完整藏文原文 · 德格版页 当前仅加载第 66 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མ་གྱུར་པར་བྱས་ན་དེ་མྱུར་དུ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་ཤིང་། ཕྱིན་ཅད་ཀྱང་ཆད་པ་དང་རྟག་པ་ལ་མི་གནས་པར་འགྱུར་རོ་ཞེས་བཅོམ་ལྡན་འདས་ཀྱིས་བཀའ་སྩལ་ནས། འཁོར་དེར་ལྷགས་པ་ཐམས་ཅད་ཀྱང་སྔོན་གཟུགས་ཀྱི་སྣང་
D260.066.0266a01.01བ་ཇི་ལྟར་མཐོང་བ་དང་། ཐོས་པ་དང་། རྟོགས་པ་དང་། ཤེས་པ་དེ་བཞིན་དུ་འཁོར་དེར་མཐོང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཕྱག་གཡས་པ་བརྐྱང་སྟེ་འདི་སྐད་ཅེས་བཀའ་སྩལ་ཏོ། །ནམ་མཁའི་སྙིང་པོ་ཞེས་བྱ་བའི་བྱང་ཆུབ་སེམས་དཔའ་སེམས་དཔའ་
D260.066.0266a02.01ཆེན་པོ་ཏིང་ངེ་འཛིན་རྒྱ་མཚོ་དང་མཚུངས་པ། བྱང་ཆུབ་སེམས་དཔའ་བསླབ་པ་རི་རབ་དང་མཚུངས་པ། ཡེ་ཤེས་ནམ་མཁའ་དང་མཚུངས་པ། བརྩོན་འགྲུས་རླུང་དང་མཚུངས་པ། བཟོད་པ་རྡོ་རྗེ་དང་མཚུངས་པ། བྱང་ཆུབ་སེམས་དཔའ་ཐམས་ཅད་
D260.066.0266a03.01ཀྱི་ནི་རྒྱལ་མཚན་གྱི་མཆོག་ལྟ་བུ་མྱ་ངན་ལས་འདའ་བའི་གནས་སུ་འགྲོ་བ་རྣམས་ཀྱི་ནི་དེད་དཔོན་ལྟ་བུ། དགེ་བའི་རྩ་བ་ཐམས་ཅད་ཀྱི་ནི་གཏེར་ལྟ་བུ། སྡུག་བསྔལ་བ་ཐམས་ཅད་ཀྱི་ནི་བུམ་པ་བཟང་པོ་ལྟ་བུ། མུན་པར་བཅུག་པ་རྣམས་ཀྱི་ནི་ཉི་མ་ལྟ་བུ། ལམ་སྟོར་བ་
D260.066.0266a04.01རྣམས་ཀྱི་ནི་ཟླ་བ་ལྟ་བུ། འཇིགས་པ་རྣམས་ཀྱི་ནི་རི་རབ་ལྟ་བུ། ཉོན་མོངས་པའི་ནད་ཀྱིས་ཡོངས་སུ་གདུངས་པ་རྣམས་ཀྱི་ནི་སྨན་བཅུད་ཀྱིས་ལེན་པ་ལྟ་བུ། དགེ་བའི་རྩ་བ་ཆད་དེ་ལྷུང་བ་རྣམས་ཀྱི་ནི་འཁར་བ་ལྟ་བུ། ཕྲེང་བས་འཚོ་བ་རྣམས་ཀྱི་ནི་མེ་ཏོག་ལྟ་བུ། སྡོམ་
D260.066.0266a05.01པ་སྤྱོད་པ་རྣམས་ཀྱི་ནི་མེ་ལོང་ལྟ་བུ། ངོ་ཚ་ཤེས་པ་དང་ཁྲེལ་ཡོད་པ་རྣམས་ཀྱི་ནི་གོས་ལྟ་བུ། མྱ་ངན་ལས་འདའ་བར་འགྲོ་བ་རྣམས་ཀྱི་ནི་སྟེགས་ལྟ་བུ། ཕ་རོལ་དུ་འགྲོ་བ་རྣམས་ཀྱི་ནི་གྲུ་ལྟ་བུ། མཐོ་རིས་སུ་འགྲོ་བ་རྣམས་ཀྱི་ནི་ཐེམ་སྐས་ལྟ་བུ། ཚིག་ངན་པ་དང་
D260.066.0266a06.01སྐུར་པས་གདུངས་པ་རྣམས་ཀྱི་ནི་གདུགས་ལྟ་བུ། ཕ་རོལ་གྱི་རྒོལ་བ་རྣམས་ཀྱི་ནི་སེང་གེ་ལྟ་བུ། ཆར་པ་རྣམས་ཀྱི་ནི་ཆུ་ལྟ་བུ། བདུད་ཀྱི་དགྲ་རྣམས་ཀྱི་ནི་གོ་ཆ་ལྟ་བུ། བསླབ་པ་འཁྲུལ་པ་རྣམས་ཀྱི་ནི་མིག་འབྱེད་པ་ལྟ་བུ། དགེ་བའི་རྩ་བའི་ལོ་ཏོག་ཐམས་ཅད་ཀྱི་
D260.066.0266a07.01