完整藏文原文 · 德格版页 当前仅加载第 66 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ནི་མ་ཡིན་ནོ་ཞེས་དེ་སྐད་ཟེར་ཞིང་རྙེད་པ་དང་བཀུར་སྟིའི་ཕྱིར་གཞན་ལ་ཕྲག་དོག་ཏུ་བྱེད་ལ། ཕ་རོལ་གང་ལས་ཉེ་བར་སྤྱོད་པ་དང་ཡོངས་སུ་སྤྱོད་པ་ཐོབ་པར་འགྱུར་བ་ལ་དེའི་རྐྱེན་གྱིས་དེ་དག་འཁྲུག་པར་འགྱུར། དེ་དག་གི་མིང་བརྗོད་པར་བྱས་ཏེ་སྨོད་པར་བྱེད།
D260.066.0276b01.01བརྙས་པར་བྱེད། ངན་དུ་རྗོད་པར་བྱེད། བདག་སྟོད་པར་བྱེད་ཅིང་དེ་དག་ཕྲག་དོག་གི་རྒྱུས་བདག་མིའི་ཆོས་བླ་མ་དང་ལྡན་པར་འཆད་པར་བྱེད་དེ། དེའི་ཕྱིར་དངོས་པོ་དེས་ལྷུང་བར་འགྱུར། ཐེག་པ་ཆེན་པོའི་བདེ་བ་ལས་ཕས་ཕམ་པར་གྱུར་ནས་དེའི་ཕྱིར་ཡང་ཐེག་
D260.066.0276b02.01པ་ཆེན་པོ་ལས་ལྕི་བ་ཆེན་པོའི་ལྟུང་བ་འབྱུང་བར་འགྱུར་ཏེ། དེའི་ཕྱིར་ངན་སོང་དུ་འགྲོ་བར་འགྱུར་རོ། །དཔེར་ན་མི་ལ་ལ་ཞིག་རིན་པོ་ཆེའི་གླིང་དུ་འགྲོ་འདོད་དེ། རྒྱ་མཚོ་ཆེན་པོར་གྲུ་ལས་སོང་བ་ལས་རྒྱ་མཚོ་ཆེན་པོར་གྲུ་ཉིད་ཞིག་པར་གྱུར་པ་དེ་བཞིན་དུ། བྱང་ཆུབ་
D260.066.0276b03.01སེམས་དཔའ་ལས་དང་པོ་ཡང་ཐེག་པ་ཆེན་པོའི་རྒྱ་མཚོ་རྒལ་བར་འདོད་པ་ལས་ཕྲག་དོག་གི་ཕྱིར་{བརྫུན་,རྫུན་}དུ་སྨྲས་ནས་དེའི་རྐྱེན་གྱིས་དེ་དག་དད་པའི་གྲུ་ཞིག་ཅིང་ཤེས་རབ་ཀྱི་སྲོག་དང་བྲལ་བ་འཐོབ་པར་འགྱུར་རོ། །དེ་ལྟ་བས་ན་བྱང་ཆུབ་སེམས་དཔའ་ལས་དང་པོ་པ་ཕྲག་
D260.066.0276b04.01དོག་གི་ཕྱིར་{བརྫུན་,རྫུན་}དུ་སྨྲས་པའི་རྐྱེན་གྱིས་ལྟུང་བ་ལྕི་བ་ཆེན་པོ་འབྱུང་བར་འགྱུར་ཏེ། དེ་ནི་བྱང་ཆུབ་སེམས་དཔའ་ལས་དང་པོ་པའི་ལྟུང་བའི་རྩ་བ་ལྔ་པའོ། །གཞན་ཡང་རིགས་ཀྱི་བུ་མ་འོངས་པའི་དུས་ན་ལས་དང་པོ་པའི་བྱང་ཆུབ་སེམས་དཔའ་ཁྱིམ་པའམ། རབ་ཏུ་
D260.066.0276b05.01བྱུང་བ་དག་ཟབ་པ་ཉིད་ལ་སྟོང་པ་ཉིད་དང་ལྡན་པའི་མདོ་སྡེ་གཟུངས་དང་། བཟོད་པ་དང་། ཏིང་ངེ་འཛིན་དང་། སས་བརྒྱན་པའི་སྐྱེས་བུ་རིག་པ་ཆེན་པོ་དང་ལྡན་པ། ཚེགས་ཆུང་བའི་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་གྱི་ཐེག་པ་ཆེན་པོའི་མདོ་སྡེ་དེ་ཀློག་པར་བྱེད།
D260.066.0276b06.01འདོན་པར་བྱེད། ཁ་ཏོན་བྱེད། བཀླགས་ནས་གཞན་ལ་རྒྱ་ཆེར་སྟོན་པར་བྱེད། དེ་བདག་གིས་ཆོས་འདི་དག་རང་གིས་བློས་རྟོགས་ནས་ང་སྙིང་རྗེ་བའི་ཕྱིར་དེ་ལྟར་ཁྱོད་ལ་སྟོན་གྱིས། ཁྱོད་ཀྱིས་ཅི་ནས་ཀྱང་ཆོས་ཟབ་མོ་འདི་ལ་མངོན་སུམ་དུ་འགྱུར་བ་དེ་ལྟར་སྒོམས་
D260.066.0276b07.01