完整藏文原文 · 德格版页 当前仅加载第 71 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་གདན་བཤམས་པ་འདི་ལ་བཞུགས་སུ་གསོལ། བཅོམ་ལྡན་འདས་གདན་ལ་བཞུགས་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་རབ་ཏུ་མང་པོ་དག་གིས་ཤཱཀྱ་དུས་བདེའི་གཙུག་ལག་ཁང་དུ་བླ་གབ་མེད་པར་སྟན་རབ་ཏུ་མང་
D291.071.0254a01.01པོ་དག་བཏིང་སྟེ་དོང་ངོ་། །གསོལ་པ། བཅོམ་ལྡན་འདས་ཆོས་གོས་སྩལ་བའི་དུས་ལགས་སོ། །བདེ་བར་གཤེགས་པ་ཆོས་གོས་སྩལ་བའི་དུས་ལགས་སོ། །བཀའ་སྩལ་པ། ཀུན་དགའ་བོ་དགེ་སློང་བྲེ་མོ་གཏམ་ལ་དགའ་བ་དང་། བྲེ་མོ་གཏམ་ལ་ཀུན་དུ་དགའ་བ་དང་། བྲེ་མོ་
D291.071.0254a02.01གཏམ་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་དང་། ཚོགས་ལ་དགའ་བ་དང་། ཚོགས་ལ་ཀུན་དུ་དགའ་བ་དང་། ཚོགས་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་ལ་གནས་པ་ནི་མི་མཛེས་ཏེ། ཀུན་དགའ་བོ་དགེ་སློང་བྲེ་མོ་གཏམ་ལ་དགའ་བ་དང་། བྲེ་མོ་
D291.071.0254a03.01གཏམ་ལ་ཀུན་དུ་དགའ་བ་དང་། བྲེ་མོ་གཏམ་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་དང་། ཚོགས་ལ་དགའ་བ་དང་། ཚོགས་ལ་ཀུན་དུ་དགའ་བ་དང་། ཚོགས་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་ལ་གནས་ཤིང་། ཚོགས་ལས་གཅིག་པུ་ལོགས་
D291.071.0254a04.01ཤིག་ན་མི་གནས་པ་དེས་ནི་རེ་ཞིག་འཕགས་པའི་བདེ་བ་དང་། ངེས་པར་འབྱུང་བའི་བདེ་བ་དང་། རབ་ཏུ་དབེན་པའི་བདེ་བ་དང་། ཉེ་བར་ཞི་བའི་བདེ་བ་དང་། རྫོགས་པར་བྱང་ཆུབ་པའི་བདེ་བ་དང་། དེ་ལྟ་བུའི་བདེ་བ་གང་ཡིན་པ་དེ་དག་ཅི་འདོད་པ་བཞིན་འཐོབ་པ་དང་། དཀའ་བ་མེད་
D291.071.0254a05.01པར་འཐོབ་པར་འགྱུར་བ་དེ་ནི་གནས་མེད་དོ། །ཀུན་དགའ་བོ་དགེ་སློང་བྲེ་མོ་གཏམ་ལ་མི་དགའ་བ་དང་། བྲེ་མོ་གཏམ་ལ་ཀུན་དུ་མི་དགའ་བ་དང་། བྲེ་མོ་གཏམ་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་མི་སྦྱོར་བ་དང་། ཚོགས་ལ་མི་དགའ་བ་དང་། ཚོགས་ལ་ཀུན་དུ་མི་དགའ་བ་
D291.071.0254a06.01དང་། ཚོགས་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་མི་སྦྱོར་བ་ལ་གནས་ཤིང་། ཚོགས་ལས་གཅིག་པུ་ལོགས་ཤིག་ན་གནས་པ་དེས་ནི་རེ་ཞིག་འཕགས་པའི་བདེ་བ་དང་། ངེས་པར་འབྱུང་བའི་བདེ་བ་དང་། རབ་ཏུ་དབེན་པའི་བདེ་བ་དང་། ཉེ་བར་ཞི་བའི་བདེ་བ་དང་། རྫོགས་
D291.071.0254a07.01