完整藏文原文 · 德格版页 当前仅加载第 66 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་དག་དེ་ནས་དེ་བཞིན་གཤེགས་པ་འཇིག་རྟེན་དུ་བྱུང་སྟེ། བྱང་ཆུབ་སེམས་དཔའི་ནང་དུ་འདི་ལྟ་བུའི་ཆོས་ཀྱི་གཏེར་ཆེན་པོ་ཡང་དག་པར་རབ་ཏུ་སྟོན་ཏོ། །དེ་དག་ཀྱང་ཆོས་ཀྱི་གཏེར་ཆེན་པོ་དེ་ལ་མོས་ནས་རྐོ་སྟེ། དེའི་ཕྱིར་འཇིག་རྟེན་ན་དེ་བཞིན་གཤེགས་པ་
D258.066.0251b01.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཞེས་བྱ་སྟེ། །ཆོས་ཀྱི་གཏེར་ཆེན་པོ་ལྟ་བུར་གྱུར་ནས། སེམས་ཅན་རྣམས་ལ་སྔོན་མ་བྱུང་བའི་གཏན་ཚིགས་ཀྱི་རྣམ་པ་དང་། དཔེ་དང་བྱེད་པའི་གཏན་ཚིགས་དང་། བྱ་བ་རྣམས་སྟོན་པ་གཏེར་ཆེན་
D258.066.0251b02.01པོའི་མཛོད་ཀྱི་སྦྱིན་བདག་ཆགས་པ་མེད་པའི་སྤོབས་པ་དང་ལྡན་ཞིང་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མང་པོའི་མཛོད་དུ་གྱུར་པ་ཡིན་ནོ། །རིགས་ཀྱི་བུ་དག་དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་
D258.066.0251b03.01དེ་བཞིན་གཤེགས་པའི་མིག་ཤིན་ཏུ་ཡོངས་སུ་དག་པས་སེམས་ཅན་ཐམས་ཅད་དེ་ལྟ་བུར་མཐོང་ནས་དེ་བཞིན་གཤེགས་པའི་ཡེ་ཤེས་དང་། སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པའི་མཛོད་ཡོངས་སུ་སྦྱང་བའི་ཕྱིར་བྱང་ཆུབ་སེམས་
D258.066.0251b04.01དཔའ་རྣམས་ལ་ཆོས་སྟོན་ཏོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །ཇི་ལྟར་དབུལ་པོའི་ཁྱིམ་གྱི་འོག་ལོགས་ན། །དབྱིག་དང་གསེར་གྱིས་གང་བའི་གཏེར་ཡོད་པ། །དེ་ལ་གཡོ་བའམ་རློམ་སེམས་ཡོད་མིན་ཏེ། །
D258.066.0251b05.01ང་ནི་ཁྱོད་ཀྱི་ཡིན་ཞེས་དེ་མི་སྨྲ། །དེ་ཡི་ཚེ་ན་སེམས་ཅན་ཁྱིམ་བདག་དེ། །དབུལ་བར་གྱུར་ལ་རྣམ་པར་མི་ཤེས་ཤིང་། །སུས་ཀྱང་དེ་ལ་བསྙད་པ་མེད་པས་ན། །དབུལ་པོ་དེ་ནི་དེ་ཡི་སྟེང་ན་འདུག །དེ་ལྟར་ངས་ནི་སངས་རྒྱས་མིག་གིས་སུ། །སེམས་ཅན་དེ་
D258.066.0251b06.01དག་ཐམས་ཅད་དབུལ་འདྲ་ལ། །དེ་དག་རྣམས་ལ་གཏེར་ཆེན་ཡོད་པ་དང་། །གཡོ་བ་མེད་ཅིང་བདེ་གཤེགས་ལུས་སུ་མཐོང་། །ངས་ནི་དེ་མཐོང་བྱང་ཆུབ་སེམས་དཔའ་ལ། །ཁྱོད་ཀྱིས་ང་ཡི་ཡེ་ཤེས་མཛོད་ཟུང་ལ། །དབུལ་བ་མེད་ཅིང་འཇིག་རྟེན་མགོན་གྱུར་དང་། །
D258.066.0251b07.01