完整藏文原文 · 德格版页 当前仅加载第 72 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་དག་གི་སེམས་མི་བདེ་བར་བྱས་པ་དང་། མི་མཛའ་བ་ནད་ཀྱིས་བཏབ་པ་ལ་དགའ་བར་སེམས་པ་དང་མི་མཛའ་བ་ནད་སོས་ན་མི་དགའ་བར་སེམས་པ་དང་ནད་པ་ལ་སྨན་མ་ཡིན་པ་བྱིན་པ་དང་ཟས་མ་ཞུ་བར་བསྟབས་པ་དེ་ལས་དེ་ལྟ་བུ་ནི་ནད་མང་བར་འགྱུར་
D338.072.0278b01.01རོ། །དེ་ལ་ནད་ཉུང་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ཐལ་མོ་དང་ཁུ་ཚུར་གྱིས་རྡེག་པ་དང་། ཐལ་མོ་དང་ཁུ་ཚུར་གྱིས་རྡེག་པ་སྤོང་བར་སྐུལ་བ་དང་དེའི་ཡོན་ཏན་རྗོད་པ་དང་དེ་ལ་རྗེས་སུ་དགའ་བ་དང་ཕ་མ་ན་བའི་རིམ་གྲོ་བྱེད་པ་དང་ཁྱིམ་པ་དང་རབ་ཏུ་བྱུང་བ་
D338.072.0278b02.01དང་རྒན་ནམ་གཞོན་ཡང་རུང་སྟེ། ན་ན་རིམ་གྲོ་བྱེད་པ་དང་མི་མཛའ་བ་ན་ཡང་མི་དགའ་བར་སེམས་པ་དང་། དེའི་ནད་སོས་ན་དགའ་བར་སེམས་པ་དང་སྨན་གྱི་སྦྱིན་པ་བྱེད་པ་དང་ཁ་ཟས་ཞུ་ནས་སྟོབས་པ་སྟེ། ལས་དེ་ལྟ་བུ་ནི་ནང་ཉུང་བར་འགྱུར་རོ། །དེ་ལ་ཁ་དོག་མི་
D338.072.0278b03.01སྡུག་པར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་ཁྲོ་བ་དང་འཁོན་དུ་འཛིན་པ་དང་འཆབ་པ་དང་འཚིག་པ་དང་ཕ་མ་ལ་ངན་དུ་རྗོད་པ་དང་ཁྱིམ་པ་དང་རབ་ཏུ་བྱུང་བ་རྒན་གཞོན་ལ་ངན་དུ་རྗོད་པ་དང་། མཆོད་རྟེན་དང་གཙུག་ལག་ཁང་དང་མཆོད་རྟེན་གྱི་ས་གཞི་མི་སྡུག་པར་
D338.072.0278b04.01བྱས་པ་དང་མཆོད་རྟེན་དང་སྐུ་གཟུགས་ཀྱི་མར་མེ་བསད་པ་དང་། སེམས་ཅན་ཁ་དོག་མི་སྡུག་པ་རྣམས་ལ་ཕྱས་འདོགས་པ་དང་གཙང་སྦྲ་ཆུང་བ་སྟེ། ལས་དེ་ལྟ་བུ་ནི་ཁ་དོག་མི་སྡུག་པར་འགྱུར་བའོ། །དེ་ལ་མཛེས་པར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་
D338.072.0278b05.01མི་ཁྲོ་བ་དང་འཁོན་དུ་མི་འཛིན་པ་དང་མི་འཆབ་པ་དང་མི་འཚིག་པ་དང་གོས་ཀྱི་སྦྱིན་པ་བྱེད་པ་དང་མཆོད་རྟེན་དང་གཙུག་ལག་ཁང་དག་ལ་རྡོ་ཐལ་གྱིས་རྐྱང་ནུལ་བྱེད་པ་དང་སྣོད་སྤྱད་སྡུག་གུའི་སྦྱིན་པ་བྱེད་པ་དང་། སྤོས་དང་བྱུག་པ་དང་གོས་དང་རྒྱན་གྱི་སྦྱིན་པ་བྱེད་པ་དང་།
D338.072.0278b06.01ཕ་མའི་ལེགས་པ་རྗོད་པ་དང་འཕགས་པ་དང་ཚུལ་ཁྲིམས་དང་ལྡན་པ་དག་གི་ལེགས་པ་རྗོད་པ་དང་མཆོད་རྟེན་གྱི་གཞི་དང་གཙུག་ལག་ཁང་དང་ཁྱིམ་གྱི་ཕྱག་དར་རྟག་ཏུ་བྱེད་པ་དང་སེམས་ཅན་མི་སྡུག་པ་རྣམས་ལ་ཕྱས་མི་བྱེད་པ་དང་། དེ་བཞིན་དུ་རྒན་པའམ་གཞོན་
D338.072.0278b07.01