完整藏文原文 · 德格版页 当前仅加载第 66 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པ་ཡང་སེམས་ཅན་ཐམས་ཅད་ཉོན་མོངས་པའི་དཀྲི་བས་དཀྲིས་ཏེ། སྨད་པའི་འོས་སུ་གྱུར་ཅིང་ཡུན་རིང་པོར་འཁོར་བའི་འབྲོག་དགོན་པ་ན་རྟག་ཏུ་འཁྱམ་པར་མཐོང་སྟེ། རིགས་ཀྱི་བུ་དག་ཐ་ན་དུད་འགྲོའི་སྐྱེ་གནས་སུ་སོང་བ་རྣམས་ཀྱང་
D258.066.0253a01.01རུང་སྟེ། སེམས་ཅན་ཉོན་མོངས་པ་སྣ་ཚོགས་ཀྱི་དཀྲི་བས་དཀྲིས་པར་གྱུར་པ་རྣམས་ཀྱི་ནང་ན་ཡང་དེ་བཞིན་གཤེགས་པའི་ལུས་ང་ཅི་འདྲ་བ་ཡོད་པ་མཐོང་ངོ་། །རིགས་ཀྱི་བུ་དག་དེ་ལ་དེ་བཞིན་གཤེགས་པ་ནི་ཇི་ལྟར་དེ་བཞིན་གཤེགས་པའི་ཡེ་ཤེས་མཐོང་བ་ཉེ་བའི་ཉོན་
D258.066.0253a02.01མོངས་པ་དང་བྲལ་ཞིང་ཡོངས་སུ་དག་པར་གྱུར་ལ། ཇི་ལྟར་ད་ལྟར་ང་བཞིན་དུ་འཇིག་རྟེན་ཐམས་ཅད་ཀྱིས་ཕྱག་བྱ་བའི་འོས་སུ་འགྱུར་སྙམ་ནས། ཉོན་མོངས་པའི་དཀྲི་བས་དཀྲིས་པ་ལས་ཐར་པར་བྱ་བའི་ཕྱིར་བྱང་ཆུབ་སེམས་དཔའ་ཐམས་ཅད་ལ་ཆོས་སྟོན་ཏོ། །དེ་ནས་
D258.066.0253a03.01དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །ཇི་ལྟར་དྲི་ང་སྨད་པའི་འོས་རྣམས་ཀྱིས། །ཡོངས་སུ་དཀྲིས་པ་བདེ་བར་གཤེགས་ཀྱི་གཟུགས། །རིན་ཆེན་བྱས་པ་རས་དུམ་དཀྲིས་པ་དེ། །ལམ་གྱི་བར་ན་བོར་ཏེ་འཁྱམ་གྱུར་པ། །
D258.066.0253a04.01ལྷ་ཡི་མིག་གིས་དེ་ནི་མཐོང་ནས་སུ། །ལྷ་དེས་གཞན་ཞིག་ལ་ནི་རབ་སྨྲས་པ། །འདི་ན་དེ་བཞིན་གཤེགས་པ་རིན་ཆེན་ཡོད། །རས་དུམ་ཐུམ་བུ་འདི་ནི་མྱུར་དུ་ཕྱེ། །དེ་བཞིན་ང་ཡི་ལྷ་མིག་འདི་འདྲ་བ། །དེས་ནི་སེམས་ཅན་འདི་དག་ཐམས་ཅད་ཀྱང་། །ཉོན་མོངས་
D258.066.0253a05.01དཀྲི་བས་དཀྲིས་ནས་རབ་སྡུག་བསྔལ། །འཁོར་བའི་སྡུག་བསྔལ་གྱིས་མི་རྟག་གཙེས་མཐོང་། །ངས་ནི་ཉོན་མོངས་དཀྲིས་པའི་ནང་དག་ན། །རྒྱལ་བའི་སྐུ་ནི་མཉམ་པར་བཞག་གྱུར་ལ། །དེ་ནི་གཡོ་བ་མེད་ཅིང་མི་འགྱུར་ཡང་། །དེ་ཡོངས་ཐར་བྱེད་གང་ཡང་མེད་པར་
D258.066.0253a06.01མཐོང་། །ངས་མཐོང་དེ་ནས་སྐུལ་མ་བཏབ་པ་ནི། །བྱང་ཆུབ་མཆོག་ཏུ་གང་དག་ཞུགས་པ་ཉོན། །དེ་ལྟར་སེམས་ཅན་ཆོས་ཉིད་འདི་འདྲར་རྟག །འདི་ན་ཡོངས་སུ་དཀྲིས་པའི་རྒྱལ་བ་བཞུགས། །བདེ་བར་གཤེགས་ཀྱི་ཡེ་ཤེས་ཡོངས་བཀྲོལ་ནས། །གང་ཚེ་
D258.066.0253a07.01