完整藏文原文 · 德格版页 当前仅加载第 66 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །བརྗོད་དུ་མེད་པའི་གནས་ལགས་སོ། །ཡིད་བཞིན་ནོར་བུ་རིན་ཆེན་ཆེ། །སྤྱི་བོ་ལ་ནི་མཆིས་པར་གདའ། །ནོར་བུ་རིན་ཆེན་བརྒྱ་བྱིན་ཐོགས། །གང་དག་ལ་ནི་རྒྱང་ནས་གདའ། །སེམས་ཅན་དེ་དག་སྐལ་བ་ཆེ། །དཔའ་འགྲོའི་ཕ་རོལ་ཤིན་ཏུ་ཕྱིན། །
D260.066.0265b01.01སྟོན་པ་ལྟ་བར་མཆིས་པ་རྣམས། །དེ་དག་ཐམས་ཅད་ཤེས་རབ་ཆེ། །དེ་རིང་འདིར་ནི་ཟབ་མོའི་གཏམ། །མཆི་བར་འགྱུར་བ་གདོན་མི་འཚལ། །བཅོམ་ལྡན་གང་དག་འདིར་ཕྱིན་པའི། །སེམས་ཅན་དག་ལ་དབུགས་དབྱུང་མཛོད། །སེམས་ཅན་ཡོངས་
D260.066.0265b02.01སྨིན་བགྱི་སླད་དུ། །འདི་ནི་དཔའ་བོའི་སྤྱོད་ཡུལ་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཇི་སྐད་སྨྲས་པ་དེ་བཞིན་ཏེ། །གང་ན་ཀུན་གཞི་ཐོས་གྱུར་ཅིང་། །ཤེས་རབ་ཀྱིས་ནི་སེམས་ཅན་གནས། །དེ་ནི་ཏིང་འཛིན་སྤྱོད་ཡུལ་ལོ། །དེ་ནི་ནམ་
D260.066.0265b03.01མཁའི་སྙིང་པོ་ཡི། །བྱང་ཆུབ་སེམས་དཔའི་སྤྱོད་ཡུལ་ཏེ། །སྣང་བ་མེད་ཅིང་སྤྲོས་མེད་པའི། །ཏིང་ངེ་འཛིན་ནི་དེ་ཡིས་བསྟན། །ལྟ་བ་གཉིས་ལ་གང་ཆགས་པ། །ཕྱི་ཕྱིར་ཞིང་ནི་རྨོངས་པར་འགྱུར། །རྟག་དང་ཆད་ལ་ཆགས་པ་ནི། །ཕ་རོལ་ཚུ་རོལ་ཤིན་
D260.066.0265b04.01ཏུ་རྨོངས། །ལྟ་བ་གཉིས་པོ་འདི་དག་ལས། །རབ་ཏུ་གྲོལ་བར་སུ་འདོད་པ། །བརྗོད་དུ་མེད་པ་བསྒོམ་པར་གྱིས། །དེ་ནི་མྱུར་དུ་ས་འཐོབ་འགྱུར། །ཀྱེ་གྲོགས་པོ་དག་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ལས་ཐོག་མ་པ་ལ་དེ་ཉིད་བརྗོད་དུ་ཡོད་པའི་
D260.066.0265b05.01འདུ་ཤེས་ཀྱི་ཚུལ་གྱིས་དམིགས་པ་དང་བཅས་པའི་ཕ་རོལ་ཏུ་ཕྱིན་པ་དྲུག་བརྗོད་པར་བྱ་སྟེ། འདི་ལྟ་སྟེ། ཅི་ནས་ཀྱང་འབྱུང་བ་ཆེན་པོ་རྣམས་ཀྱི་རང་བཞིན་སྐྱེ་ཞིང་འཇིག་པ་ཤེས་པར་བྱས་ནས། དེའི་འོག་ཏུ་གཟོད་ཆོས་ཐམས་ཅད་བརྗོད་དུ་མེད་པའི་ངོ་བོ་ཉིད་མི་སྐྱེ་མི་
D260.066.0265b06.01འགག་པ། མི་དམིགས་པ་ཅུང་ཟད་ཀྱང་མེད་པའི་འདུ་བྱེད་ཐམས་ཅད་བསྒོམ་པར་བྱ་སྟེ། ཅི་ནས་ཀྱང་རྟག་པ་དང་ཆད་པ་སྤངས་པར་འགྱུར་བ་དང་། མི་འཇིགས། མི་དངངས། མི་སྐྲག་པར་འགྱུར་བ་དང་། ཆོས་ཐམས་ཅད་ལ་ཆགས་པར་དམིགས་པའི་སེམས་
D260.066.0265b07.01