完整藏文原文 · 德格版页 当前仅加载第 63 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཨ་ལ་ལ་ཏིང་ངེ་འཛིན་འདི་ནི་བསམ་གྱིས་མི་ཁྱབ་པ་ལགས་སོ། །བཅོམ་ལྡན་འདས་ཨ་ལ་ལ་ཏིང་ངེ་འཛིན་འདི་ནི་ཆགས་པ་མ་མཆིས་པ་ལགས་སོ། །བཅོམ་ལྡན་འདས་ཨ་ལ་ལ་ཏིང་ངེ་འཛིན་འདི་ནི་རྟོགས་པར་དཀའ་བ་ལགས་སོ། །བཅོམ་ལྡན་འདས་ཨ་ལ་ལ་ཏིང་
D229.063.0232a01.01ངེ་འཛིན་འདི་ནི་ཟབ་པ་ལགས་སོ། །བཅོམ་ལྡན་འདས་ཨ་ལ་ལ་ཏིང་ངེ་འཛིན་འདི་ནི་ཤིན་ཏུ་འདས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། འཇམ་དཔལ་ཏིང་ངེ་འཛིན་འདི་ནི་རྒྱ་ཆེ་བའོ། །འཇམ་དཔལ་
D229.063.0232a02.01ཏིང་ངེ་འཛིན་འདི་ནི་བསམ་གྱིས་མི་ཁྱབ་པའོ། །འཇམ་དཔལ་ཏིང་ངེ་འཛིན་འདི་ནི་ཆགས་པ་མེད་པའོ། །འཇམ་དཔལ་ཏིང་ངེ་འཛིན་འདི་ནི་རྟོགས་པར་དཀའ་བའོ། །འཇམ་དཔལ་ཏིང་ངེ་འཛིན་འདི་ནི་ཟབ་པའོ། །འཇམ་དཔལ་ཏིང་ངེ་འཛིན་འདི་ནི་ཤིན་ཏུ་འདས་པའོ། །འཇམ་དཔལ་ཏིང་ངེ་
D229.063.0232a03.01འཛིན་འདི་ལ་གནས་ནས་སངས་རྒྱས་བཅོམ་ལྡན་འདས་དེ་དག་ལ་དྲི་བའི་ཕྱིར་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གཞན་དུ་ཡང་མི་འགྲོའོ། །སངས་རྒྱས་བཅོམ་ལྡན་འདས་དེ་དག་ཀྱང་ངའི་ཐད་དུ་མི་འོང་སྟེ། ང་ཡང་དེ་དག་ལ་འདྲིའོ། །དེ་དག་ཀྱང་ང་ལ་འདྲི་བར་བྱེད་དོ། །འོན་
D229.063.0232a04.01ཀྱང་འཇིག་རྟེན་གྱི་ཁམས་འདི་ཉིད་ན་གནས་ཏེ། འཇིག་རྟེན་གྱི་ཁམས་དེ་དང་དེ་དག་ན་གནས་པའི་སངས་རྒྱས་བཅོམ་ལྡན་འདས་དེ་དག་ལ་འདྲིའོ། །འཇིག་རྟེན་གྱི་ཁམས་དེ་དང་དེ་དག་ན་གནས་པའི་སངས་རྒྱས་བཅོམ་ལྡན་འདས་དེ་དག་ཀྱང་ང་འདི་ན་གནས་པ་ལ་འདྲི་བར་བྱེད་དོ། །
D229.063.0232a05.01འཇམ་དཔལ་ང་ཏིང་ངེ་འཛིན་འདི་ལ་གནས་ཏེ་སངས་རྒྱས་ཀྱི་ཞིང་ཐམས་ཅད་དུ་དབྱངས་ཀྱིས་གོ་བར་བྱེད་དེ། སངས་རྒྱས་བཅོམ་ལྡན་འདས་དེ་དག་གི་ཐད་དུ་སྒྲ་དེ་སྒྲིབ་པའི་བྱ་བ་མི་བྱེད་དོ། །འཇམ་དཔལ་སངས་རྒྱས་བཅོམ་ལྡན་འདས་དེ་དག་ཀྱང་ཏིང་ངེ་འཛིན་འདི་ལ་གནས་ཏེ་སངས་རྒྱས་
D229.063.0232a06.01ཀྱི་ཞིང་ཐམས་ཅད་དུ་དབྱངས་ཀྱིས་གོ་བར་བྱེད་དེ། ང་ལ་ཡང་སྒྲིབ་པར་མི་བྱེད་དོ། །འཇམ་དཔལ་ང་ཏིང་ངེ་འཛིན་འདི་ལ་གནས་ཏེ། སངས་རྒྱས་བཅོམ་ལྡན་འདས་དེ་དག་ལ་ལན་ཡང་འདེབས་ལ། སངས་རྒྱས་བཅོམ་ལྡན་འདས་དེ་དག་ཀྱང་ཏིང་ངེ་འཛིན་འདི་ལ་གནས་ན་ང་ལ་ཡང་ལན་
D229.063.0232a07.01