完整藏文原文 · 德格版页 当前仅加载第 71 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་འགྲན་ཟླ་དང་ལྡན་པས་ཀུན་དུ་སྤྱོད་ཅིང་མཛའ་བཤེས་དང་ལྡན་པས་མ་ཡིན་པ་ཡིན་ནོ། །ཀུན་དགའ་བོ་ཇི་ལྟར་ན་ཉན་ཐོས་རྣམས་སྟོན་པ་ལ་མཛའ་བཤེས་དང་ལྡན་པས་ཀུན་དུ་སྤྱོད་ཅིང་འགྲན་ཟླ་དང་ལྡན་པས་མ་ཡིན་ཞེ་ན། ཀུན་དགའ་བོ་འདི་ལ་སྟོན་པ་རྗེས་སུ་
D291.071.0261b01.01ཐུགས་བརྩེ་བ་དང་ལྡན་པ། ཐུགས་རྗེ་དང་ལྡན་པ། དོན་དུ་བཞེད་པ། ཕན་པར་བཞེད་པ། ཐུགས་རྗེ་བར་གྱུར་པ། ཉན་ཐོས་རྣམས་ལ་དགེ་སློང་དག་ཁྱེད་ལ་ཕན་པ་འདི་དང་། བདེ་བ་འདི་དང་། ཕན་པ་དང་བདེ་བ་འདིའི་ཕྱིར་རོ་ཞེས་ཆོས་སྟོན་པར་མཛད་
D291.071.0261b02.01པ་ན། དེའི་ཉན་ཐོས་དེ་དག་གུས་པར་ཉན་པར་བྱེད་ཅིང་། རྣ་ཀློག་པར་བྱེད་ཀུན་ཤེས་པར་བྱ་བའི་སེམས་ཉེ་བར་འཇོག་པར་བྱེད། ཆོས་ཀྱི་རྗེས་སུ་འཐུན་པའི་ཆོས་སྒྲུབ་པར་བྱེད་ལ། སྟོན་པའི་བསྟན་པ་ཡང་དག་པར་བླངས་ཏེ་གནས་པར་བྱེད་ན། ཀུན་དགའ་བོ་
D291.071.0261b03.01དེ་ནི་ཉན་ཐོས་རྣམས་སྟོན་པ་ལ་མཛའ་བཤེས་དང་ལྡན་པས་ཀུན་དུ་སྤྱོད་ཅིང་འགྲན་ཟླ་དང་ལྡན་པས་མ་ཡིན་པ་ཡིན་ནོ། ཀུན་དགའ་བོ་ང་ནི་ཁྱེད་ཅག་ལ་ཚར་བཅད་ཅིང་བཅད་ཅིང་། ཟིལ་གྱིས་མནན་ཅིང་མནན་ཅིང་སྨྲ་སྟེ། རྫ་མཁན་རྫ་མ་མཚོས་པ་དག་ལས་སྲ་བ་
D291.071.0261b04.01གང་ཡིན་པ་དེ་འཇོག་པར་བྱེད་པ་བཞིན་དུ་ཁྱེད་ཅག་ལ་དབྱིག་ཏུ་མི་འཛིན་གྱིས། ངའི་ཚིག་གི་ལམ་རྣམས་ལ་ཡང་བཟོད་པར་གྱིས་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་
D291.071.0261b05.01བསྟོད་དོ།། །།བར་སྡོམ་ནི། འཕགས་པའི་བདེ་དང་དུས་སྦྱོར་དང་། །གཟུགས་དང་མཆོག་དགའ་དགེ་སློང་དང་། །ཁྲུས་རིལ་ཕྱི་སྟོང་ཉིད་སོགས་དང་། །ཏིང་ངེ་འཛིན་ལ་སེམས་གཞོལ་དང་། །འཆག་པ་དང་ནི་འདུག་པ་དང་། །རྣམ་རྟོག་གཏམ་དང་འདོད་ཡོན་ཏན། །ཕུང་པོ་གཅིག་དཀར་
D291.071.0261b06.01ཉན་ཐོས་དང་། །གནོད་དང་མཛའ་བཤེས་ཚར་གཅོད་པའོ། །མདོ་ཆེན་པོ་སྟོང་པ་ཉིད་ཆེན་པོ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། པྲཛྙཱ་ཝརྨ་དང་། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D291.071.0261b07.01