ནུར་
D229.063.0228a05.01གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟར་བཅོམ་ལྡན་འདས་ཀྱིས་ལྷ་དང་། མི་དང་། ལྷ་མ་ཡིན་དུ་བཅས་པ་དང་། ལྷ་དང་བཅས་པའི་འཇིག་རྟེན་གྱི་མདུན་དུ་སངས་རྒྱས་བགྲོ་བ་དང་། དེ་བཞིན་གཤེགས་པ་བགྲོ་བ་དང་། ཆོས་བགྲོ་བའི་ཆོས་
D229.063.0228a06.01ཀྱི་རྣམ་གྲངས་ཀྱི་ཏིང་ངེ་འཛིན་འདི་བཀའ་སྩལ་ཅིང་བཤད་པ་དེའི་དུས་ལ་བབ་ལགས་སོ། །བདེ་བར་གཤེགས་པ་དེའི་དུས་ལ་བབ་ལགས་ཏེ། འདི་ལྟར་བཅོམ་ལྡན་འདས་ལས་ཐོས་ནས་དེ་བཞིན་ཉིད་དུ་འཛིན་པར་འགྱུར་ལགས་སོ། །དེ་སྐད་ཅེས་གསོལ་པ་དང་།
D229.063.0228a07.01