完整藏文原文 · 德格版页 当前仅加载第 63 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་བརྒྱ་པོ་འདི་དག་ཐོབ་པར་འགྱུར་རོ། །དེ་ལ་ཡིད་ཀྱི་ལས་ཀྱི་ཡོན་ཏན་བརྒྱ་ཐོབ་པར་འགྱུར་བ་གང་ཞེ་ན། ཡིད་ཀྱི་ལས་གཅིག་པོ་མི་འཐུན་པ་དེ་དང་བྲལ་བར་འགྱུར་བ་སྟེ། གང་ཞེ་ན། དེས་སྨྲ་བ་སྔོན་དུ་བཏང་སྟེ། ཚིག་བརྗོད་པ་ན་གང་ཡིད་ཀྱི་ལས་མི་འཐུན་པའི་རྗེས་སུ་འཇུག་པ་དང་བྲལ་བར་
D229.063.0251b01.01འགྱུར་བ་ཡིན་ནོ། །སེམས་གཡེངས་པར་མི་འགྱུར་རོ། །སེམས་ལ་གནོད་པར་མི་འགྱུར་རོ། །སེམས་འདུ་ཤེས་ཅན་དུ་མི་འགྱུར་རོ། །དེའི་སེམས་ལ་མི་འཐུན་པ་མེད་པར་འགྱུར་རོ། །བློ་དང་ལྡན་པར་འགྱུར་རོ། །རྟོགས་པ་དང་ལྡན་པར་འགྱུར་རོ། །ངེས་པར་འགྱུར་རོ། །སྤྱོད་པ་དང་ལྡན་
D229.063.0251b02.01པར་འགྱུར་རོ། །ཆོ་ག་ལ་མཁས་པར་འགྱུར་རོ། །བརྟག་པ་ཕུན་སུམ་ཚོགས་པར་འགྱུར་རོ། །གཡོག་ཕུན་སུམ་ཚོགས་པར་འགྱུར་རོ། །སྤྱོད་ལམ་ཕུན་སུམ་ཚོགས་པར་འགྱུར་རོ། །དྲན་པ་དང་ལྡན་ཞིང་མི་གཡོ་བར་འགྱུར་རོ། །སེམས་མི་སྒུལ་ཞིང་བརྟན་པར་འགྱུར་རོ། །ཡོན་ཏན་
D229.063.0251b03.01སྒྲུབ་པར་འགྱུར་རོ། །སེམས་འཇམ་པར་འགྱུར་རོ། །ཕྱིར་མི་ལྡོག་པར་འགྱུར་རོ། །སེམས་མི་གཡོ་བར་འགྱུར་རོ། །སེམས་དང་འཐུན་པར་འགྱུར་ཏེ། སེམས་བརྟན་པ་དེ་དང་། ཕྱིར་མི་ལྡོག་པ་དེ་ལ་ནི་སངས་རྒྱས་བཅོམ་ལྡན་འདས་རྣམས་གཟིགས་བཞེད་པར་འགྱུར་ལ། ལྷ་རྣམས་ཀྱང་
D229.063.0251b04.01ལྟ་འདོད་པར་འགྱུར་ཞིང་ཀླུ་རྣམས་དང་། གནོད་སྦྱིན་རྣམས་དང་། དྲི་ཟ་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་དང་། མི་རྣམས་དང་། མི་མ་ཡིན་པ་རྣམས་ཀྱང་ལྟ་འདོད་པར་འགྱུར་རོ། །དེ་ལ་ལྷ་རྣམས་ཀྱང་སྙན་པར་སྨྲ་ཞིང་ཀླུ་རྣམས་དང་། དྲི་ཟ་རྣམས་དང་། གནོད་སྦྱིན་
D229.063.0251b05.01རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་དང་། མི་རྣམས་དང་། མི་མ་ཡིན་པ་རྣམས་ཀྱང་སྙན་པར་སྨྲ་ལ། དེ་ལ་སངས་རྒྱས་བཅོམ་ལྡན་འདས་རྣམས་ཀྱང་སྙན་པ་གསུང་བར་འགྱུར་རོ། །ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། དྲི་ཟ་རྣམས་དང་། མི་འམ་ཅི་
D229.063.0251b06.01རྣམས་དང་། ལྟོ་འཕྱེ་ཆེན་པོ་རྣམས་དང་། མི་རྣམས་དང་། མི་མ་ཡིན་པ་རྣམས་ཀྱིས་བསྔགས་པར་བྱ་ཞིང་། སངས་རྒྱས་བཅོམ་ལྡན་འདས་རྣམས་ཀྱིས་ཀྱང་བསྔགས་པར་བྱ་བ་སྟེ། དེ་ཉིད་འོང་བ་ལ་ཡང་སངས་རྒྱས་བཅོམ་ལྡན་འདས་རྣམས་ཆོས་ཉེ་བར་སྒྲུབ་པར་མཛད་དོ། །ཀུན་དགའ་བོ་
D229.063.0251b07.01