完整藏文原文 · 德格版页 当前仅加载第 72 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སྨིན་པས། འཁོར་ལོས་སྒྱུར་བའི་རྒྱལ་པོ་གླང་པོ་དང་རྟ་རིན་པོ་ཆེ་འཐོབ་བོ་ཞེས་གསུངས་པ་ལྟ་བུ་སྟེ། རྒྱུ་དེས་ཀྱང་ཕ་མ་དང་མཁན་པོ་དང་སློབ་དཔོན་དག་ཏུ་མཚུངས་ཤིང་མཉམ་མོ། །དེ་ལའང་ཁྱིམ་པ་དག་ལ་ནི་ཕ་མ་མཆོད་པའི་གནས་ཡིན་ནོ། །རབ་
D338.072.0287b01.01ཏུ་བྱུང་བ་རྣམས་ལ་ནི་མཁན་པོ་དང་སློབ་དཔོན་མཆོད་པའི་གནས་ཡིན་ནོ། །དེ་ལྟར་ན་མཁན་པོ་དང་སློབ་དཔོན་དང་ཕ་མར་མཚུངས་ཤིང་མཉམ་པ་ཡིན་ནོ་ཞེས་གསུངས་པ་ལྟ་བུའོ། །དཔེར་ན་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་དག་ལ་ལ་ཞིག་
D338.072.0287b02.01གིས་ཕ་མ་ཕྲག་པ་ལ་བླངས་ཏེ་འཛམ་བུའི་གླིང་བསྐོར་བ་དང་འཚོ་བ་ཐམས་ཅད་སྦྱར་བ་དང་གླིང་བཞི་ཐམས་ཅད་ནོར་དབྱིག་དང་གསེར་གྱིས་བཀང་སྟེ་བྱིན་ཡང་ཕ་མ་ལ་ཕན་པའི་ལན་ལོན་པར་མི་འགྱུར་གྱི། ལ་ལ་ཞིག་གིས་སངས་རྒྱས་ལ་དད་པ་བསྐྱེད་པ་དང་། ཆོས་དང་དགེ་
D338.072.0287b03.01འདུན་ལ་དད་པ་བསྐྱེད་པ་དང་། བསླབ་པ་ལྔ་ལ་གཞག་པ་དང་། འཕགས་པས་བསྔགས་པའི་ལམ་ལ་སྐྱབས་སུ་གཏོང་བའི་གང་ཟག་དེ་ལ་ནི། གུས་པར་སྨྲས་པ་དང་བསུ་བ་དང་། ཐལ་མོ་སྦྱར་བ་དང་གདིང་བ་དང་ཆོས་གོས་དང་བསོད་སྙོམས་དང་མལ་ཆ་དང་། ན་བའི་
D338.072.0287b04.01སྨན་བྱིན་པ་ཙམ་གྱིས་ཕན་པའི་ལན་ལོན་པར་མི་ནུས་སོ་ཞེས་གསུངས་པ་ལྟ་བུ་སྟེ། དེ་ལྟར་ན་ཕ་མ་བས་ཀྱང་མཁན་པོ་དང་སློབ་དཔོན་ཁྱད་པར་དུ་འཕགས་སོ། །མདོར་ན་བཅོམ་ལྡན་འདས་མྱ་ངན་ལས་འདས་ཕྱིན་ཅད་དགེ་སློང་ངམ། དགེ་སློང་མའམ། དགེ་བསྙེན་ནམ་
D338.072.0287b05.01དགེ་བསྙེན་མ་ཇི་སྙེད་ཅིག་མངོན་པར་མོས་པ་དང་དུལ་བར་གྱུར་པ་དེ་དག་ཐམས་ཅད་ཀྱང་། མཁན་པོ་དང་སློབ་དཔོན་གྱིས་མངོན་པར་མོས་ཤིང་དུལ་བར་བྱས་སོ། །དེའི་ཕྱིར་བཅོམ་ལྡན་འདས་ཀྱིས་གསུངས་པ། དགེ་སློང་དག་ངའི་ཚིག་ལ་ཡིད་ཆེས་པ་རྣམས་ཀྱིས་སངས་
D338.072.0287b06.01རྒྱས་བཅོམ་ལྡན་འདས་ལ་དད་པ་མཆོག་བསྐྱེད་པར་བྱའོ། །ཆོས་དང་དགེ་འདུན་དང་། ཕ་མ་དང་མཁན་པོ་དང་སློབ་དཔོན་ལ་དད་པ་མཆོག་བསྐྱེད་པར་བྱའོ། །དེ་ནི་ཁྱོད་ལ་ཡུན་རིང་པོར་ཕན་པ་དང་བདེ་བའི་རྒྱུར་འགྱུར་རོ་ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་ཡུལ་གཞན་དུ་
D338.072.0287b07.01