完整藏文原文 · 德格版页 当前仅加载第 72 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་མ་ལ་ཕྱག་འཚལ་ཏེ་སྨོན་ལམ་བཏབ་བོ། །གར་སྐྱེས་གར་སྐྱེས་ཀྱང་ཕ་མའི་རིམ་གྲོ་བྱའོ། །ཉི་ཚེ་བའི་སེམས་ཅན་དམྱལ་བ་འདིར་སྐྱེ་བར་འགྱུར་བ་དེ་དག་གི་དོན་དུ་བདག་འདི་ན་གནས་སོ། །འཇིག་རྟེན་ན་རིགས་པ་དང་ལྡན་པ་དང་། གྲོལ་བར་གྱུར་པ་སུ་བཞུགས་པ་དེ་
D338.072.0285b01.01དག་ལ་ཕྱག་འཚལ་ལོ། །དེ་དག་གིས་ཀྱང་བདག་བསྐྱབ་ཏུ་གསོལ་ཞེས་སྨྲས་ནས། སེམས་ཅན་དམྱལ་བ་པ་འདུག་འདུག་པ་དེར་འདུག་ནས། ཡང་ཕ་མའི་དོན་དུ་སྨོན་ལམ་བཏབ་པ། སེམས་ཅན་དམྱལ་བ་མནར་མེད་མཐའ་ནས་སྲིད་རྩེ་མན་ཆད་ནས། སེམས་ཅན་ཚེ་
D338.072.0285b02.01འཕོའི་རྣམ་པ་འཆིང་བས་ཇི་སྙེད་བཅིངས་པ་དག །ཐམས་ཅད་མ་ལུས་ཆོས་དང་ལྡན་ཞིང་བདེ་བར་འཚོ་འགྱུར་ཏེ། རྒན་མེད་ཚེ་འཕོ་མེད་པའི་མྱ་ངན་འདས་པ་ཐོབ་གྱུར་ཅིག །དེ་སྐད་ཅེས་བརྗོད་དེ་བསྡད་པ་དང་། འཁོར་ལོ་དེ་མགོ་ལ་མ་རེག་པར་སྟེང་གི་ནམ་མཁའ་ལ་འཁོར་བར་
D338.072.0285b03.01གྱུར་ཏོ། །དེའི་མས་ཀྱང་གལ་ཏེ་བདག་གི་སྦྱིན་པའམ་ཚུལ་ཁྲིམས་སམ་བདག་གིས་ཁྱིམ་ཐབ་ཀྱི་བརྟུལ་ཞུགས་བྱས་པའི་བསོད་ནམས་ཀྱི་འབྲས་བུ་ཞིག་ཡོད་ན། བསོད་ནམས་ཀྱི་འབྲས་བུ་དེས། བདག་གི་བུ་གང་དང་གང་ན་གནས་ཀྱང་བདེ་བར་གྱུར་ཅིག་ཅེས་རྟག་པར་སྨོན་ལམ་བཏབ་པས་
D338.072.0285b04.01དེ་ལྟར་ཞི་བར་གྱུར་ཏོ། །དེ་ཡང་ཉི་ཚེ་བའི་སེམས་ཅན་དམྱལ་བ་དེ་ན་འདུག་འདུག་ནས། ལོ་དྲུག་ཅུ་ཡང་མ་ལོན་པར་ཚེ་འཕོས་པར་གྱུར་ཏེ། དཔེར་ན་རྒྱལ་པོ་མ་སྐྱེས་དགྲ་སེམས་ཅན་དམྱལ་བའི་ཚེ་ཡོངས་སུ་མ་རྫོགས་པར་ཚེ་འཕོས་པ་ལྟ་བུ་སྟེ། ལས་ཀྱི་འབྲས་བུ་ཆུད་ཟ་བ་
D338.072.0285b05.01མེད་པའི་ཕྱིར་བར་བར་ཀླད་པ་ན་བར་གྱུར་ཏོ། །དེ་ནས་སྐབས་སུ་བབ་ནས། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེའི་ཚེ་དེའི་དུས་ན་དེད་དཔོན་གྱི་བུ་བྱམས་པ་མཆོད་སྦྱིན་ཞེས་བྱ་བ་དེ་གཞན་ཞིག་ཡིན་པར་སེམས་ན་དེ་ནི་དེ་ལྟར་མི་བལྟ་
D338.072.0285b06.01སྟེ། ང་ཉིད་དེའི་ཚེ་དེའི་དུས་ན་དེད་དཔོན་གྱི་བུ་བྱམས་པ་མཆོད་སྦྱིན་ཞེས་བྱ་བར་གྱུར་ཏོ། །དགེ་སློང་དག་དེ་ལྟ་བས་ན་ངའི་ཚིག་ལ་ཡིད་ཆེས་པར་བྱས་ཏེ་སངས་རྒྱས་བཅོམ་ལྡན་འདས་ལ་རིམ་གྲོ་ཡོད་པར་བྱའོ། །ཆོས་དང་དགེ་འདུན་ལ་རིམ་གྲོ་ཡོད་པར་བྱའོ། །ཕ་མ་དང་
D338.072.0285b07.01