完整藏文原文 · 德格版页 当前仅加载第 63 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་དབྱེ་བ་ངེས་པར་རྣམ་པར་འབྱེད་པ་ཞུ་བར་བྱ་གོར་མ་ཆག་སྙམ་མོ། །དེ་ནས་བཅོམ་ལྡན་འདས་ཀྱིས་བྱམས་མའི་བུ་གང་པོའི་སེམས་ཀྱི་རྣམ་པར་རྟོག་པ་ཐུགས་ཀྱིས་མཁྱེན་ནས། བྱམས་མའི་བུ་གང་པོ་ལ་བཀའ་སྩལ་པ། གང་པོ་ཡི་གེ་བསྒྲུབ་པའི་རྣམ་པར་དབྱེ་བ་ངེས་པར་
D229.063.0249a01.01རྣམ་པར་འབྱེད་པ་ལ་ངེས་པ་ཞེས་བྱ་བ་ལ་གཅིག་ནི་གང་ཡིན། བསྒྲུབ་པ་ནི་གང་ཡིན་ཞེ་ན། གཅིག་ནི་མངོན་པར་ཤེས་པ་སྟེ། དེ་ནི་བསྒྲུབ་པའོ། །སྒྲུབ་པ་སྒྲུབ་པ་ཞེས་བྱ་བ་ནི་གང་གི་ཡིན། ཐོབ་པར་བྱེད་པ་ཐོབ་པར་བྱེད་པ་ནི་གང་གི་ཡིན་ཞེ་ན། ཐོབ་པར་བྱེད་པ་རྟོགས་པ་ནི་དེ་བཞིན་
D229.063.0249a02.01གཤེགས་པ་ཡིན་ཏེ། དེ་བཞིན་གཤེགས་པའི་འཇིག་པ་དང་། དེ་བཞིན་གཤེགས་པའི་འབྱུང་བའོ། །གང་པོ་དེ་བཞིན་གཤེགས་པ་དེ་བཞིན་གཤེགས་པ་ཞེས་ཅིའི་ཕྱིར་བརྗོད་པར་བྱ་ཞིང་སུས་བརྗོད་པར་བྱ་བ་ཡིན་ཞེ་ན། དངོས་པོས་ཀྱང་བརྗོད་པར་བྱ་བ་མ་ཡིན་ལ། དངོས་པོ་མེད་པས་
D229.063.0249a03.01ཀྱང་བརྗོད་པར་བྱ་བ་མ་ཡིན་ནོ། །དངོས་པོ་ཡོད་པས་བརྗོད་པར་བྱ་བ་མ་ཡིན་ལ། དངོས་པོ་ཡོད་པ་མ་ཡིན་པས་བརྗོད་པར་བྱ་བ་ཡང་མ་ཡིན་ནོ། །དེ་བཞིན་གཤེགས་པ་ནི་ཚིག་ཐམས་ཅད་ལོག་པ་མ་ཡིན་ནོ། །དེ་བཞིན་གཤེགས་པ་ནི་གནས་ལས་ལོག་པ་མ་ཡིན་ཏེ། ཚིག་ཐམས་ཅད་ཀྱིས་
D229.063.0249a04.01བརྗོད་པར་བྱ་བ་མ་ཡིན་ནོ། །གང་པོ་དེ་བཞིན་གཤེགས་པ་ཞེས་བྱ་བ་ནི་འདིའོ་ཞེས་བརྗོད་པར་བྱ་བ་མ་ཡིན་ནོ། །གང་པོ་དེ་བཞིན་གཤེགས་པ་ཞེས་བྱ་བ་ནི་བརྗོད་པར་བྱ་བ་མ་ཡིན་ཏེ། དཔེར་ན་ནམ་མཁའ་ནི་ལུས་སུ་གྱུར་པ་ཡང་མེད་དོ། །འགྱུར་བ་ཡང་མེད་དེ། དེ་ནི་དངོས་པོ་དང་དངོས་པོ་
D229.063.0249a05.01མེད་པས་བརྗོད་པར་བྱ་བ་མ་ཡིན་ནོ། །གང་པོ་དེ་བཞིན་གཤེགས་པ་མཐོང་ངོ་ཞེས་གང་གིས་བརྗོད་པ་དང་། གང་ལ་བརྗོད་པ་ཡང་བརྗོད་པར་བྱ་བ་མ་ཡིན་ནོ། །དེ་སྐད་ཅེས་བཀའ་སྩལ་པ་དང་། བྱམས་མའི་བུ་གང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D229.063.0249a06.01ཆོས་བསྟན་པ་འདིའི་མིང་ཅི་ལགས། བཀའ་སྩལ་པ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་བགྲོ་བའོ། །གང་པོ་དེ་ནི་འདི་ཡིན་ཞེས་བྱ་བ་ཅིའི་ཕྱིར་དེ་ནི་འདི་ཡིན་ཞེ་ན། གྲངས་མེད་པ་འདི་དག་གིས་བགྲོ་བར་བྱ་བ་དག་ནི་བགྲོ་བའོ། །གང་པོ་ཅིའི་ཕྱིར་བགྲོ་བ་ཞེས་བྱ་ཞེ་ན། དེ་ནི་
D229.063.0249a07.01