完整藏文原文 · 德格版页 当前仅加载第 66 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། ཨི་ནཱི་ལ་ཛ། བི་ཥན་དུ་ཥ་ཛ། བི་ཡ་བ་ན་ཛ། བི་བཀྵི་ས་མེ། པཱ་ཤ་ལ་ཛ་སི། སྠཱ་ན་ཤ་ར་བེ། ཤསྟྲ་ཀརྞྞེ། ཧུ་མ་ཧུ་མ། མ་ཧཱ་ཀཱ་རུ་ཎི་ཀ་སྭཱ་ཧཱ། གང་རྒྱ་མཚོ་ཆེན་པོར་འཇུག་འདོད་པ་དང་། གང་ཁུང་དུ་འཇུག་འདོད་པ་དང་། གང་བཅུད་དམ་པ་སྤྱོད་པར་འདོད་པར་གྱུར་པ་དང་།
D260.066.0280b01.01གང་བཙོན་རར་བཅུག་པ་དང་། གང་མཛའ་བ་དང་བྲལ་བ་དང་། གང་མི་མཛའ་བ་དང་ཕྲད་པ་དང་། གང་དག་མེས་འཇིགས་པ་དང་། ཆུ་དང་། མཚོན་དང་། དུག་དང་། བྱད་སྟེམས་དང་། སྟག་དང་། སེང་གེ་དང་། དུག་དྲག་པོ་དང་། རྐུན་པོ་དང་། གཡོན་ཅན་གྱིས་འཇིགས་པར་འགྱུར་
D260.066.0280b02.01བ་དང་། གང་དམ་དུ་བཅིངས་པ་དང་། གང་ཆད་པས་བཅད་པ་དང་། གང་གསད་པ་ལ་ཐུག་པ་དང་། གང་ནད་ཀྱིས་བཏབ་པ་དང་། ནད་ཀྱིས་འཇིགས་པ་དང་། གང་དག་ཆོས་གོས་དང་། བསོད་སྙོམས་དང་། མལ་ཆ་དང་། སྟན་དང་། ན་བའི་གསོས་སྨན་དང་། ཡོ་བྱད་ཀྱིས་
D260.066.0280b03.01ཕོངས་པ་དེ་དག་གལ་ཏེ་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ནས་བརྗོད་ཅིང་། མཆོད་པ་ཅི་ནུས་ཀྱིས་བྱེད་ལ་སེམས་ཅན་ཐམས་ཅད་ལ་བྱམས་པའི་སེམས་ཀྱིས་གཞོག་ཅིང་འདི་སྐད་དུ་ཡང་སྨྲ་སྟེ། དགོངས་ཤིག་དགོངས་ཤིག །ཐུགས་རྗེ་ཆེན་པོ་དང་ལྡན་པ་གྲགས་པ་
D260.066.0280b04.01ཆེན་པོ་ནམ་མཁའི་སྙིང་པོ་འགྲོ་བའི་དོན་བཞེད་པ། ཐུགས་རྗེ་ཆེན་པོ་དང་ལྡན་པ་བདག་ལ་གཟིགས་ཤིག །བདག་འདི་ལྟ་བུ་ལས་རབ་ཏུ་ཐར་པར་མཛོད་ཅིག །སྐལ་བ་སྩོལ་ཅིག །མཐུ་ཆེན་པོ་བདག་ནི་སྡུག་བསྔལ་གྱིས་ཉམ་ཐག་གོ། །ཤིན་ཏུ་དབུལ་ལོ། །བདག་ནི་ཁྱོད་ལ་
D260.066.0280b05.01བརྟེན་ནས་ཞི་བ་དང་བདེ་བ། ཚེ་འདི་དང་ཚེ་རབས་གཞན་དུ་ཐོབ་པར་འགྱུར་རོ། །ཞེས་སྨྲས་པ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་གཟུགས་ཐ་མལ་པ་ནས་བུ་མོའི་གཟུགས་ཀྱི་བར་གྱིས་སེམས་ཅན་དེ་དག་གི་མདུན་དུ་འདུག་སྟེ། དབུགས་འབྱིན་པར་བྱེད་དོ། །གང་དག་
D260.066.0280b06.01ཅི་ལས་འཇིགས་པ་དེ་དག་དེ་ལས་རབ་ཏུ་ཐར་བར་བྱེད་དོ། །གང་དག་དབུལ་བ་གོས་མེད་པ་ནས་གང་དག་ཡོ་བྱད་ཀྱིས་བྲེལ་བ་དག་གི་བར་དུ་དེ་དག་ལ་དེ་ལྟ་དེ་ལྟར་བསམ་པ་ཡོངས་སུ་རྫོགས་པར་བྱེད་དོ། །ཡོ་བྱད་ཐམས་ཅད་ཕུན་སུམ་ཚོགས་པའི་བར་དུ་འགྱུར་རོ། །རྒྱལ་པོའི་བུ་ལ་ལ་
D260.066.0280b07.01