完整藏文原文 · 德格版页 当前仅加载第 71 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ཀྱི་ཟད་པའོ། །འདི་ལྟ་སྟེ། འདི་ནི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། འདི་ནི་རྣམ་པར་ཤེས་པའོ། །འདི་ནི་རྣམ་པར་ཤེས་པའི་ཀུན་འབྱུང་བའོ། །འདི་ནི་རྣམ་པར་ཤེས་པའི་ཟད་པའོ་ཞེས་ཀུན་འབྱུང་བ་དང་ཟད་པར་རྗེས་སུ་
D291.071.0259a01.01བལྟ་ཞིང་གནས་པར་བྱའོ། །དེ་ཉེ་བར་ལེན་པའི་ཕུང་པོ་ལྔ་པོ་འདི་དག་ལ་ཡང་དང་ཡང་དུ་ཀུན་འབྱུང་བ་དང་ཟད་པར་རྗེས་སུ་ལྟ་ཞིང་གནས་པ་ན། དེ་ལ་ཉེ་བར་ལེན་པའི་ཕུང་པོ་ལྔ་པོ་འདི་དག་ལ་ངའོ་སྙམ་པའི་ང་རྒྱལ་དང་། ངའོ་སྙམ་པའི་འདུན་པ་དང་། ངའོ་སྙམ་པའི་བག་ལ་
D291.071.0259a02.01ཉལ་མ་སྤངས་ཤིང་ཡོངས་སུ་མ་ཤེས་ལ་མ་བཀག་མ་བསལ་བར་གྱུར་པ་གང་ཡིན་པ་དེ་མེད་པར་འགྱུར་རོ། །ཀུན་དགའ་བོ་གལ་ཏེ་དགེ་སློང་དེ་དེ་ལྟར་སོ་སོར་རྟོག་པའི་ཚེ་བདག་གིས་ཉེ་བར་ལེན་པའི་ཕུང་པོ་ལྔ་པོ་འདི་དག་ལ་ངའོ་སྙམ་པའི་ང་རྒྱལ་དང་། ངའོ་སྙམ་པའི་འདུན་
D291.071.0259a03.01པ་དང་། ངའོ་སྙམ་པའི་བག་ལ་ཉལ་འབྱུང་བར་གྱུར་པ་གང་ཡིན་པ་དེ་སྤངས་པར་ཤེས་པར་གྱུར་ན། དེ་དེ་ལ་དྲན་པ་དང་ཤེས་བཞིན་ཅན་དུ་འགྱུར་ཏེ། ཀུན་དགའ་བོ་ཆོས་དེ་དག་ནི་གཅིག་ཏུ་དཀར་བ། གཅིག་ཏུ་དགེ་བ། གཅིག་ཏུ་ཁ་ན་མ་ཐོ་བ་མེད་པ་སྟེ། བདུད་
D291.071.0259a04.01སྡིག་ཅན་གྱིས་འདའ་བར་བྱ་བ་མ་ཡིན་ཞིང་། སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་འགྱུར་བ་དང་། ཡང་སྲིད་པར་འགྱུར་བ་གདུང་བ་དང་བཅས་པ། རྣམ་པར་སྨིན་པ་སྡུག་བསྔལ་བ། ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་རྣམས་ཀྱིས་
D291.071.0259a05.01མི་འཕྲོགས་པ་ཡིན་ནོ། །ཀུན་དགའ་བོ་ཇི་སྙམ་དུ་སེམས་ཉན་ཐོས་དད་པ་ཅན་དག་ཇི་སྲིད་འཚོའི་བར་དུ་ཕྱིར་བཀག་ཀྱང་སྟོན་པའི་ཕྱི་བཞིན་རྗེས་སུ་འབྲང་བར་འོས་པ་ཅིའི་ཕྱིར་སྙམ། གསོལ་པ། བཙུན་པ་བཅོམ་ལྡན་འདས་ནི་ཆོས་རྣམས་ཀྱི་གཞི་བོ་ལགས་ཏེ། བཅོམ་
D291.071.0259a06.01ལྡན་འདས་ཀྱིས་མཚོན་པ་དང་། བཅོམ་ལྡན་འདས་ལ་རྟེན་པ་ལགས་པས་བཅོམ་ལྡན་འདས་ཀྱིས་དོན་དེ་དགེ་སློང་རྣམས་ལ་ལེགས་པར་བཀའ་སྩལ་དུ་གསོལ། བཅོམ་ལྡན་འདས་ལས་ཐོས་ནས་དགེ་སློང་རྣམས་ཀྱང་འཛིན་པར་འགྱུར་ལགས་སོ། །བཀའ་སྩལ་པ།
D291.071.0259a07.01