完整藏文原文 · 德格版页 当前仅加载第 71 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དགའ་བོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་པར་བྱའོ། །ཀུན་དགའ་བོ་ཉན་ཐོས་དད་པ་ཅན་གང་དག་འདི་ལྟ་སྟེ། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་། ལུང་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་
D291.071.0259b01.01དུ་བརྗོད་པའི་སྡེ་དང་། གླེང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་ཆོས་ཀྱི་སྡེ་དང་། གཏན་ལ་བབ་པར་བསྟན་པའི་སྡེའི་ཆོས་དེ་དག་དང་། དེ་ལྟ་
D291.071.0259b02.01བུའི་ཆོས་རྣམས་མཉན་པའི་ཕྱིར་ཇི་སྲིད་འཚོའི་བར་དུ་ཕྱིར་བཀག་ཀྱང་སྟོན་པའི་ཕྱི་བཞིན་རྗེས་སུ་འབྲང་བ་ནི་འོས་པ་མ་ཡིན་ནོ། །དེ་ཅིའི་ཕྱིར་ཞེ་ན། ཀུན་དགའ་བོ་ཆོས་དེ་དག་ནི་ཡུན་རིང་པོ་ནས་ཐོས་ཤིང་བཟུང་ལ་བརྟན་པར་བྱས་ཤིང་ཁ་ཏོན་བྱང་བ་དང་། ཡིད་ཀྱིས་
D291.071.0259b03.01བརྟགས་པ་དང་། མཐོང་བས་ཤིན་ཏུ་རྟོགས་པར་བྱས་ཟིན་པའི་ཕྱིར་རོ། །ཀུན་དགའ་བོ་ཉན་ཐོས་དད་པ་ཅན་གང་དག་འཕགས་པ་ཡོ་བྱད་བསྙུངས་པ་སེམས་སྒྲིབ་པ་མེད་པ་དང་འཐུན་པར་འགྱུར་བའི་གཏམ་འདི་ལྟ་སྟེ། ཚུལ་ཁྲིམས་ཀྱི་གཏམ་དང་། ཏིང་ངེ་འཛིན་
D291.071.0259b04.01གྱི་གཏམ་དང་། ཤེས་རབ་ཀྱི་གཏམ་དང་། རྣམ་པར་གྲོལ་བའི་གཏམ་དང་། རྣམ་པར་གྲོལ་བའི་ཡེ་ཤེས་མཐོང་བའི་གཏམ་དང་། འདོད་པ་ཆུང་བའི་གཏམ་དང་། ཆོག་ཤེས་པའི་གཏམ་དང་། མི་སོགས་པའི་གཏམ་དང་། ཡོ་བྱད་བསྙུངས་པའི་
D291.071.0259b05.01གཏམ་དང་། འདུ་འཛི་མེད་པའི་གཏམ་དང་། སྤོང་བའི་གཏམ་དང་། འདོད་ཆགས་དང་བྲལ་བའི་གཏམ་དང་། འགོག་པའི་གཏམ་དང་། སྟོང་པ་ཉིད་ཀྱི་གཏམ་དང་། རྐྱེན་འདི་པ་ཉིད་ཀྱི་རྟེན་ཅིང་འབྲེལ་པར་འབྱུང་བའི་གཏམ་དང་། དེ་ལྟ་བུའི་གཏམ་གང་
D291.071.0259b06.01ཡིན་པ་དག་མཉན་པའི་ཕྱིར་ཇི་སྲིད་འཚོའི་བར་དུ་ཕྱིར་བཀག་ཀྱང་སྟོན་པའི་ཕྱི་བཞིན་རྗེས་སུ་འབྲང་བ་ནི་རིགས་པ་ཡིན་ནོ། །ཀུན་དགའ་བོ་གསུམ་པོ་འདི་དག་ནི་གནོད་པ་ཡིན་ཏེ། གསུམ་གང་ཞེ་ན། སློབ་དཔོན་གྱི་གནོད་པ་དང་། སློབ་མའི་གནོད་པ་དང་། ཚངས་
D291.071.0259b07.01