完整藏文原文 · 德格版页 当前仅加载第 66 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲུབ་པས་དོན་ཆེ་བ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །འདས་པའི་དུས་ནི་བསྐལ་པ་མཐའ་ཡས་ན། །བཅོམ་ལྡན་འོད་ཟེར་གཏོང་ཞེས་བྱ་བ་བྱུང་། །དེ་ཡི་ལུས་ལས་འདི་འདྲའི་འོད་བྱུང་བས། །ཞིང་
D258.066.0258b01.01རྣམས་བྱེ་བ་སྟོང་དག་སྣང་བར་གྱུར། །རྒྱལ་བ་དང་པོར་མངོན་རྫོགས་སངས་རྒྱས་རིག །བྱང་ཆུབ་སེམས་དཔའ་འོད་ཟེར་མཐའ་ཡས་ཀྱིས། །དེ་ཚེ་བདེ་གཤེགས་རྒྱལ་དབང་དེ་ལ་ཞུས། །མདོ་འདི་རྟག་ཏུ་ཡང་དག་རབ་ཏུ་བཤད། །གང་གིས་རྒྱལ་དེའི་བསྟན་
D258.066.0258b02.01ལས་མདོ་སྡེ་འདི། །འདྲེན་པ་ལས་ནི་མངོན་སུམ་ཐོས་གྱུར་པ། །དེ་ཀུན་མྱུར་དུ་བྱང་ཆུབ་དམ་པ་འཐོབ། །བྱང་ཆུབ་སེམས་དཔའ་བཞི་ནི་མ་གཏོགས་ཏེ། །མཐུ་ཆེན་ཐོབ་དང་སྤྱན་རས་གཟིགས་དབང་ཕྱུག །བྱང་ཆུབ་སེམས་དཔའ་འཇམ་དཔལ་གསུམ་
D258.066.0258b03.01པ་སྟེ། །རྡོ་རྗེའི་བློ་གྲོས་ཁྱོད་ཉིད་བཞི་པ་ཡིན། །དེ་ཚེ་དེ་དག་གིས་ནི་མདོ་འདི་ཐོས། །བྱང་ཆུབ་སེམས་དཔའ་འོད་ཟེར་མཐའ་ཡས་པ། །དེ་ཚེ་གང་གིས་རྒྱལ་ལ་ཞུས་བྱུང་སྟེ། །དེ་ཡི་དབང་བྱས་བདེ་གཤེགས་སྲས་པོ་ནི། །དེ་ཚེ་རྡོ་རྗེའི་བློ་གྲོས་ཁྱོད་ཉིད་ཡིན། །
D258.066.0258b04.01ང་ཡང་སྔོན་གྱི་སྤྱད་པ་སྤྱོད་པའི་ཚེ། །བདེ་བར་གཤེགས་པ་སེང་གེའི་རྒྱལ་མཚན་ལས། །མདོ་སྡེ་འདི་ཡི་མིང་ནི་ཐོས་པར་གྱུར། །གུས་པར་བྱས་ཏེ་ཐོས་ནས་ཐལ་མོ་སྦྱར། །ང་ནི་ལེགས་པར་བྱས་པའི་ལས་དེ་ཡིས། །བྱང་ཆུབ་དམ་པ་མྱུར་དུ་ཐོབ་པར་གྱུར། །
D258.066.0258b05.01དེ་བས་བྱང་ཆུབ་སེམས་དཔའ་མཁས་རྣམས་ཀྱིས། །རྟག་ཏུ་མདོ་མཆོག་འདི་ནི་གཟུང་བར་བྱ། །རྡོ་རྗེའི་བློ་གྲོས་རིགས་ཀྱི་བུའམ། རིགས་ཀྱི་བུ་མོ་ལས་ཀྱི་སྒྲིབ་པས་བསྒྲིབས་པ་གང་དག་དེ་བཞིན་གཤེགས་པའི་སྙིང་པོའི་ཆོས་ཀྱི་རྣམ་གྲངས་འདི་ཉན་ཏམ།
D258.066.0258b06.01ལུང་ནོད་དམ། ཁ་ཏོན་དུ་བྱེད་དམ། སྟོན་ཀྱང་རུང་། ཆོས་ཀྱི་རྣམ་གྲངས་འདི་ཉན་པ་དང་། ལུང་ནོད་པ་དང་། ཁ་ཏོན་བྱེད་པ་དང་། རབ་ཏུ་འཆད་པ་དང་། ཡི་གེར་འདྲི་བ་དེ་དག་ལས་ཚེགས་ཆུང་ངུས་ཆོས་དེ་དག་ཀྱང་མངོན་སུམ་དུ་འགྱུར། ལས་ཀྱི་སྒྲིབ་པ་
D258.066.0258b07.01