完整藏文原文 · 德格版页 当前仅加载第 72 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འབྱུང་ན་ཡང་ཁ་བྱང་ཕྱོགས་སུ་བལྟས་ཏེ་བྱུང་ཤིག་ཅེས་སྨྲས་སོ། །དེ་དུས་གཞན་ཞིག་ན་དེ་ནས་ཕྱི་རོལ་ཏུ་བྱུང་སྟེ་ཡང་འཕྱན་ཅིང་སོང་སོང་བ་དང་། གྲོང་ཁྱེར་དངུལ་གྱི་ར་བ་ཅན་བཟའ་ཤིང་གི་ར་བ་དང་ལྡན་པ་རྫིང་བུ་དང་ལྡན་པ་བདུག་སྤོས་ཀྱིས་བདུགས་པ་མེ་ཏོག་
D338.072.0284a01.01སིལ་མས་གཏོར་བ་དར་གྱི་ལྡ་ལྡི་མང་པོ་བྲེས་པ་ཞིག་མཐོང་ངོ་། །དེའི་ནང་ནས་ལྷ་མོ་བརྒྱད་འཐོན་ཏེ། སྔ་མ་བཞིན་དུ་རྩེ་རྩེ་ནས་དེ་ནས་ཀྱང་དུས་གཞན་ཞིག་ན་ཕྱིར་བྱུང་སྟེ་འཁྱམ་འཁྱམ་པ་ལས་གྲོང་ཁྱེར་བཻ་དཱུ་རྱའི་ར་བ་ཅན་ནས། དར་གྱི་ལྡ་ལྡི་མང་པོ་བྲེས་པ་སྔ་མ་བཞིན་དུ་མཐོང་ནས། །
D338.072.0284a02.01དེའི་ནང་ནས་ལྷ་མོ་བཅུ་དྲུག་འཐོན་ཏེ་དེ་དག་གིས་ཀྱང་དེའི་ལག་ནས་བཟུང་སྟེ་ནང་དུ་ཁྲིད་དོ། །དེ་དག་དང་ཡང་ལོ་བརྒྱ་སྟོང་མང་པོར་རྩེ་རྩེ་ནས། དེ་ནས་ཀྱང་དུས་གཞན་ཞིག་ནས་ཕྱིར་བྱུང་སྟེ་འཁྱམ་འཁྱམ་པ་ལས། གྲོང་ཁྱེར་ཤེལ་གྱི་ར་བ་ཅན་ནས་དར་གྱི་ལྡ་ལྡི་མང་པོ་བྲེས་པའི་བར་དུ་
D338.072.0284a03.01སྔ་མ་བཞིན་དུ་མཐོང་ནས། དེའི་ནང་ནས་ལྷ་མོ་སུམ་ཅུ་རྩ་གཉིས་འཐོན་ཏེ་དེ་དག་གིས་ཀྱང་ལག་ནས་བཟུང་སྟེ་ནང་དུ་ཁྲིད་དོ། །དེ་དག་དང་ཡང་སྔ་མ་བཞིན་དུ་རྩེ་རྩེ་བ་ལས་དེ་དག་གིས་བསྒོ་བ། འཕགས་པའི་བུ་འདི་ནི་ཁྱོད་ལ་མེད་པའི་ས་ཕྱོགས་ཡིན་གྱིས། གནས་འདི་
D338.072.0284a04.01ནས་ཕྱི་རོལ་ཏུ་བྱུང་ཏ་རེ། བརྒྱ་ལ་འབྱུང་ན་ཡང་ཁ་བྱང་ཕྱོགས་སུ་ལྟོས་ཏེ་བྱུང་ཤིག་ཅེས་སྨྲས་པའི་འོག་ཏུ་དེ་ཁང་པ་དེ་ནས་བྱུང་སྟེ་ཁ་བྱང་ཕྱོགས་སུ་བལྟས་ནས་སོང་སོང་བ་ལས། ཚེར་མའི་ནགས་ཚལ་ཞིག་ཏུ་ཕྱིན་པ་དང་གྲོང་ཁྱེར་ལྕགས་ཀྱི་ར་བ་ནག་པོ་ཅན་ཞིག་མཐོང་སྟེ།
D338.072.0284a05.01དེར་སོང་སོང་བ་དང་ནང་དུ་ཕྱིན་མ་ཐག་ཏུ་གྲོང་ཁྱེར་གྱི་སྒོ་འགགས་ནས། ར་བའི་གོང་དུ་བལྟས་ན་ཡང་མཐོ་བར་གྱུར་ཏེ་མཐར་སྒྲ་འཇིགས་པ་ཞིག་ཀྱང་ཐོས་ནས། དེ་ན་གནས་བཞིན་དུ་འདི་ཅི་ཞིག་སྙམ་དུ་བསམས་པ་དང་། རལ་གྲི་འཁོར་ལོ་མགོ་ལ་འཁོར་ཞིང་གཅོད་པའི་མི་
D338.072.0284a06.01ཞིག་མཐོང་ནས་དངངས་ཏེ། ཀྱེ་མི་འདི་ཅི་ཞིག་ཅེས་དྲིས་པ་དང་། སེམས་ཅན་དམྱལ་བ་པའི་མི་དེས་འདི་ནི་ཉི་ཚེ་བའི་སེམས་ཅན་དམྱལ་བའོ་ཞེས་སྨྲ་བ་དང་། བྱམས་པ་མཆོད་སྦྱིན་གྱིས། ཁྱོད་ཀྱིས་སྡིག་པའི་ལས་ཅི་ཞིག་བྱས་ཞེས་སྨྲས་སོ། །དེས་སྨྲས་པ། འཛམ་བུའི་
D338.072.0284a07.01