完整藏文原文 · 德格版页 当前仅加载第 72 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱིན་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། རྐང་པ་ཤིན་ཏུ་གཞོན་ཤ་ཆགས་པར་འགྱུར་བ་དང་། རྐང་པ་ཤིན་ཏུ་གནས་པར་འགྱུར་བ་དང་། རྐང་པས་འགྲོ་བ་ན་ལུས་ངལ་བར་མི་འགྱུར་བ་དང་། བདེ་བར་འགྱུར་བ་དང་། མི་མཛའ་བ་མང་བར་མི་འགྱུར་
D338.072.0297a01.01བ་དང་། རྫུ་འཕྲུལ་གྱི་རྐང་པ་རྒྱ་ཆེན་པོ་འཐོབ་པར་འགྱུར་བ་དང་། བཞོན་པ་རྣམས་ཀྱིས་བྲེལ་བར་མི་འགྱུར་བ་དང་། རིམ་གྲོ་བྱེད་པ་དང་ལྡན་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་བཞོན་པ་བྱིན་པའི་
D338.072.0297a02.01ཕན་ཡོན་ནོ། །གནས་བྱིན་པའི་ཕན་ཡོན་ནི་རབ་ཏུ་མང་སྟེ། མང་པོ་གང་ཞེ་ན། དེ་ལ་འཇིགས་པ་མི་འབྱུང་ངོ་། །གདིང་བ་དང་བགོ་བ་ཤིན་ཏུ་འཇམ་པོ་རྙེད་པར་འགྱུར་རོ། །ལྷ་དང་མི་རྣམས་ཀྱི་འདོད་པའི་ཡོན་ཏན་ལྔ་རྙེད་པར་འགྱུར་རོ། །གལ་ཏེ་འདོད་དེ་རྒྱལ་རིགས་ཆེ་ཞིང་
D338.072.0297a03.01མཐོ་བའི་རིགས་སུ་སྐྱེ་བར་གྱུར་ཅིག་ཅེའམ། བྲམ་ཟེའི་རིགས་ཆེ་ཞིང་མཐོ་བའི་རིགས་སུ་སྐྱེ་བར་གྱུར་ཅིག་ཅེ་འམ། ཁྱིམ་བདག་ཆེ་ཞིང་མཐོ་བའི་རིགས་སུ་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ། །གལ་ཏེ་འདོད་དེ་བདག་གྲོང་གི་གཙོ་བོར་གྱུར་ཅིག་
D338.072.0297a04.01ཅེའམ། གྲོང་ཁྱེར་གྱི་གཙོ་བོར་གྱུར་ཅིག་ཅེ་འམ། གྲོང་རྡལ་གྱི་གཙོ་བོར་གྱུར་ཅིག་ཅེའམ། རི་བྲགས་ཀྱི་རྒྱལ་པོར་གྱུར་ཅིག་ཅེ་འམ། རྒྱལ་ཕྲན་དུ་གྱུར་ཅིག་ཅེའམ། རྒྱལ་པོ་བཙན་པར་གྱུར་ཅིག་ཅེ་ན། དེའི་སྨོན་ལམ་དེ་བཞིན་དུ་འགྲུབ་པར་འགྱུར་རོ། །གལ་ཏེ་འདོད་
D338.072.0297a05.01དེ་གླིང་གཅིག་པའི་རྒྱལ་པོར་གྱུར་ཅིག་ཅེའམ། གླིང་གཉིས་ཀྱི་རྒྱལ་པོར་གྱུར་ཅིག་ཅེ་འམ། གླིང་གསུམ་གྱི་རྒྱལ་པོར་གྱུར་ཅིག་ཅེའམ། འཁོར་ལོས་སྒྱུར་བའི་རྒྱལ་པོར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ། །གལ་ཏེ་འདོད་དེ། རྒྱལ་ཆེན་བཞིའི་རིས་ཀྱི་ལྷ་
D338.072.0297a06.01རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་སྨོན་པ་དེ་འགྲུབ་པར་འགྱུར་རོ། །སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་
D338.072.0297a07.01