完整藏文原文 · 德格版页 当前仅加载第 66 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
ངས་ནི་སེམས་ཅན་ཐམས་ཅད་ཀྱང་། །གསེར་གཟུགས་འཇིམ་པས་གཡོགས་པ་འདྲ་བ་སྟེ། །ཕྱི་རོལ་ཤུན་པ་ཉོན་མོངས་སྦུབས་ཡིན་ལ། །ནང་ན་སངས་རྒྱས་ཡེ་ཤེས་ཡོད་པར་མཐོང་། །དེ་ལ་བྱང་ཆུབ་སེམས་དཔའ་གང་དག་ནི། །ཞི་
D258.066.0255a01.01ཞིང་ཤིན་ཏུ་བསིལ་བར་གྱུར་པ་དག །གང་གིས་དེ་དག་ཉོན་མོངས་མ་ལུས་འབྱིན། །ཆོས་ཀྱིས་ལག་ཆས་དེ་ལ་འགོགས་པར་བྱེད། །རིན་ཆེན་གཟུགས་ནི་བལྟ་ན་སྡུག་པ་ལྟར། །རྒྱལ་སྲས་གང་ཞིག་འདིར་ནི་དག་གྱུར་པ། །སྟོབས་བཅུ་དག་གིས་
D258.066.0255a02.01ལུས་རྣམས་ཡོངས་གང་སྟེ། །ལྷར་བཅས་འཇིག་རྟེན་འདི་ན་མཆོད་པར་འགྱུར། །ངས་ནི་སྲོག་ཆགས་ཐམས་ཅད་དེ་ལྟར་མཐོང་། །བྱང་ཆུབ་སེམས་དཔའང་ངས་ནི་དེ་ལྟར་མཐོང་། །དེ་ལྟར་དག་པ་བདེ་བར་གཤེགས་འགྱུར་ཏེ། །བདེ་གཤེགས་དག་ནི་
D258.066.0255a03.01སངས་རྒྱས་ཚུལ་སྟོན་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྡོ་རྗེའི་བློ་གྲོས་ལ་བཀའ་སྩལ་པ། རྡོ་རྗེའི་བློ་གྲོས་རིགས་ཀྱི་བུའམ། རིགས་ཀྱི་བུ་མོ་ཁྱིམ་པའམ་རབ་ཏུ་བྱུང་བ་ཡང་རུང་སྟེ་གང་ཞིག་དེ་བཞིན་གཤེགས་པའི་སྙིང་པོའི་ཆོས་ཀྱི་རྣམ་གྲངས་
D258.066.0255a04.01འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གླེགས་བམ་དུ་བྱས་ཏེ་འཇོག་པ་དང་། གཞན་དག་ལ་ཡང་རྒྱ་ཆེར་འཆད་པ་དང་། ཡང་དག་པར་རབ་ཏུ་སྟོན་པ་དེ་བསོད་ནམས་མང་དུ་སྐྱེད་པར་འགྱུར་རོ། །རྡོ་རྗེའི་བློ་གྲོས་ཡང་བྱང་ཆུབ་
D258.066.0255a05.01སེམས་དཔའ་གཞན་གང་ཞིག་དེ་བཞིན་གཤེགས་པའི་ཡེ་ཤེས་བསྒྲུབ་པའི་ཕྱིར་བརྩོན་པར་གྱུར་ལ། འཇིག་རྟེན་གྱི་ཁམས་རེ་རེར་ཡང་སངས་རྒྱས་ཐམས་ཅད་ལ་མཆོད་པའི་ཕྱིར་རྫུ་འཕྲུལ་བསྒྲུབས་ནས་འདི་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཏིང་ངེ་
D258.066.0255a06.01འཛིན་གྱི་སྟོབས་བསྐྱེད་པ་དེས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་ཕྲག་གང་གཱའི་ཀླུང་གི་བྱེ་མ་བས་ཀྱང་མང་བ་རྣམས་སུ་གང་གཱའི་ཀླུང་གི་བྱེ་མ་བས་ཀྱང་མང་བའི་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་རྣམས་དང་བཅས་པ། ཉན་ཐོས་ཀྱི་དགེ་འདུན་
D258.066.0255a07.01