完整藏文原文 · 德格版页 当前仅加载第 66 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ལ་དེ་ལྟར་རྟོགས་ན་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་རོ། །འདི་ལྟ་སྟེ། བཅོམ་ལྡན་འདས། བྱ་བ་རཱ་ཛ། མན་ཏ་ཀྵཱ་ཡ། ཛི་ན་ཛ་ཡ། ཛ་ན་ནི་མ་མུ་ནི་ཧ་ར། ཨ་ན་ཡ་
D260.066.0283a01.01ཕ་ལ། གུ་ཎ་གརྦྷ། ནི་ཡ་མ་སུ་རི་ནཱ་ཡ། བུ་པ་ཤ། ཤ་ཏ་ཤ་པ། ཤ་མ་ཤ་ན། ཏ་ཐ་ཀ་མ། ཤ་མཾ་གུ། མཱ་ཏུ་ཤི་ཥ། ཤ་མ་ཙེ་ཏ་ནཱ་ཡ། ཀླེ་ཤཱན་ཏ་སཾ་ཤོ་ཥ་ཎེ་སྭཱ་ཧཱ། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་མིག་ལས་རྒྱལ་བར་
D260.066.0283a02.01བྱེད་པ་སེང་གེའི་འགྲོས་ཀྱི་ཕྱིར་བསྒྱིངས་པའི་གཟུངས་འདིས་སེམས་ཅན་དག་འཆི་བའི་ཚེ། ཐ་མའི་རྣམ་པར་ཤེས་པ་ལ་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཆོས་ཀྱི་སྒྲིབ་པ་ཡོད་པ་སྤྲུག་པ་དང་། སངས་རྒྱས་ཀྱི་ཞིང་ཡོངས་སུ་དག་པར་གཏོང་ནུས་སོ། །ཁྱོད་ནི་འཇིག་རྟེན་གྱི་
D260.066.0283a03.01ཁམས་དཔག་ཏུ་མེད། གྲངས་མེད་པར་འགྲོ་བ་དང་། སེམས་ཅན་རྣམས་ལ་སྙིང་རྗེའི་དབང་གིས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་དུ་གཟུགས་དང་། ཆ་ལུགས་དང་། སྤྱོད་ལམ་སྣ་ཚོགས་ཀྱིས་ཐེག་པ་ཆེན་པོའི་མདོ་
D260.066.0283a04.01སྡེ་སྣ་ཚོགས་འཆད་པ་དང་། སེམས་ཅན་ཡོངས་སུ་སྨིན་པར་བྱ་བ་དང་། རྒྱལ་རིགས་གདོལ་པ་ནས་དགེ་སྦྱོང་གདོལ་པའི་བར་དུ་སྡིག་པའི་ཆོས་ལས་སྤང་བ་དང་། ཐམས་ཅད་དགེ་བའི་ཆོས་ལ་གཞག་པར་ནུས་སོ། །བཅོམ་ལྡན་འདས་ཀྱིས་འདི་བསྟན་པའི་ཚེ་ལྷ་དང་མིའི་སྐྱེ་
D260.066.0283a05.01དགུ་དཔག་ཏུ་མེད། གྲངས་མེད་པ་དག་གིས་ཏིང་ངེ་འཛིན་དང་། གཟུངས་དང་། བཟོད་པ་སྣ་ཚོགས་ཐོབ་པར་གྱུར་ཏོ། །གཞན་དག་ཀྱང་ས་བཅུ་ལ་ཡེ་ཤེས་སྐྱེས་པར་གྱུར་ཏོ། །སྲོག་ཆགས་ཁྲི་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །སེམས་ཅན་རྣམས་ཀྱི་རྩོད་པ་གང་། །ཅི་ཡང་
D260.066.0283a06.01རུང་སྟེ་དེ་དག་གི། །གཞི་རྩ་སྤངས་ནས་ལྟ་ཀུན་གྱི། །གཞི་རྩ་མྱུར་དུ་འགྱུར་བ་ཡིན། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་
D260.066.0283a07.01