完整藏文原文 · 德格版页 当前仅加载第 71 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
འདབ་བམ། བས་མཐའ་དག་ན་གནས་པའི་ཚེ། ཉན་པ་པོ་ཁྱིམ་པ་དང་། རབ་ཏུ་བྱུང་བ་དག་རྗེས་སུ་འབྲང་བར་འགྱུར་རོ། །དེ་ཉན་པ་པོ་ཁྱིམ་པ་དང་། རབ་ཏུ་བྱུང་བ་རྗེས་སུ་ལྷགས་པ་དེ་དག་ལ་ཆུམས་པར་བྱེད་ཅིང་བརྒྱལ་བ་སྐྱེད་
D291.071.0261a01.01པར་བྱེད་ལ། མང་པོ་བསྡུ་བའི་ཕྱིར་རྗེས་སུ་འཇུག་པར་བྱེད་དེ། ཀུན་དགའ་བོ་དེ་ནི་ཚངས་པར་སྤྱོད་པའི་གནོད་པ་ཞེས་བྱའོ། །ཀུན་དགའ་བོ་གནོད་པ་རྣམས་ལས་འདི་ལྟ་སྟེ། སློབ་དཔོན་གྱི་གནོད་པ་དང་། སློབ་མའི་གནོད་པ་དེ་དག་ནི་ཅུང་ཟད་ཙམ་དུ་
D291.071.0261a02.01ཟད་ཀྱི། གནོད་པ་རྣམས་ལས་འདི་ལྟ་སྟེ། ཚངས་པར་སྤྱོད་པའི་གནོད་པ་དེ་ནི་ཐ་ཆད་ཡིན་ནོ། །ཀུན་དགའ་བོ་ཚངས་པར་སྤྱོད་པའི་གནོད་པས་གནོད་པར་གྱུར་པའི་ཚངས་པར་སྤྱོད་པ་དེ་ནི་སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་འགྱུར་བ། ཡང་སྲིད་
D291.071.0261a03.01པར་འགྱུར་བ། གདུང་བ་དང་བཅས་པ། རྣམ་པར་སྨིན་པ་སྡུག་བསྔལ་བ། ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་རྣམས་ཀྱིས་གནོད་པར་འགྱུར་རོ། །ཀུན་དགའ་བོ་ང་ནི་མཛའ་བཤེས་དང་ལྡན་པས་ཀུན་དུ་སྤྱོད་པར་བྱེད་ཀྱི། འགྲན་
D291.071.0261a04.01ཟླ་དང་ལྡན་པས་ནི་མ་ཡིན་ནོ། །ཀུན་དགའ་བོ་ཇི་ལྟར་ན་ཉན་ཐོས་རྣམས་སྟོན་པ་ལ་འགྲན་ཟླ་དང་ལྡན་པས་ཀུན་དུ་སྤྱོད་ཅིང་མཛའ་བཤེས་དང་ལྡན་པས་མ་ཡིན་ཞེ་ན། ཀུན་དགའ་བོ་འདི་ལ་སྟོན་པ་རྗེས་སུ་ཐུགས་བརྩེ་བ་དང་ལྡན་པ། ཐུགས་རྗེ་དང་ལྡན་པ།
D291.071.0261a05.01དོན་དུ་བཞེད་པ། ཕན་པར་བཞེད་པ། ཐུགས་རྗེ་བར་གྱུར་པ། ཉན་ཐོས་རྣམས་ལ་དགེ་སློང་དག་ཁྱེད་ལ་ཕན་པ་འདི་དང་། བདེ་བ་འདི་དང་། ཕན་པ་དང་བདེ་བ་འདིའི་ཕྱིར་རོ་ཞེས་ཆོས་སྟོན་པར་མཛད་པ་ན། དེའི་ཉན་ཐོས་དེ་དག་གུས་པར་ཉན་པར་མི་བྱེད་
D291.071.0261a06.01ཅིང་། རྣ་ཀློག་པར་མི་བྱེད། ཀུན་ཤེས་པར་བྱ་བའི་སེམས་ཉེ་བར་འཇོག་པར་མི་བྱེད། ཆོས་ཀྱི་རྗེས་སུ་འཐུན་པའི་ཆོས་སྒྲུབ་པར་མི་བྱེད་ལ། སྟོན་པའི་བསྟན་པ་ལས་རྣམ་པར་འདས་ཤིང་གནས་པར་བྱེད་ན། ཀུན་དགའ་བོ་དེ་ནི་ཉན་ཐོས་རྣམས་སྟོན་
D291.071.0261a07.01