完整藏文原文 · 德格版页 当前仅加载第 66 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
དང་བཅས་པ་བཞུགས་ཤིང་གནས་པའི་དེ་བཞིན་གཤེགས་པ་རེ་རེ་ལ་ཡང་ཁང་པ་བརྩེགས་པ་དུས་སུ་བདེ་བ། རྒྱར་དཔག་ཚད་ཙམ་ལ་འཕང་དུ་དཔག་ཚད་བཅུ་པ། རིན་པོ་ཆེ་ཐམས་ཅད་ལས་བྱས་པ། ལྷའི་དྲི་ཞིམ་པོ་དང་ལྡན་པ། མེ་ཏོག་སིལ་མ་སྣ་
D258.066.0255b01.01ཚོགས་བཀྲམ་པ། ལོངས་སྤྱོད་ཁ་ན་མ་ཐོ་བ་མེད་པ་ཐམས་ཅད་དང་ལྡན་པ་འབུམ་ཕྲག་གང་གཱའི་ཀླུང་ལྔ་བཅུའི་བྱེ་མ་སྙེད་ཉིན་རེ་ཞིང་ཕུལ་ཏེ། བསྐལ་པ་འབུམ་དུ་ཚང་བའི་བར་དུ་འདི་ལྟ་བུའི་མཆོད་པ་བྱེད་པ་བས་རིགས་ཀྱི་བུའམ་རིགས་ཀྱི་བུ་མོ་གང་གཞན་ཞིག་བྱང་
D258.066.0255b02.01ཆུབ་ཏུ་སེམས་བསྐྱེད་དེ། དེ་བཞིན་གཤེགས་པའི་སྙིང་པོའི་ཆོས་ཀྱི་རྣམ་གྲངས་འདི་ལས་དཔེ་གཅིག་ཙམ་ལུས་ལ་འཆང་ངམ། གླེགས་བམ་དུ་གནས་པར་བྱེད་ན། རྡོ་རྗེའི་བློ་གྲོས་དེའི་བསོད་ནམས་མངོན་པར་འདུ་བྱེད་པ་དེ་ལ་བསོད་ནམས་མངོན་པར་འདུ་བྱེད་པ་སྔ་
D258.066.0255b03.01མས་བརྒྱའི་ཆ་དང་། སྟོང་གི་ཆ་དང་། འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། དཔེར་ཡང་ཉེ་བར་མི་འགྲོ་སྟེ། རྒྱུར་ཡང་མི་བཟོད་དོ། །རྡོ་རྗེའི་བློ་གྲོས་ཡང་བྱང་ཆུབ་སེམས་དཔའ་གང་སངས་རྒྱས་ཀྱི་ཆོས་ཡོངས་སུ་ཚོལ་བས་སངས་རྒྱས་བཅོམ་
D258.066.0255b04.01ལྡན་འདས་དེ་དག་ལས་དེ་བཞིན་གཤེགས་པ་རེ་རེ་ལ་ཡང་བསྐལ་པ་འབུམ་ཚང་གི་བར་དུ་ཤིང་མན་དཱ་ར་བའི་མེ་ཏོག་ཁལ་བཞི་པ་འབུམ་འཐོར་ལ། རྡོ་རྗེའི་བློ་གྲོས་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་ཞིག་གིས་བྱང་ཆུབ་ཏུ་སེམས་
D258.066.0255b05.01བསྐྱེད་དེ། དེ་བཞིན་གཤེགས་པའི་སྙིང་པོའི་ཆོས་ཀྱི་རྣམ་གྲངས་འདི་ཐོས་ནས་ཐལ་མོ་ལན་ཅིག་སྦྱར་ཏེ་རྗེས་སུ་ཡི་རང་ངོ་ཞེས་ཚིག་གཅིག་སྨྲས་ན། རྡོ་རྗེའི་བློ་གྲོས་བསོད་ནམས་མངོན་པར་འདུ་བྱ་བ་དང་། དགེ་བ་མངོན་པར་འདུ་བྱ་བ་དེ་ལ་མེ་ཏོག་དང་། མེ་ཏོག་
D258.066.0255b06.01ཕྲེང་ཕུལ་བ་དང་ལྡན་པ། དེ་བཞིན་གཤེགས་པ་ལ་བཞག་པའི་བསོད་ནམས་མངོན་པར་འདུ་བྱ་བ་དང་། དགེ་བ་མངོན་པར་འདུ་བྱ་བ་སྔ་མ་དེས་བརྒྱའི་ཆ་དང་། སྟོང་གི་ཆ་དང་། འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། དཔེར་ཡང་ཉེ་བར་མི་
D258.066.0255b07.01