完整藏文原文 · 德格版页 当前仅加载第 63 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ན་སངས་རྒྱས་གང་སྒྲོགས་རྣམས། །གང་དག་མདོ་འདི་འཛིན་བྱེད་པ། །དེ་ལ་ཐམས་ཅད་སྲུང་བར་མཛད། །གང་དག་བལྟ་དཀའ་ཆོས་སྤྱོད་པས། །སངས་རྒྱས་དེ་དག་དང་མི་འབྲལ། །གང་ཞིག་འདི་ནི་ལུང་ནོད་པ། །དེ་བཞིན་ཉིད་ལ་གནས་པར་
D229.063.0263a01.01འགྱུར། །ང་ཡིས་བགྲོ་བ་བཤད་པ་འདི། །གང་དག་ལུང་ནོད་འགྱུར་བ་རྣམས། །དེ་དག་གི་ནི་མདུན་ན་ཡང་། །སངས་རྒྱས་བཞུགས་ཤིང་ཞལ་ཡང་སྟོན། །སངས་རྒྱས་བགྲོ་བ་གསུངས་འདི་ནི། །གང་དག་ལུང་ནོད་འགྱུར་བ་ཡི། །དགེ་སློང་དེ་དང་དེ་དག་
D229.063.0263a02.01རྣམས། །ང་ཡི་ཆོས་སྲུང་སྐྱོང་བར་འགྱུར། །ང་ཡིས་བགྲོ་བ་བཤད་པ་འདི། །གང་དག་ལུང་ནོད་འགྱུར་བ་རྣམས། །དེ་དག་གིས་ནི་བྱང་ཆུབ་བཟུང་། །སངས་རྒྱས་རྣམས་ཀྱི་མཐའ་ཡས་མཛད། །སངས་རྒྱས་བགྲོ་བ་དམ་པ་འདི། །གང་དག་ལུང་ནོད་འགྱུར་བ་
D229.063.0263a03.01རྣམས། །སངས་རྒྱས་ཡེ་ཤེས་བླ་མེད་ལ། །དེ་དག་ཐམས་ཅད་ངེས་པར་གནས། །སངས་རྒྱས་བགྲོ་བ་དམ་པ་འདི། །གང་དག་ལུང་ནོད་འགྱུར་བ་རྣམས། །དེ་དག་གིས་ནི་བདུད་བཏུལ་ཅིང་། །བྱང་ཆུབ་སྙིང་པོར་གནས་པ་ཡིན། །སངས་རྒྱས་བགྲོ་བ་དེ་བཞིན་ཉིད། །འདི་
D229.063.0263a04.01ནི་གང་དག་ལུང་ནོད་པ། །དེ་དག་གིས་ནི་བདུད་བཏུལ་ཅིང་། །བྱང་ཆུབ་སྙིང་པོར་གནས་པ་ཡིན། །བསྟན་པ་དེ་ཡང་གཟུངས་དེ་ཡིན། །ཏིང་ངེ་འཛིན་ཀྱང་བསྟན་པ་ཡིན། །སེམས་ཅན་དེ་དག་འདི་དག་བསྟན། །སངས་རྒྱས་བདེན་པ་གཞན་མི་འགྱུར། །གང་གིས་
D229.063.0263a05.01བྱང་ཆུབ་དག་གི་ཕྱིར། །སངས་རྒྱས་འདི་དག་ཀུན་འདོད་པ། །དེས་ནི་ང་ཡིས་བཤད་པ་ཡི། །བགྲོ་བ་འདི་ནི་ལུང་མནོད་བྱ། །མི་གང་འདས་པའི་རྫོགས་སངས་རྒྱས། །དེ་དག་ལྟ་བར་འདོད་པས་ནི། །ཆོས་ཉིད་ཡེ་ཤེས་ཆེན་པོ་ཡི། །བགྲོ་བ་མྱུར་དུ་ལུང་མནོད་བྱ། །
D229.063.0263a06.01ཁ་ཅིག་མདོ་འདི་ཚུལ་ལ་ནི། །སྤྲོ་བར་བྱེད་པ་དེ་དག་ལ། །ཕྱི་དུས་ཚེ་ན་ང་ཡིས་ནི། །འདི་འདྲ་བ་ཡི་ཆོས་བཤད་བྱ། །ང་ཡི་ཆོས་ནི་འདི་འདྲ་དག །ཐོས་ནས་བཟུང་སྟེ་མང་དུ་ཐོས། །དེ་དག་གིས་ནི་ཏིང་ངེ་འཛིན། །སྣང་བྱེད་ཅེས་བྱ་དེ་རིང་ཐོབ། །ཕྱི་མའི་དུས་ན་དེ་དག་
D229.063.0263a07.01